Hosea 4:9 - Bible Ni Thothup

⁹ Ta’ab gechig e bay mu gafgowgad e girdi’ u tanggin! Bay gu gechig nagmed ngam pi’ed puluwon e kireb romed.

Hosea 4:9 Referans Kwoze

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Isaiah 24:2

Gubin e girdi’ ni ta’ab n’en e yad ra mada’nag — ni prist nge girdi’, pi tapigpig nge pi masta, nge pi’in nma pi e chuway’ nge pi’in ma falchuway’, nge pi’in ma pi’ e salpiy nge pi’in ma ning ni ku ra fulweg, nge fel’ rogon nge gafgow.

Matthew 15:14

“Mpaged yad! Ya yad be pow’iy e girdi’ ma yad bmalmit; ma fa’anra kol reb e malmit pa’ reb e malmit ngi i pow’iy i yan, ma yow l’agruw ni yow ra mul nga wuru’ e kanawo’ ngalan wol’ e ran.”

Zekariah 1:6

U daken e pi tapigpig rog nge fapi profet e gu pi’ e motochiyel nge tin ngan kol ayuw riy ngak e pi chitamangimed kakrom, machane miyad fek yathin miyad gafgow u wenegen. Ma aram miyad cheal ngar pi’ed keru’rad ko kireb rorad miyad yog ni Gag fare SOMOL ni Gubin ma Rayag Rok, e kug gechig nagrad ni bay tapgin ni nge aw ngorad ni bod rogon ni kug turguy ni nggu rin’.’”

Hosea 9:9

Dakriy gam’ingrad nga bang nga farad kireb ko n’en ni yad be rin’, ni bod ni ur rin’ed u Gibeah. Bayib e denen rorad ngan’ Got me gechig nagrad ni bochan.

Hosea 8:13

Yad be pi’ e maligach ngog miyad be kay e ufin ko fapi maligach. Machane i Gag SOMOL e darir fel’gad u wun’ug, are chiney e bay yib ngan’ug e kireb rorad, mug gechig nagrad ni fan ko denen rorad; bay gu fulwegrad bayay nga Egypt!

Hosea 1:4

me ga’ar SOMOL, “Mu tunguy fithingan ni Jezreel, ya dabki n’uw nap’an mug gechignag fare pilung nu Israel ni bochan e mathang pogofan ni i tay Jehu ni reb e ga’ rok kakrom u Jezreel. Aram e nggu moseg e birok Jehu e gagiyeg.

Isaiah 3:10

Pi’in mat’aw e yad ra felfelan’ mra fel’ e urngin rorad. Ma yad e bay ra felan’gad ko tin ur marwuliyed.

Proverbs 5:22

Pi denen ko pi’in kireb e ba wup. Yad ma aw ngalan e nug ko kireb rorad.

Proverbs 12:14

Tow’ath rom e be yan u rogon e thin rom nge wok rom; puluwon e maruwel rom e ra yib ngom.

Hosea 7:2

Dertaw nga lanin’rad nra par u wun’ug gubin e pi kireb ney; ya denen rorad e ke cholongbiyrad, ma dabyag ni nggu fek owcheg rorad.”

Hosea 9:15

Be ga’ar SOMOL, “Gubin e ngongol rorad nib kireb e tabab u Gilgal. Ireram e gin gu tabab i dabuy dakenrad riy. Ma bay gu tulufrad ngar chuwgad u daken e nam rog, ni bochan e kireb ni kar rin’ed. Aram e dabkur t’ufgad rog; gubin e pi tayugang’ rorad ma kar togopluwgad ngog.

Hosea 10:10

Bay gu cham ko pi girdi’ ney nib tadenen nggu gechig nagrad. Bayi chagil e pi nam ngar togopluwgad ngorad, min gechig nagrad ni bochan e denen rorad nib pire’.

Hosea 12:2

Bay e thin ni nge yog SOMOL nib togopluw ngak e girdi’ nu Judah; ma aram e ngki gechignag yu Israel ni bochan e tin be rin’ e girdi’ riy. Bayi fulweg taban ngorad e tin kar rin’ed.

Proverbs 11:31

Pi’in yad bmanigil e ran pi’ pulworad u roy u fayleng, ere ngari mich u wan’um ni girdi’ ni kireb ma ba tadenen e yira gechig nagrad.

Ezekiel 44:10

I SOMOL e ga’ar ngog, “Nggu gechignag e pi Levite nib mu’un e tin kabay e girdi’ nu Israel ngay, ni kar niged gag yad be tayfan e liyos.

Ezekiel 44:12

Ma bochan ni ur ted murung’agen e meybil ko liyos ni i rin’ e girdi’ nu Israel ni aray e kanawo’ ni waliy e girdi’ ko denen, I Gag SOMOL ni Th’abi Tolang e gu be micheg ni rib mich ni yira gechig nagrad.

Hosea 12:3

En ni ga’ rorad i Jakob e i tagenging ngak walagen i Esau ni kanap’an ni yow bay u yin e chitiningin row; ma nap’an ni ilal Jakob me cham ngak God —