Isaiah 1:10 - Bible Ni Thothup

¹⁰ Jerusalem, pi’in yad be yog e thin rom nge girdi’ rom e yad bod e girdi’ nu Sodom ngu Gomorrah. Mu telim ko thin ni be yog SOMOL ngom. Mu tiyan’um ko n’en ni be fil e Got rodad ngom.

Isaiah 1:10 Referans Kwoze

Revelation 11:8

ma bayi par downgirow u daken e wo’ ko fare binaw nib gilbuguwan, ni aram e gin nrichibiy e Somol rorow riy ko kuruth. Re ngachal nra m’ag ko re binaw nem e Sodom, ara Egypt.

Ezekiel 16:49

Ir nge pifak nib ppin e yad ba ufanthin ni bochan e bo’or garad miyad ma par u fithik’ e gapas nib math gulungrad, machane darir ayweged e pi’in gafgow nge pi’in ba t’uf e ayuw rorad.

Amos 9:7

I SOMOL e be ga’ar, “Gimed piyu Israel e ta’reb rogomed piyu Ethiopia u wun’ug. I gag e gu fek e piyu Filistia u Crete ngaray, ma piyu Syria e gu fekrad u Kir ngaray, ni bod rogon ni gu fekmed u Egypt ngaray.

Ezekiel 16:46

“Bin nganni’ e bpin ni walagem e Samaria, ni fare binaw ko lel’och rom nge pifak ni ppin ni fa yochi binaw nib chuchugur ngak, ma bin wen i walagem ni bpin e Sodom ni bay ko yimuch rom ni yad pifak ni ppin.

Jeremiah 23:14

Machane pi profet nu Jerusalem e kug guyrad ni ka ba gel e kireb ko tin yad be ngongliy: yad be par e ppin ni gathiyad bmabgol ma yad be lifith l’ugunrad; yad be towaser ko girdi’ ni nge ngongliy e kireb, ya nge dariy be’ ni nge tal i ngongliy e kireb. Rogon ko leam rog e yad gubin ni yad bod yu Sodom, ta’reb farad kireb ngak yu Gomorrah.

Isaiah 3:9

Changar ni fanenikan u owcharad e ke dag e kireb rorad. Denen ni yad be tay e ba gagyal ni bod ni i rin’ e girdi’ nu Sodom. Kar riya’gad, ni yad e kar girngiyed e riya’ nga dakenrad.

Deuteronomy 32:32

Pi to’ogor rorad e yad bod feni kireb yu Sodom nge yu Gomorrah, yad bod e woldug ni grapes nma yib wom’ngin nib mo’oy ma ba yub,

Roma 9:29

Ni bod rogon ni ka’a yog Isaiah ni ga’ar, “Somol ni Gubin ma Rayag Rok, e fa’an mang e de tay boch e girdi’ ni owchen pi chitamangidad ngar pired ma kad boded yu Sodom nge yu Gomorrah.”

Amos 3:8

Nap’an nra tolul ba layon, me mini’ e ra par ndabi rus? Ma nap’an nra welthin SOMOL ni Th’abi Tolang, me mini’ e rayag rok ni nge par ndabi weliy e thin rok?

Amos 3:1

Gimed e girdi’ nu Israel, mu telmed ko pi thin ni ba’aray nike weliy SOMOL ni murung’agmed, gimed fare nam ni ga’ngin ni fek nga wuru’ yu Egypt:

Isaiah 28:14

Gimed e girdi’ ni ufanthin ni gimed be gagiyegnag e pi girdi’ ney u roy u Jerusalem, mu telmed ko tin be yog SOMOL.

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Genesis 13:13

ma girdi’ ni yad ma par u lan yu Sodom e ba kireb e ngongol rorad, ni aram e yad ma denen nib togopluw ngak SOMOL.

Isaiah 30:9

Gubin ngiyal’ ni yad be togopluw ngak Got, gubin ngiyal’ ni yad be lifith l’ugunrad, ma gubin ngiyal’ ndaburad ni ngar motoyilgad ko fonow rok Got ngorad.

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.

Ezekiel 13:2

“Fak e girdi’, mu gechignag e pi profet nu Israel ni yad e yad be tunguy e yi’iy rorad. Mog ngorad ni ngar motoyilgad ko thin rok SOMOL.”

Mikah 3:1

Gimed e pi’in gimed be gagiyegnag e girdi’ nu Israel, mmotoyil gad! Susun e ngam leam niged ngu’un rin’ e tin nib yal’uw,

Ezekiel 16:35

Jerusalem, i gur e re gathar! Mu telim ko tin be yog SOMOL.