Hosea 9:6 - Bible Ni Thothup

⁶ Nap’an nra yib e riya’ me wear e girdi’, me yib piyu Egypt ngar kunuyedrad — ngar k’eyagedrad u Memfis! Machaf rorad ni silber nge yungi n’en ni immoy taferad riy e bayi mogoth nge sug ko pan ni bay e rachangal riy.

Hosea 9:6 Referans Kwoze

Hosea 10:8

P’ebgul fapi burey nu Aven ni aram e gin ma meybil e girdi’ nu Israel riy ko liyos, e bay i mogoth. Rachangal nge pan e bay i ilal nge tharay e pi altar rorad. Girdi’ e bay ra tolulgad ko pi burey ni yad be ga’ar, “Mmithagmad!” miyad ga’ar ko yochi burey, “Mu upnguyed gamad!”

Isaiah 5:6

Mu gu pag nge yib e pan ngay ni bay rchanglen. Dab kug theth’ab papa’ngin ni nge tamilang fithik’ ara ug gi’ e but’ riy, ya bay gu pag nge tugul e pan riy ni bay rchanglen nge upunguy. Mu gog ngak e manileng nge dabki aw e n’uw ngay.”

Hosea 9:3

Girdi’ nu Israel e dabra magach gad u lan fare nam rok SOMOL, machane bay rsulod nga Egypt ma bay ra ked e ggan nib togopluw ko motochiyel u lan yu Assyria.

Hosea 8:13

Yad be pi’ e maligach ngog miyad be kay e ufin ko fapi maligach. Machane i Gag SOMOL e darir fel’gad u wun’ug, are chiney e bay yib ngan’ug e kireb rorad, mug gechig nagrad ni fan ko denen rorad; bay gu fulwegrad bayay nga Egypt!

Hosea 7:16

Dakrir sulod ngog yad be lek ba got ni dariy gelngin. Dar muduwgil gad ni gowa ba gat’ing nib bug. Ni bochan e pi’in nma gagiyeg nagrad e ba tolang e thin rorad, yad ra yim’ nib ma’abwoch, ma ra minmin piyu Egypt.”

Isaiah 7:23

“Ra taw ko ngiyal’nem ma yungi woldug ni grapes ni bfel’ nra bang ma bbiyu’ kaen e woldug ni grape ni bay riy, mra bang ma bbiyu’ yang e silber nni pi’ ngay, e bayi sug e pan riy ni bay rachangalen.

Hosea 11:11

Bay rabad u Egypt, nib machreg ni bod e arche’, marbad u Assyria ni bod e dove. Bay gu fulwegrad nga taferad bayay. I Gag SOMOL e gu be non.”

Hosea 7:13

“Kar riya’ gad! Kar pi’ed keru’rad ngog ma yad be togopluw ngog. Bay ni thangrad. Gu ba’adag ni nggu aywegrad, machane liyor rorad ngog e go’ ban.

Isaiah 34:13

Rachangal e bayi tugul u gubin tafen e pilung nge fa yochi binaw ni kan ngongliy e rungrung riy, ma bayi tafnay e jackal nge owl.

Isaiah 32:13

ma pan ni bay rachangalen e be tugul u daken e but’ rok e tirog e girdi’. Mu yor niged urngin e naun ni i par e girdi’ riy ni yad ba felfelan’ nge fare binaw ni i yan e maruwel riy ni bfel’ rogon.

Isaiah 27:12

Rofen nem, e feng Got e girdi’ rok ni be’ nge be’ ni tabab u Eufrates ngeb ko mathil nu Egypt, ni bod e parde’ wheat nma ki’eg lemmun ko keru’.

Isaiah 19:13

Pi tayugang’ nu Zoan ngu Memfis e yad bbalyang. Yad e susun e yad e ngar pow’iyed e nam, machane ka ra olobochiyed.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Proverbs 24:31

Ma ke sug ko pan ni bay e rchangal riy ma ke mathrow ko pan. Ma yoror riy ni malang e ke puth nga but’.

