Hosea 8:6 - Bible Ni Thothup

⁶ Be’ nu Israel nib salap e ir e toy fare liyos, ni aram e gathi ba got e ran’em! Fare garbaw nni ngongliy ko gol ni bay u Samaria e bay ni bilbilig nge yochiyang.

Hosea 8:6 Referans Kwoze

Acts 19:26

Kam guyed ma kam rung’aged e n’en ni be rin’ facha’ i Paul. Be weliy ni liyos nike ngongliy e girdi’ karogned e got ngay e gathi bogi got e pin’em, ma ke yo’or e girdi’ nike riyul’ u wan’ e tin ke yog, ni girdi’ nu roy u Efesus nge gonap’an e urngin e girdi’ ni bay u lan e nug nu Asia.

Acts 17:29

Ere fa’anra gadad pifak, ma dab da tafinay niged ni Got e bod e liyos ni kan ngongliy ko gol ara silber ara malang, ni bod rogon nike leamnag e pi’in yad ba salap i ngongliy ban’en kar ngongliyed.

Habakkuk 2:18

Mang e yira fanay ba liyos ngay? Ya kemus ni ban’en ni pa’ e girdi’ e ni ngongliy ngay, ma dabiyag rok ni nge weliy ngom e tin riyul’. Mang e n’en ni bfel’ nrayag ni rin’ ngak e en ni toy nra pagan’ ngay, ni ba got ni mus ko numon ma dabiyag rok!

Hosea 10:2

Girdi’ nib sug lanin’rad ko sasalap e dabisiy ni ngar gafgowgad e chiney ni bochan e denen rorad. I SOMOL e bayi buthug nga but’ e pi altar rorad, me gathay fa yu raba’ i malang ni yad ma meybil ngay.

Jeremiah 50:2

“Mu weliy fapi thin ngak e pi nam! Ngam weliy i yan! Mu dag e pow riy ma ga be weliy fapi thin! Dab mu tay nib mith! Ke thay pa’ yu Babylon! Fare got rok ni Marduk e ke wearwear! Pi liyos rok yu Babylon e ka ni tamra’nag; ma fapi ya’an bogi n’en ni kan toy nib sonogor e kan bilbilig!

Jeremiah 10:14

Ra m’ug e ran’ey, ma ra man lanyan’ e girdi’ ni dakrir nanged e n’en ni ngar rin’ed; pi’in nma ngongliy e liyos e ka ra aliliy gad, ni bochan e fapi got ni yad be ngongliy e go’ bogi ban’en ndariy e yafos rorad.

2 Kronicles 31:1

Nga tomuren nike m’ay fare madnom ma gubin e girdi’ nu Israel nranod ngalan gubin e pi binaw nu Judah ngar bilged e yu raba’ i malang, miyad th’ab nga but’ e pi pow rok Ashera ni fare got ni bpin, miyad gathay e pi altar nge yungin tagil’ e tayfan rok e pi’in ndar nanged Got. Ma ku aram e n’en ni rrin’ed u daken yu Judah ni ga’ngin, nge fa yuyangi nug rok Benjamin, Efraim, nge Manasseh; ma aram miyad sul ni yad gubin nga taferad.

2 Kings 23:19

Me buthug Josiah ni Pilung u lan e nam nu Israel ni ga’ngin urngin e yungi n’en ni yima meybil riy ngak yugu boch e got, ni yugu boch e pilung ni yad ba m’on rok e ra ngongliyed, ni aram fan miyad k’aring e damumuw ngak SOMOL. Miki rin’ ko pi altar nem ni urngin e n’en nike rin’ ko pi altar u Bethel.

2 Kings 23:15

Miki kirebnag Josiah e gin yima meybil riy u Bethel, ni Jeroboam ni Pilung ni fak Nebat e ngongliy, ni ir e waliy yu Israel ngar denengad. Me buthug Josiah e altar riy, me t’et’ar e malang riy nge nochiyang, me pirpirdi’iy me ngal’ ni ab; miki urfiy fare ley i ren ni kani suweg ni fan ngak fare got ni bpin ni Asherah.

Jeremiah 48:13

Ma aram e piyu Moab e bay ra tamra’gad ko fare got rorad i Kemosh, ni ri bod piyu Israel nra tamra’gad ngak Bethel, ni fare got ni i pagan’rad ngak.

Hosea 13:2

Dartalgad ko denen ra ngongliyed ya’an boch e ban’en ko wasay ngu’ur tedfan — bogi liyos ko silber, ni girdi’ e leamnag rogon, ni pa’ e girdi’ e ni ngongliy ngay. Ma aram miyad ga’ar, “Ngan pi’ e maligach ngorad!” Mi i yan e girdi’ ngi i faray fapi liyos — ni bogi liyos ni bod ya’an e garbaw!

Hosea 14:3

Yu Assyria e dabiyag ni ngar chuweged gamad ko riya’, ma pi os ko mael e dabiyag ni ngar yororiyed gamad. Ri dab ku gogned bayay ngak e pi liyos romad ni yad e Got romad. A SOMOL, ga ma dag e wurngan’ ngak e pi’in dakriy be’ ni yad ra man ayuw ngak.”

2 Kronicles 13:8

Ere chiney e gimed be yog ni ngam chamgad nib togopluw ngak e re lung ni pi’ SOMOL ngak e pi’in owchen David. Bay ba raba’ i salthaw romed nib ga’ ma kubay romed e pi ya’an fak e garbaw ni pumo’on ni gol ni ngongliy Jeroboam ni nge mang pi got romed.

Mikah 1:7

Urngin e pi liyos nri ba t’uf rorad e bayi m’ingm’ing nge nochiyang, gubin ban’en nni pi’ ngak e ppin ni yad ma chuway’ ngorad u tempel e bay ni kirebnag ko nifiy. Gubin fapi liyos e bayi par ni bu’lung i dow. Pin’ey e yag ngak piyu Samaria ko meybil ni man yong’ol ni ur ted, ere chiney e pi to’ogor rorad e ngar feked ngar pi’ed ngak yugboch e ppin ni yad ma falchuway’ ngorad ulan reb e tempel u bang.”