Hosea 11:3 - Bible Ni Thothup

³ Ni yug aram rogon ni gag e gu fil rogon e yan ngak Israel. I gag e ug dibeyrad e girdi’ rog, machane dar leam niged ni gag e gu chothowliyrad.

Hosea 11:3 Referans Kwoze

Jeremiah 30:17

Bay ggol nagmed bayay; ma bay gu faseg e maad’ad u dowmed, ya pi to’ogor romed e yad be ga’ar, ‘Zion e kan tharbeg; ni dakriy be’ nma leamnag murung’agen.’ I Gag SOMOL e kugog e pi thin ney.”

Deuteronomy 1:31

ngu lan fagi ted ni desert. Kam guyed rogon ni fekmed i yib ngam mada’gad ngaray ndariy ban’en ni buch romed, ri bod rogon ba matam ni be fek ba pagel ni fak.’

Exodus 15:26

Me ga’ar, “Fa’an ri gimed ra fol ko thin rog, I gag SOMOL ni Got romed, mi gimed rin’ e tin nib m’agan’ug ngay ni aram e tin nib mat’aw, mi gimed tiyan’med ko tin kugog ni ngam rin’ed, mi gimed tay nga tagil’ urngin e tin kugog ni ngam folgad riy, ma dab gu gechig nagmed nga reb fapi liliy ni gu pag nga daken piyu Egypt. I Gag fare SOMOL, ni gag e ggol nagmed.”

Hosea 7:15

Yugu aram rogon ni gag e en ni gu chugliyrad mug pi’ gelingrad, ma karchel gad yad be makath nib togopluw ngog.

Acts 13:18

ma aningeg i ragag e duw ni k’adan’ rorad u daken e ted.

Hosea 14:4

Be ga’ar SOMOL, “Bay gu fulweg e girdi’ rog ngog. Ma bay ra pired nri yad ba t’uf rog, ya dakugur damumuw ngorad.

Hosea 7:1

“Nap’an ni gu ra leamnag ni nggu golnag e girdi’ rog nu Israel mug fal’eg rograd bayay, ma tin gu be guy e kemus ni leam rorad nge pangirad ni kireb. Yad be dumpumrad ngorad, ma yad be mab naun ngu’ur mororo’gad, ma yad be og ko girdi’ u kanawo’.

Hosea 2:8

Ya de leamnag u wan’ ni gag e ug pi’ e grain ngak, nge wayin, nge gapgep ko olive. Ma ku ug pi’ ngak e gubin e silber nge gol ni i fanay ko tay fan ni i tay ngak Baal.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Isaiah 46:3

“Gimed e pi’in owchen Jakob, mu telmed ngog, ni gimed urngin e pi’in kam mageygad ko girdi’ rog. Kug ayuwegmed ni ka nap’an nni gargel nagmed.

Isaiah 30:26

Pul e ra ga’ ra’en nge bod e yal’, ma ra’en e yal’ e ra ga’ ni medlip yay nga ra’en ni immoy, ni bod ga’ngin e tamilang u medlip e rran ni kan puthuy nga ta’reb e rran. Ran’ey e ra yodroy ko ngiyal’ nra taflay nge golnag SOMOL e maad’ad ni tay ko girdi’ rok.

Exodus 23:25

Fa’an gimed ra pigpig ngog, i Gag SOMOL ni Got romed, mu gu ra fal’eg wa’athmed ko ggan nge ran, mu gu chuweg urngin mit e m’ar romed.

Jeremiah 8:22

Gur dariy ba falay u Gilead? Gur dariy reb e togta’ u rom? Mangfan ni girdi’ rog e dakir gol?

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

Exodus 19:4

Ni gur e muguy e n’en ni kug rin’, gag SOMOL, ngak piyu Egypt nge rogon ni gu chubiymed nggu fekmed ngog ngaray, ni bod ba arche’ ni eagle ni tay fak nga daken pon ngi i fek.

Psalms 107:20

I non miyad gol, me lagrad ko riya’.

Deuteronomy 33:27

Ka faram i yib ni be par Got ni ir e yoror romed, pa’ nma par ni manemus e be ayuwegmed ngay. I tuluf e pi to’ogor romed ma gimed be yan nga m’on, me yog ngomed ni ngam thanged e fan rorad ni yad gubin.