Psalms 107:34

I pingeg e but’ nib yong’ol nge buday ni daki fel’, ni bochan e kireb ni i ngongliy e pi’in i par u rom.

2 Kings 13:7

Ma dakuriy e salthaw rok Jehoahaz ni magey, kemus wugem e girdi’en e yan u os, ragag e chariot, nge 10,000 e salthaw ni mayan u but’, ya fare pilung nu Syria e ke thirif u but’ e tin ki immoy, ke yotyotrad nga but’ ni bod e fiyath.

1 Samuel 13:6

Piyu Israel e ncham ngorad nib elmerin, ngar pired ni kar magawon gad. Boch i yad e ur mithgad u lan e pi yiy nge low, ngu fon e war i yan, ngu thilthilin e yungi war ngu lan e pi luwed;

Jeremiah 2:16

Pumo’on nu Memfis ngu Tahpanhes e ka ra biliged e lo’ u lolugen.

Jeremiah 42:22

Ere aram e nge par u wun’med e ran’ey: bay m’ad u fithik’ e mael fa uyngol ara liliy u daken e re gi but’ ni gimed ba’adag ni ngam pired riy.”

Jeremiah 44:1

I SOMOL e non ngog nib l’ag rogon ngak urngin piyu Israel ni yad ma par u lan yu Egypt, ko fapi binaw u lan yu Migdol, Tahpanhes, ngu Memfis, ngu lay ni lel’och e binaw.

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Jeremiah 46:19

Ngam fal’egned rogomed ni ngan fekmed ni kalbus, gimed e girdi’ nu Egypt! Memfis e bayi par nike daken e ted, nike kireb ni dakriy be’ nma par riy.

Ezekiel 30:13

I SOMOL ni Th’abi Tolang e be ga’ar, “Bay gu kirebnag e pi liyos nge pi got ni de rriyul’ u lan yu Memfis. Ma bayi par ni dakriy be’ ni nge gagiyegnag yu Egypt, mu gu k’aring e marus ngak urngin e girdi’ riy.

Ezekiel 30:16

Bay gup’ e nifiy nga Egypt, ma yu Pelusium e bay ra leplepgad ko amith. Yoror nu Thebes e bayi puth nga but’, me aw e girdi’ nu Memfis nga fithik’ e marus.

Hosea 2:6

Ere bay gu ning e kanawo’ rok nga nochi ke gek’iy ni bay rachangalen; mu gu tay ba yoror ngalan e kanawo’ rok nge dabkiyag ni i rin’ e pin’en ni i rin’.

Hosea 7:11

Yu Israel e yad be so’og’og ni bod ba arche’ ni bulogol nib man lanyan’; som’on riy me man ayuw e girdi’ nu Israel nga Egypt, miyad cheal ngar milgad nga Assyria!

Zefaniah 1:11

Gimed e pi’in gimed be par ko yungi n’en nib sobut’ e but’ riy ko fare binaw, mu tolul gad mi gimed yor, nnap’an ni gimed ra rung’ag lingan e ren’ey, ma aram e go’ ke yim’ fapi tasiyobay!

Levitikus 26:33

Bay gu pag e mael nge yib ngomed mu gu weregmed i yan u boch e nam ni gathi tafenmed. Nam romed e bay n’ag, ma pi binaw romed e bay ni pag nike mogothgoth.

Jeremiah 44:12

Ta’reb i ta’ ko girdi’ nu Judah ni magach ni kar turguyed ni ngaranod nga Egypt ngar pired u rom, bay gup owcheg ngorad ni yad gubin ni dabisiy ni ngan thang e pogofan rorad. Yad gubin e pi’in ntolang nge tin nib sobut’, ni go’ yad ra yim’ u lan yu Egypt, ni de muduwgil ko mael e yad ra yim’ riy fa uyngol. Ra tamdag ya’arad; girdi’ e bay i moning nagrad me par fithingrad nike mang ba yaba’.

Jeremiah 44:13

Bay gu gechignag e pi’in yad ma par u Egypt, nri bod rogon ni gu gechignag yu Jerusalem — ko mael, nge uyngol, nge liliy.