Hosea 2:11 - Bible Ni Thothup

¹¹ Urngin e pin’en ni be pi’ e felfelan’ ngak e bay gu taleg, ni aram e mur nma tay ko yu duw, nge rran nib thothup ko yu pul, nge madnom ko Sabbath ko yu wik — urngin e madnom nma tay.

Hosea 2:11 Referans Kwoze

Amos 5:21

Be ga’ar SOMOL, “Gu be fanenikay e pi madnom ko taliw romed; dabkiyag ni nggu kadan’ug riy.

Amos 8:5

Ma gimed be ga’ar u wun’med, “Manga yigi papey nge m’ay e pi rran nib thothup ney nge yag nda pi’ed e grain rodad ni chuway’. Mingiyal’ e ra mus e Sabbath nge yag nda tababgad bayay ko market? Ma gadad pi’ nchuway’ nib tolang puluwon, ma gadad maruwel ko thabthabel ni kan dalibnag ngu’ud sasalapgad ko pi’in nge chuway’.

Jeremiah 7:34

Re gi but’ nem e bayi ngal’ ni bangi ted dar tugul ban’en riy, mu lan e pi binaw nu Judah ngu lan e yu pa’ i kanawo’ nu Jerusalem e bay gu gagiyegnag nge dabki yan laman e girdi’ riy ni yad be felfelan’, ma ku er i tay laman e ppin nge pumo’on ni kafni mabgol ni yibe madnomnag e mabgol rorad.

Jeremiah 16:9

Mmotoyil ko mang e nggu weliy, I Gag fare SOMOL ni Gubin ma Rayag Rok, ni fare Got nu Israel. Bay ggapaseg lungun e uf uf nge felfelan’ ko madnom ko mabgol. Girdi’ u roy e yad ra par ni yad bafos ngar guyed e ran’ey ni nge yodro’.

Nahum 1:10

Bod yu pa’ i rachangal nike ololoboch ko pan nike mlik’ gimed e pi ta chingaw’ e bay ni urfiymed!

Amos 8:3

Chirofen nem e pi tang ni yima yin’ u tafen e pi pilung e bayi piliyeg nge ngal’ ni dololoy’. Bayi sug e girdi’ nike yim’ u gubin yang. Bay u ni garpayrad nga wean ni dariy e numon.”

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Ezekiel 26:13

Ma bay gu taleg e pi tang ni gimed ma yin’, mu gu m’aynag lingan e musik romed ni harp.

Jeremiah 25:10

Bay gu thang gulngan e uf uf nge felfelan’ nge lingan e garus ko madnom ko mabgol. Ma bayi m’ay e gapgep ko magal rorad, ma ku bay i m’ay e grain.

1 Kings 12:32

Miki duwgiliy Jeroboam ni rofen ni ragag nge lal ko pul ni meruk e ngu’un madnomnag ba madnom ni bod ni yima rin’ u Judah. Me pi’ e gamanman ni maligach u daken e altar u Bethel ngak fa gal liyos ni gol ni ir e ngongliy ni ya’an e garbaw. Me tay e pi prist ngaram nga Bethel ni ngu’ur pigpiggad ko fa yungi n’en nike ngongliy e altar riy.

Hosea 5:7

Da ur yul’yul’gad ngak SOMOL; ere pifakrad e daki mil farad ngak. Ere dabki n’uw nap’an min thirifrad u but’ min gathay e pi nam rorad.

Levitikus 26:20

Gubin e pi maruwel ni kam ted nib gel e da biyib angin ni bfel’ ngomed, ni bochan e dabi pi’ e but’ romed e woldug, ma gek’iy e dabi yib wom’ngin.