Hosea 10:8 - Bible Ni Thothup

⁸ P’ebgul fapi burey nu Aven ni aram e gin ma meybil e girdi’ nu Israel riy ko liyos, e bay i mogoth. Rachangal nge pan e bay i ilal nge tharay e pi altar rorad. Girdi’ e bay ra tolulgad ko pi burey ni yad be ga’ar, “Mmithagmad!” miyad ga’ar ko yochi burey, “Mu upnguyed gamad!”

Hosea 10:8 Referans Kwoze

Luke 23:30

Ireram e re ngiyal’ i n’en ni bayi ga’ar e girdi’ ngak e burey, ‘Mmuchubu’ nga dakenmad!’ me lungurad ko burey nib sobut’, ‘Mmithagmad!’

Revelation 6:16

Miyad non ko burey nge war ni yad be tolul ni be lungurad, “Mmuchubu’gad nga dakenmad ngam mitheged gamad u owchen fa’anem nike par nga but’ u tagil’, nge damumuw rok fare Fak e Saf!

Isaiah 2:19

Girdi’ e bay ra mithgad ngalan e yiy ko yochi burey ni go’ war fa ra kired e low nga fithik’ e but’ ni yad be guy rogon ni ngar milgad ko damumuw rok SOMOL, miyad mith u gelngin nge feni maluplup’, ko ngiyal’ ni bay yib ni nge rurug e fayleng.

Hosea 9:6

Nap’an nra yib e riya’ me wear e girdi’, me yib piyu Egypt ngar kunuyedrad — ngar k’eyagedrad u Memfis! Machaf rorad ni silber nge yungi n’en ni immoy taferad riy e bayi mogoth nge sug ko pan ni bay e rachangal riy.

Amos 8:14

Ma pi’in nra mow gad nga fithingan fapi liyos nu Samaria, nma lungurad, ‘U fithingan fare got nu Dan’ ara ‘Fithingan fare got nu Beersheba’ — e pi girdi’ nem e yad ra aw nga but’ ma dab kur suwongad bayay.”

Isaiah 32:13

ma pan ni bay rachangalen e be tugul u daken e but’ rok e tirog e girdi’. Mu yor niged urngin e naun ni i par e girdi’ riy ni yad ba felfelan’ nge fare binaw ni i yan e maruwel riy ni bfel’ rogon.

Revelation 9:6

U lan e re lal i pul nem e bayi guy rogon e pi girdi’ nem ni mang e yugu ra pir’eged e n’en nra rin’ miyad yim’, machane dab ra pir’eged; bay ra fineyed ni manga yugu ra m’ad machane bayi mil e yam’ rorad.

Mikah 1:13

Gimed e girdi’ ni gimed be par u lan yu Lakish, mm’aged e pi os romed ko pi chariot. Ya kam folwok gad ko denen ni i ngongliy piyu Israel, ere aram tapgin ma ke denen yu Jerusalem.

Mikah 1:5

Urngin e pin’ey ni bay yib ya girdi’ nu Israel e kar denen gad ma kar togopluwgad ngak Got. I mini’ e ba kireb e rok ko togopluw ni be tay piyu Israel? Yu Samaria, ni aram e tochuch ko fare gi nam. I mini’ e kireb rok ni yibe tayfan e liyos u Judah? Yu Jerusalem!

Hosea 10:5

Girdi’ ni yad ma par u lan e binaw nu Samaria e bay rrusgad ma bay ur yor niged fare garbaw nike thay u pa’rad nni ngongliy ko gol u Bethel. Yad nge fapi prist ni ur pigpiggad ko fare liyos e bay ra yor niged, bay ra dololoy’ niged ko ngiyal’ ni bay ni fathiy e gol ni aram fel’ngin u daken.

Hosea 10:2

Girdi’ nib sug lanin’rad ko sasalap e dabisiy ni ngar gafgowgad e chiney ni bochan e denen rorad. I SOMOL e bayi buthug nga but’ e pi altar rorad, me gathay fa yu raba’ i malang ni yad ma meybil ngay.

Hosea 5:8

Mu thoyed e yabul u Gibeah ni fan ko mael! Mu kum rin’ed u Ramah! Mu tolul niged e mael u Bethaven! Girdi’ rok Benjamin, marod ko mael!

Hosea 4:15

“Yugu aray rogon ndamur yul’yul’gad piyu Israel ngog, ma yu Judah e mang e yugu ra pired ndab ra ngongliyed e tin gimed be rin’. Dab marod mu meybilgad nga Gilgal nge nga Bethel, ma dab mmicheged yu bugithin u rom nga fithingan SOMOL ni be par nib fos.

