Hosea 12:6 - Bible Ni Thothup

⁶ Ere chiney, e pi’in owchen Jakob, mu pagan’med ngak e Got romed migmed sul ngak. Mu yul’yul’gad mi gimed rin’ e tin bmat’aw, migmed sonnag Got u fithik’ e gumaen’ ni nge mang ir e rin’ ban’en.

Hosea 12:6 Referans Kwoze

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Mikah 7:7

Machane gag e gu be toer ngak SOMOL. Bay ug par nike l’agan’ug ngak Got ma gu be son nag, ya ir e bayi ayuwegneg; Got rog e bayi rung’ag lungug.

Hosea 14:1

Gimed e girdi’ nu Israel, mu sulod ngak SOMOL ni Got romed. Denen romed e be dol’ nagmed.

Zekariah 7:9

“Kakrom e gu pi’ e pi motochiyel ney ko girdi’ rog: ‘Thingar mu ted gimed ngay ni tin nib mat’aw e ngan rin’, ma thingar i m’ug e gol nge t’ufeg nge wurengan’ ni bayu thilmed ngomed.

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

James 1:27

Ba’aray e n’en ni be finey Got ni Chitamangiy ni ir e bin nib machalbog ma ba riyul’ e liyor ngak, ni aram e ngan ayuweg e bitir ndariy e gallibthir rorad nge pi’in ni ppin nike yim’ e pumo’on rorad ma yad be gafgow, mu’un ayuwegey nge dabi kirebnigey e kireb nu fayleng.

Acts 26:20

Som’on e lan yu Damaskus ngu lan yu Jerusalem, ngu lan e nug nu Judea ni polo’ ngu fithik’ e pi’in gathi yad piyu Israel, e gu machibnag riy nthingar ra kalgad ngan’rad ngar pi’ed keru’rad ko denen ni yad be rin’ ngar pigichealgad ngak Got, ngar ngongliyed e pin’en ni ir e ra m’ug riy ni kar pi’ed keru’rad ko denen ni yad be rin’.

Acts 2:38

Me ga’ar Peter ngorad, “Nge bigimed me pi’ keru’ ko denen ni be rin’, min tawfenag nga fithingan Jesus Kristus, ma aram me n’ag Got fan e denen romed; me yag e tow’ath rok Got ngomed, ni aram fare Kan Nthothup.

Zekariah 8:16

Ba’aray e tin ngu’um rin’ed: Ngu’um weliyed e tin riyul’ ngomed. Mu lan tafen e puf oloboch e tin nib mat’aw e ngam rin’ed — ni ir e ra pi’ e gapas.

Zekariah 1:3

machane chiney e be lungug ngomed, ‘Mu sulod ngog, ma aram mug sul ngomed.

Zefaniah 3:8

Me ga’ar SOMOL, “Ere yug muson, muson nag fare rran ni bay gu sak’iy nggu togopluw ko pi nam. Kug turguy u wun’ug ni nggu kunuy e pi nam nga ta’bang ya aram e nggu pagrad ngar thamiyed gelngin e damumuw rog. Ga’ngin e fayleng nra mogothgoth ko damumuw rog ni be mo’oruf.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Amos 5:24

Ngam guyed rogon e tin nib yal’uw nge tin nib mat’aw ngi i yan ni bod ba lul’ nder m’ay e ran riy.

Joel 2:13

Mu paged lanin’med nike m’ing nge gagyal u dakenmed; ma gathi kemus ni ngam guchthuyed e mad romed.’ Mu sulod ngak SOMOL ni ir e Got romed. Ya ba gol ma ba sug ko runguy’; ya ba gumaen’ mma tay u gil’ e tin ni micheg; ma gubin ngiyal’ ma ke fal’eg rogon ni nge n’ag fan u wan’ e kireb ma gathi nge gechig.

Hosea 10:12

Me lungug, ‘Mu gi’ed bang e but’ ni kab be’ech ni fenmed, mu yunged e tin bmat’aw, migmed t’ar wom’ngin ni fel’ wa’athan nma yib u fanmed yul’yul’ ngog. Ke taw nga nap’an ni ngam chealgad ngam sapgad ngog, ni Gag SOMOL romed, mu gub gu pu’og e fel’ wa’athan rog nga dakenmed.’

Hosea 4:1

I SOMOL e bay e n’en ni nge yog ni ba togopluw ko girdi’ nu Israel ni be par ko re nam ney. Israel, mu telim ko n’en ni be yog ni be ga’ar, “Dariy e yul’yul’ nge t’ufeg u daken e re nam ney, ma dakriy e girdi’ ni be yog ni Gag Got.

