Hosea 2:14 - Bible Ni Thothup

¹⁴ Ere nggu fek bayay nga daken e ted nder tugul ban’en riy; mu rom e bay gu weliy lanin’ug ngak riy nrib t’uf rog ma aram me sul ngog.

Hosea 2:14 Referans Kwoze

Revelation 12:6

Me mil fare pin nga daken e ted ko gin ke fal’eg Got rogon ni nge par riy; ni aram e gin ni bay ni ayuweg riy ni ragag nge l’agruw mir’ay nge nel’ i ragag e rran.

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Revelation 12:14

Ma fare pin e kan pi’ pon ni l’agruw raba’ ni bod pon ba arche’ ni eagle ni ba ga’ ni bochan e nge yag ni changeg nge yan ko gin ntafen u daken e ted, ko gin ni bay ni ayuweg riy ndalip e duw nge baley, ndabiyag ni nge yib fare porchoyog i cham ngak.

Genesis 34:3

Me pir’eg rok ni ba’adag Dinah ma ke t’uf rok me guy rogon ni ngki magan’ Dinah ngak.

John 6:44

Dariy be’ nrayag ni nge yib ngog ni fa’anra gathi en ni Chitamangiy e pow’iy nge yib ngog, ni ir e ke l’oegeg ku gub; ma bay gu faseg ko yam’ ko chirofen ni tomur ko rran.

Hosea 2:3

Ma fa’anra dabi tal, ma bay gu chuweg e mad u daken nge yan i par ni bod e rofen nni gargeleg ndariy e mad u daken. Bay gu gagiyegnag nge yan i par ni bod bbinaw ndariy e ran riy ma der tugul ban’en riy, ma aram e bay yim’ nriyul’ ko balel.

Ezekiel 20:10

“Me’ere gu pow’iyrad nga wuru’ yu Egypt ngalan e ted.

Jeremiah 16:14

I ga’ar SOMOL, “Bayi taw nga bangiyal’ dabki mow e girdi’ nga fithingag ni gag fare Got nma par nib fos ni gag e gu chuweg e girdi’ nu Israel u lan yu Egypt.

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

Judges 19:3

Ma aram me leamnag fare pumo’on ni nge lek fare pin nge wenig ngak ni nge sul. Me fek e tapigpig rok nge l’agruw e dongki nge un ngak. Me fek fare bpin fare mo’on ni be’ ko Levi i yan ngalan e naun, ma nap’an ni guy e chitamngin fare pin fare pumo’on, me yan nrib magan’ ngay nge yan i nang salpen.

John 12:32

Ngiyal’ ni yira tiningeg ngalang u fayleng, e bay gu girengiy urngin e girdi’ ngog.” (

BABYOR NI JOB 36:16

Ke chuwegem Got u fithik’ e mom’aw, me tem ni ngam par ni dariy ban’en nra buch rom; me suguy daken e tebel rom ngalang ko ggan.

Ezekiel 20:33

“Bod feni bmich ni Gag SOMOL, ni Th’abi Tolang, ni Gag fare Got ni gu be par ni gub fos, gu be gineangmed ni fithik’ e damumuw rog e bay gu gagiyeg nagmed nga pa’ag nib gel, u polo’ i gelngig.

Mikah 4:10

Gimed e girdi’ nu Jerusalem, um leapleapgad ma gimed be gel’gel’ ko amith ni bod be’ ni bpin ni nge gargel, ya chiney e thingar mu chuwgad u lan binaw ngam marod mu pired nga daken e ted. Thingar mmarod nga Babylon, machane u rom e bayi gagiyeg nagmed SOMOL riy ngam chuwgad u pa’ e to’ogor romed.

Isaiah 5:5

“Ba’aray e n’en ni nggu rin’ ko re gi woldug rog ney ni grape. N’en ni ku gu yung nike mang yoror riy nib liyeg e bay gu chuweg, mu gu bilig nga but’ e yoror riy ni be rungrunguy, nge yib e gamanman ni malboch ngay ngi i kay ma be yot’yot’ nga but’.

Jeremiah 45:4

“Machane I Gag SOMOL e ngu buthug nga but’ e n’en ni kug toy mug pug ngalang e n’en ni kug yung. Arogon ni bay gu rin’ nga ga’ngin e fayleng.

Mikah 1:7

Urngin e pi liyos nri ba t’uf rorad e bayi m’ingm’ing nge nochiyang, gubin ban’en nni pi’ ngak e ppin ni yad ma chuway’ ngorad u tempel e bay ni kirebnag ko nifiy. Gubin fapi liyos e bayi par ni bu’lung i dow. Pin’ey e yag ngak piyu Samaria ko meybil ni man yong’ol ni ur ted, ere chiney e pi to’ogor rorad e ngar feked ngar pi’ed ngak yugboch e ppin ni yad ma falchuway’ ngorad ulan reb e tempel u bang.”