Isaiah 1:15 - Bible Ni Thothup

¹⁵ “Gimed ra pug pa’med ngalang ngam meybilgad ngog ma dab gu sap ngomed. Demturug gelngin e meybil ni gimed ra tay ma dab gu telig ngomed, ya ba sug e racha’ u pa’med.

Isaiah 1:15 Referans Kwoze

Mikah 3:4

Bay ba ngiyal’ ni be yib ni bay mu pininged SOMOL ni ba ga’ lammed, machane dabi fulweg lammed. Ma dabi motoyil ko meybil romed, ya kam ngongliyed e kireb.

Proverbs 1:28

Ma aram e bay mu pininged e gonop, ma dab gu fulweg lungumed. Ra mu gayed gag u gubin yang, ma dab mu pir’eged gag.

Zekariah 7:13

Bochan e gu non ma dar motoyilgad, aramfan ni dagu fulweg taban e meybil rorad.

Jeremiah 14:12

I mus ni yad ra pag e abich ma dab gu telig nga lamrad ni yad be wenig ngog ni nggu ayuwegrad; ma dab ra fel’gad u wun’ug, ni mus ni yad ra pi’ ngog e gamanman ni ka ni urfiy nge grain. Ma aram e bay gu li’rad ko mael nge uyongol nge liliy.”

Psalms 66:18

Fa’anra mang e gu sabalbalyang ko pi denen rog, ma dabi motoyil SOMOL ngog.

1 Kings 8:22

Me yan Solomon i sak’iy nga m’on ko altar u p’eowchen e girdi’ nu Israel. Me pug pa’ ngalang nruw raba’

Isaiah 58:7

Mu pi’ed boch e ggan romed i kay e pi’in yad be yim’ ko bilig, mi gimed bing e naun romed ngak e pi’in ni gafgow ndariy e naun rorad. Mu pi’ed e mad ngak e pi’in ndariy e mad ni nga ron’ed, ma dab mu siyeged ni nge dab mu ayuweged e girdi’ romed.

Psalms 55:1

A Got, mu rung’ag e meybil rog; dab mu pi’ keru’um ko wenig rog!

BABYOR NI JOB 27:20

Ra aw e marus ngorad ni bod feni tomgin e sugbur; miyad ra un ko nifngin e nep’;

1 Kings 8:54

Fa’ani mu’ Solomon ko meybil ngak SOMOL, me sak’iy u m’on ko altar ni aram e gin ni ragbug riy nga but’ nge par nike pug pa’ ngalang nruw raba’.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Matthew 6:7

“Fa’anra mmeybilgad ma dab um sulod u daken ta’ab bugithin ni pire’ yay ni bod nma rin’ e pi’in yad ma meybil ngak yugu boch e kan, ni yad be finey ni yira rung’ag e tin ni yad be yog ni bochan e ba n’uw e meybil ni yad be pi’.

1 Timothy 2:8

Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.

Isaiah 8:17

I SOMOL e ke mith ko girdi’ rok, machane gu be par nib pagan’ug ngak me ir e ke lagan’ug ngak.

Psalms 134:2

Mu chibiyed pa’med ngalang ngam meybilgad u lan e Tempel, ngam pininged e sorok ngak SOMOL!

Ezra 9:5

Nap’an ni taw ngal’an e maligach ni blayal’ mug sak’iy ngalang ko gin ni ug yor riy, ni kug bay u madag nib mogchoth, mu gu ragbug nggu meybil mu gu tining pa’ag ngalang ngak SOMOL ni Got rog.

John 9:31

Gadad manang ni Got e dar ma motoyil ngak e pi’in yad ba tadenen; ya ma motoyil ngak e pi’in yad ma tayfan ma yad ma rin’ e tin ni ba’adag ni ngar rin’ed.

Exodus 9:29

Me ga’ar Moses ngak, “Nap’an ni gu ra yan nga wuru’ e binaw, mu gu pug pa’ag ngalang nggu meybil ngak SOMOL. Me tal e dirra’, ma dabki mul e ayis nike el nga but’, ma aram e bay mu nang ni re fayleng ney e mmil suwon ngak SOMOL.

BABYOR NI JOB 35:13

Dariy rogon ni ngar yorgad ngalang; ya Got ni Gubin ma Rayag rok e der guyrad ma der rung’ag lamrad.

Isaiah 4:4

Fare gelngin Somol e bayi pufthinnag me machalbognag fare nam me maluknag nge chuweg machan e kireb rok yu Jerusalem nge rracha’ ni u ni pu’og u rom.

Isaiah 45:15

Fare Got nu Israel ni ir e be ayuweg e girdi’ rok u pa’ e to’ogor rorad e ba Got ndabiyag ni ngan guy.

Isaiah 58:4

Gimed ba kireb, gubin ngiyal’ ni gimed be cham ma gimed be tugthin. Gimed be leamnag ni mit ney e page abich e ra m’agan’ug ngay nggu rung’ag e meybil romed?

Isaiah 64:7

Dariy be’ ni ka be meybil ngom; ma dariy be’ ni ka be yib ngom ni ngam ayuweg. Kam mithegem romad, ma kam n’agmad ni bochan e denen romad.

Jeremiah 4:31

Ku gu rung’ag laman e yor, ni bod be’ ni bpin ni nge gargel, nge ba tolul ni bod be’ ni bpin ni nge gargaleg e bin som’on e bitir rok. Re lam nem e lungun Jerusalem ni be rere’nag e pogofan rok, be ki’yag pa’ ni be ga’ar, “Gafgow gag! Karbad ni ngar thanged e pogofan rog!”

Jeremiah 11:11

Ere chiney, e Gag SOMOL e gu be ginangrad ni nggu wan gu girengiy e riya’ nga dakenrad, ni dabiyag ni ngar thaygad riy. Ma nap’an e yad ra yornag e ayuw ngog, ma dab gu motoyil ngorad.

Ezekiel 11:6

Kam thanged e pogofan rok bo’or e girdi’ u roy u lan binaw nike sug daken e kanawo’ ko ldow.

Ezekiel 14:3

Ni ga’ar, “Fak e girdi’, pi pumo’on ney e kar m’onaged e liyos u wan’rad kemang liyos e be waliyrad nga fithik’ e denen. Ere yad be leamnag ni gu ra non ngorad?

Ezekiel 39:23

Ma aram e bayi nang e pi nam ni piyu Israel e ranod ni kalbus nga wuru’ e nam ni bochan e pi denen nra ngongliyed nib togopluw ngog. Gu cheal nggu pi’ keru’ug ngorad mu gu pag e to’ogor rorad ngar gelgad ngorad mi ni thang e pogofan rorad u fithik’ e mael.

Hosea 5:6

Rayag ni ngar feked e saf rorad nge garbaw ngar pi’ed ni maligach ngak SOMOL, machane dariy angin ngorad. Dabiyag ni ngar pir’eged, ya ke chuw rorad.