Hosea 4:11 - Bible Ni Thothup

¹¹ Be ga’ar SOMOL, “Wayin e be chuweg e gonop rok e girdi’ rog ma be balyang nagrad!

Hosea 4:11 Referans Kwoze

Proverbs 20:1

Ra pag oren e rrum ni mu’unum me ga’ lamam me balyang ngonglem. De fel’ ni ngan chingnag.

Luke 21:34

“Mu ayuwgad, ma dab mpaged gimed ngu’um pired ni ba ga’ ni mur nike pag rogon nge mu’un rrum e gimed be muruwliy, nge pin’en nma magafan’uy ngay ko biney e tamilang, ya richey mi gimed da’da’ ko re Rran nem nike taw ngomed.

Isaiah 28:7

Mus ko pi profet nge pi prist ni yad be balyang ko rrum yad be yan ni yad be thigthig. Kari pire’ e wayin nge rrum ni ka ra unumed be tun ayrad ni ka ra balyanggad. Pi profet e kaygi gel e chingnag rorad ndabiyag ni ngar nanged fan e pin’en ni be piliyeg Got e changar rorad yad be guy, ma pi prist e kaygi gel e chingnag rorad ndabkiyag ni ngar turguyed e n’en ni ngan rin’ ko yu pa’ i oloboch ni ka ni fek i yib ngorad.

Hosea 4:12

Yad be de’eriy yungi ren ni nge dag ngorad e tin ni ngar rin’ed! Boch ley i gek’iy e be yog ngorad e tin ni yad ba’adag ni ngar nanged! Kar pi’ed keru’rad ngog; kar pi’ed yad ngak yugu boch e got ni bod be’ ni bpin ni yan ngi i pi’ ir ni chuway’.

Isaiah 5:12

Pi mur ni gimed be tay e bay talin e musik riy ni harp nge tambourines nge ngal, nge wayin. Machane dar tamilangan’med ko mang e be rin’ SOMOL,

Eklesiastes 7:7

Fa’anra bannag be’ nib gonop be’ ma be ngongol ni bod e balyang. Fa’anra ga be fek puluwon e kireb ma ga be kireb nagem.

Proverbs 6:32

Machane re mo’on nra pirew be’ ni gathi mabgol rok e ba manan’. Ya ir e be gafgownag ir.

Levitikus 10:9

“I gur nge fapi pumo’on ni fakam e nap’an ni gimed ra unum e wayin ara ban’en ni yima ching ngay ma dab kumbad ngalan fare Tent u p’eowcheg; ya fa’an gimed ra rin’, ma gimed ra yim’. Ren’ey e nge par nib motochiyel rok e pi’in owchamed e chiney i yan nga ram.

1 Samuel 25:36

Me sul Abigail ngak Nabal, ni kabay u tabnaw ni be mur ni bod e mur ko pilung. Ma ke chingnag Nabal ma ke felfelan’, ere de yog Abigail ban’en ngak nge mada’ ko kakadbul.

Proverbs 31:4

Lemuel, ngam motoyil, pi’in pilung e dabi unum e wayin ara i yim’ ni bochan e rrum.

Hosea 7:11

Yu Israel e yad be so’og’og ni bod ba arche’ ni bulogol nib man lanyan’; som’on riy me man ayuw e girdi’ nu Israel nga Egypt, miyad cheal ngar milgad nga Assyria!

Jeremiah 23:13

Kug guy e kireb ni be ngongliy e pi profet nu Samaria: Yad be non u fithingan Baal ka ra waliyed e girdi’ rog nga wuru’ e kanawo’.

Hosea 5:4

Kireb nike ngongliy e girdi’ e ke tayrad ndarir sulod ngak e Got rorad. Pigpig ni yad be tay ngak yug boch e got e ke michigiyrad, dakuriy madgun SOMOL u wun’rad.