Jeremiah 22:15

Gur ga ra mang reb e pilung ni bfel’ boch ni fa’anra mu toy e pi naun rom ko ren ni cedar, nib pag feni fel’? Chitamam e i felfelan’ u n’umngin nap’an e yafos rok. Gubin ngiyal’ ni i par nib mat’aw ma ba yal’uw, ni gubin ban’en ni i rin’ ma i lebug.

Isaiah 58:6

“Mit i pag abich ni gu ba’adag e ba’aray: Mu chuweged e chen ni gafgow ni gimed be tay ko girdi’, mu lufed e mat’ nib tomal ni ka mu ted nga porad ni er e ngongol nde yal’uw ni gimed be rin’ ngorad, mi gimed pag e girdi’ ni gimed be gafgow nagrad nga ranod nike puf rogorad.

Isaiah 40:31

Machane pi’in yad be toer ngak SOMOL ni nge ayuwegrad e bay ra pir’eged nike yib gelngirad bayay. Bay ra changeggad ngalang ni bod e arche’ ni eagle; yad ra mil, ma dab ra magaergad; ma yad ra yan, ma dabi m’ay gelngirad.

Isaiah 31:6

Got e ke ga’ar, “Gimed e girdi’ nu Israel, ka mu denengad ma ka mu togopluwgad ngog. Mired e chiney ngam sulod ngog!

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 8:17

I SOMOL e ke mith ko girdi’ rok, machane gu be par nib pagan’ug ngak me ir e ke lagan’ug ngak.

Isaiah 1:16

Mmalukgad ngam be’echgad. Mu taleged urngin e kireb ni gu be guy ni gimed be rin’. Errogon, mu talgad ko kireb;

Proverbs 21:3

Mu rin’ e tin bmat’aw mab yal’uw, ma kabfel’ u wan’ SOMOL ko bin ngam fek e maligach i yib ngak.

Proverbs 1:23

Mu telmed ngog ko ngiyal’ ni gu ra puwan’ ngomed, ya ra gu pi’ e fonow ni bfel’ ngomed, mu gu pi’ ngomed e tin gu manang.

Psalms 123:2

Bod ba tapigpig nma toer ngak e masta rok, bod ba yarif nma toer ngak e re bpin nma pigpig ngak, ere aram rogon ni kayiggu changargad ngom, i gur SOMOL ni Got romad, nge taw ko ngiyal’ nike wurengan’um ngomad.

Psalms 37:7

Mu gum’an ngam sonnag SOMOL ni ir e nge maruwel; dabi awan’um ngak e pi’in ke yo’or ban’en rorad, ara pi’in kefel’ rograd ni bochan e sasalap.

Psalms 27:14

Mu pagan’um ngak SOMOL! Nge michan’um ngak, dabi mulan’um. Mu pagan’um ngak SOMOL!

Genesis 49:18

“SOMOL, gu be sonnag e ayuw ni bay mpi’.

Ezekiel 18:30

“I Gag SOMOL ni Th’abi Tolang e gu be yog ngomed yu Israel ni bayi bigimed mu gu turguy e n’en ni nggu rin’ ngak ko ngongol rok. Mpi’ed keru’med nga urngin e kireb ni gimed be rin’, ma dab mpaged e denen romed nge thang e pogofan romed.

Joel 2:12

Me ga’ar SOMOL, ’Mus ko chiney nrayag ni ngan kalngan’uy ngan pi’ keru’uy ko kireb ni yibe ngongliy ngan sul ngog, ni kan pag e abich ma yibe yor ma yibe dololoy’.

Exodus 3:15

Mog ngak piyu Israel ni Gag, fare SOMOL, ni fare Got ko pi chitamangirad, ni Got rok Abraham, Isak, nge Jakob, e ku gu l’ogem ngorad. Ireray fithingag ni bay i par ndariy n’umngin nap’an; tin bay fini i yib e mfen e irera’ e re ngachal ni bay ur pininged ngog.

Amos 4:13

I Got e ir e cha’ ni ngongliy e pi burey me ir e sunumeg e nifeng. Me ir e gagiyegnag nge nang e girdi’ e leam rok; me ir e be gagiyegnag ngi i rran ma be nep’. I ir e ma yan u pe’bugul e fayleng. Ba’aray fithingan: ni SOMOL ni Got ni Gubin ma Rayag Rok!