Hosea 9:15 - Bible Ni Thothup

¹⁵ Be ga’ar SOMOL, “Gubin e ngongol rorad nib kireb e tabab u Gilgal. Ireram e gin gu tabab i dabuy dakenrad riy. Ma bay gu tulufrad ngar chuwgad u daken e nam rog, ni bochan e kireb ni kar rin’ed. Aram e dabkur t’ufgad rog; gubin e pi tayugang’ rorad ma kar togopluwgad ngog.

Hosea 9:15 Referans Kwoze

Hosea 12:11

Ma yug aram rogon ma yibe meybil ngak e pi liyos u Gilead, ma pi’in yad ma meybil ngak e liyos e bay ni thang owcharad. Pi garbaw ni pumo’on e yibe maligach ngay u Gilgal, ma pi altar u rom e bayi par ni yu ulung i malang u daken e ted.”

Hosea 4:15

“Yugu aray rogon ndamur yul’yul’gad piyu Israel ngog, ma yu Judah e mang e yugu ra pired ndab ra ngongliyed e tin gimed be rin’. Dab marod mu meybilgad nga Gilgal nge nga Bethel, ma dab mmicheged yu bugithin u rom nga fithingan SOMOL ni be par nib fos.

Isaiah 1:23

Pi’in yad be yog e thin rom e yad be togopluw ka ra manged tafager rok e pi moro’ro’; gubin ngiyal’ ni yad be fek e pi tow’ath nge puluwon e sasalap. Darir ayuweged e bitir ni kanim’ rorad u tafen e puf oloboch, ara rmotoyilgad ko oloboch rok e ppin nike yim’ figirngirad.

Amos 5:5

Dab ku’um marod mu meybilgad nga Beersheba. Dab mu guyed rogon ngam pir’eged gag u Bethel, ya bayi m’ay yu Bethel nga bang. Dab kum marod nga Gilgal, ya girdi’ riy e kan turguy ni ngranod nga reb e nam ni kalbus.”

1 Samuel 7:16

Gubin e duw nma yan u Bethel nga Gilgal nge nga Mizpah, ngi i pithig e yu pa’ i oloboch.

Zefaniah 3:3

Pi tolang riy e bod bogi layon ni be tolul; pi’in tapuf oloboch riy e yad bod e pi wolves ni kar uyngolgad, ni kari gel farad cholchol ni mada’ nga balay i yil ma dab ra paged nge kadbul ngay.

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Zekariah 11:8

Dakiyag ni gu k’adan’ug rok dalip i tagafal saf, ni dubrad dakenag, mug chuwegrad ni yad gubin u lan ta’ab pul.

Mikah 3:11

Pi’in yad be gagiyegnag e girdi’ u lan binaw e yad be fek puluwon e sasaliyeb ni yad be tay, ma pi prist e yad be pithig fan e Motochiyel u wan’ e girdi’ ni bay puluwon, ma pi profet e yad be weliy e yi’iy ni ku bay puluwon ma yad be yog ni bay SOMOL rorad. Bayi n’en me lungurad, “Gathi ba’ SOMOL rodad? Ere dariy ban’en nra buch rodad.”

Amos 5:27

nge un ngomed u nap’an ni gu ra fekmed ni kalbus nga wuru’ e nam nga ba’nem yu Damaskus.” Ara’ rogon ni be yog SOMOL, ni fithingan e Got ni Gubin ma Rayag Rok.

Amos 4:4

I SOMOL ni Th’abi Tolang e be ga’ar, “Gimed e girdi’ nu Israel, fa’anra thingar mu denen gad, me’ere mmarod ngam denen gad ko fa gin ba thothup u Bethel! Marod nga Gilgal, ngam rin’ed e ngongol nib denen ngari musmus rogomed riy! Mu feked e gamanman i yib ni ngam pi’ed ni maligach u reb e kadbul ngu reb, mi gimed fek ta’ab guruy ko ragag guruy e tin bay romed ni yu duk’uf.

Hosea 9:17

Fare Got ni gu ma pigpig ngak e bayi n’ag girdi’en, ya darir motoyilgad ngak. Bay ur malethaygad ko pi nam i yan.

Hosea 9:3

Girdi’ nu Israel e dabra magach gad u lan fare nam rok SOMOL, machane bay rsulod nga Egypt ma bay ra ked e ggan nib togopluw ko motochiyel u lan yu Assyria.

Hosea 7:2

Dertaw nga lanin’rad nra par u wun’ug gubin e pi kireb ney; ya denen rorad e ke cholongbiyrad, ma dabyag ni nggu fek owcheg rorad.”

Hosea 4:9

Ta’ab gechig e bay mu gafgowgad e girdi’ u tanggin! Bay gu gechig nagmed ngam pi’ed puluwon e kireb romed.

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Hosea 1:9

Me ga’ar SOMOL ngak Hosea, “Mu tunguy fithingan ni ‘Gathi-girdi’-rog’, ya girdi’ nu Israel e gathi girdi’ rog, ma gathigag e Got rorad.”

Hosea 1:6

Me diyen Gomer bayay nge gargel ni bochi pin. Me ga’ar SOMOL ngak Hosea, “Mu tunguy ‘Det’uf’ ngak ya dabku gu dag e t’ufeg rog ngak e girdi’ nu Israel ara gu n’ag fan e kireb rorad.

Ezekiel 23:18

Me dag downgin u fithik’ e girdi’ ni yo’or ma go’ nnang nib gathar. Ri chuwan’ug rok ni bod ni chuwan’ug rok e bin ilal i walagen.

Ezekiel 22:27

Ma pi tamal’gun e am nu Israel e kar boded e pilis ni malboch ni yad ma popof e gamanman ni kar li’ed. Yad be mathang pogofan ni bochan e nge yo’or ban’en rorad.

Jeremiah 11:15

I SOMOL e be ga’ar, “Pi girdi’ ni yad ba t’uf rog e yad be rin’ e ngongol nde fel’. Mang mataw’rad ni ngarbad nga Tempel rog? Yad be leamnag nrayag ni ngar taleged e riya’ ko tin yad be micheg nge gamanman ni yad be pi’ ni maligach? Gur, yad ra felfelan’?

Jeremiah 5:5

Ere bay gu waen ngak e pi’in yad ma gagiyeg nggu weliy ngorad. Bmich ni yad manang ko mang e be yog Got, fa mang e ba’adag SOMOL ni ngar rin’ed.” Machane yad gubin nra siyegned mat’wun SOMOL miyad siyeg ni ngar folgad rok.

Jeremiah 3:8

I Judah e ki guy ni gu chuweg Israel nggu l’oeg nge chuw ni bochan e ke pi’ keru’ ngog ke mang be’ nma chuway’ ngak. Machane i Judah, ni be’ ni bpin nde yul’yul’ ni walagen Israel e de rus. Ku ir ma ke mang be’ nma chuway’ ngak

Psalms 78:60

Me n’ag e tent rok nu Shiloh, ni aram e gin ni tafen ni i par riy u fithik’mad.

Joshua 10:43

Ma nga tomuren e ren’ey me sul Joshua nge fare raba’ i salthaw rok ko fa gin be par piyu Israel riy u Gilgal.

Levitikus 26:30

Bay gu kirebnag e yungi tagil e meybil romed u daken e ted, mug buthug e pi altar ni gimed ma urfiy e pi incense riy, mu gun’ e dogur romed nib yam’ nga daken e pi liyos ni gimed ma meybil ngay ni ku yad ba yam’. Mu fithik’ e fananikay rog

Acts 5:21

Me fol e pi apostel riy, ma nap’an ni be puf e woch miyad yan ngalan e Tempel ngar tababgad ko machib. Ma fare Prist ni Th’abi Ga’ nge pi’in yad nga baraba’ e ra ulunguyed urngin e pi’in pi’ilal rok piyu Israel ni ngar mu’ulunggad ngar puruy’gad; miyad pi’ e thin nge yan nga kalbus ni ngan fek fapi apostel i yib nga p’eowcherad.

Jeremiah 12:8

Girdi’ ni gu mel’eg e karchel gad ka ra togopluwgad ngog; yad bod e layon u lan e loway, yad be tolul ngog, ere ku gu fananikayrad.

Hosea 12:2

Bay e thin ni nge yog SOMOL nib togopluw ngak e girdi’ nu Judah; ma aram e ngki gechignag yu Israel ni bochan e tin be rin’ e girdi’ riy. Bayi fulweg taban ngorad e tin kar rin’ed.

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.