Hosea 4:13

Yad be pi’ e maligach u p’ebugul e burey ko yungi n’en ni kan tay nib machmach, ma yad be urfiy e incense u tan yu ke gek’iy nib n’uw ma ba ga’ kean ni bay u daken e ted, ni bochan e ba ga’ e tagalul’ u tanggin! “Ere wenegan nike yib ngomed e ke yan pifakmed ni ppin yad be chuway’ ngorad, ma pi ppin ni le’engin pifakmed e yad be iling.

Isaiah 34:13

Rachangal e bayi tugul u gubin tafen e pilung nge fa yochi binaw ni kan ngongliy e rungrung riy, ma bayi tafnay e jackal nge owl.

2 Kronicles 31:1

Nga tomuren nike m’ay fare madnom ma gubin e girdi’ nu Israel nranod ngalan gubin e pi binaw nu Judah ngar bilged e yu raba’ i malang, miyad th’ab nga but’ e pi pow rok Ashera ni fare got ni bpin, miyad gathay e pi altar nge yungin tagil’ e tayfan rok e pi’in ndar nanged Got. Ma ku aram e n’en ni rrin’ed u daken yu Judah ni ga’ngin, nge fa yuyangi nug rok Benjamin, Efraim, nge Manasseh; ma aram miyad sul ni yad gubin nga taferad.

2 Kings 23:15

Miki kirebnag Josiah e gin yima meybil riy u Bethel, ni Jeroboam ni Pilung ni fak Nebat e ngongliy, ni ir e waliy yu Israel ngar denengad. Me buthug Josiah e altar riy, me t’et’ar e malang riy nge nochiyang, me pirpirdi’iy me ngal’ ni ab; miki urfiy fare ley i ren ni kani suweg ni fan ngak fare got ni bpin ni Asherah.

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

1 Kings 13:34

Re denen rok ney ni rin’ e ir e girengiy e kireb nga daken e tabaw rok, nge chuw ko gagiyeg me math mit u roy u fayleng.

1 Kings 13:2

Me non fare profet nib togopluw ko fare altar, ni nge fol ko tin keyog SOMOL ngak ni ga’ar “Altar, altar, ba’aray e n’en ni be yog SOMOL: Bay bbitir ni bay ni tunguy fithingan ni Josiah, ni bay ni gergeleg ngalan fare tabnaw rok David. Ir e bayi li’ nge yim’ u dakenam e pi prist ni yad be pigpig ko fapi altar rok e pi’in ndar nagned SOMOL ni yad ma pi’ e maligach u dakenam, ma bayi urfiy yilen e girdi’ u dakenam.”

Deuteronomy 9:21

Mu gu fek e ren’em ni kam ngongliyed ni ban’en nrib gel e denen riy ni aram fare liyos ni wasey ni ya’an ba garbaw ni ka mu ngongliyed, mu gon’ nga fithik’ e nifiy. Mu gu t’et’ar ni nochiyang mu gu pirdi’iy nge par ni bod e fiyath, mu gon’ ngalan e lul’ ni yan ko burey nga p’ening.

Genesis 3:8

Me gonowrug e chirofen nem mi yow rung’ag lingan SOMOL ni Got ni be yan u fithik’ e gi woldug nem, miyow mith rok u fithik’ e gek’iy.

Hosea 2:6

Ere bay gu ning e kanawo’ rok nga nochi ke gek’iy ni bay rachangalen; mu gu tay ba yoror ngalan e kanawo’ rok nge dabkiyag ni i rin’ e pin’en ni i rin’.

Hosea 10:9

Be ga’ar SOMOL, “Piyu Israel e dawor rtalgad ko denen nib togopluw ngog ni ka nap’an e ra denengad u Gibeah. Ere u rom u Gibeah e yad ra machda’nag e mael riy.

Amos 7:9

Yungi n’en ni be meybil e pi’in ni owchen Isak riy e bay ni kirebnag. Ma yungi n’en nib thothup ni bay u Israel e bay ni kirebnag. Bay gu museg e tabnaw rok Jeroboam ni Pilung ko gagiyeg.”

Nahum 3:11

Nineveh, ku arrogom ni bay i math lanin’um ni bod be’ nib ching nag! Ma ku arita’ ni bay um guy rogon ni ngam mil rok e pi to’ogor rom.

Isaiah 2:21

Ngiyal’ nra yib SOMOL ni nge rurug e fayleng, ma girdi’ e bay ra mithgad ngalan e pi yiy ko yochi burey ni go’ war ni yad be guy rogon ni ngar milgad ko damumuw rok miyad mith u gelngin nge feni maluplup’.

Hosea 8:5

Kug fanenikay e garbaw nni ngongliy ko gol nma tay fapi girdi’ fan, ko binaw nu Samaria. Kar gu damumuw ngorad. Uw n’umngin nap’an ni ngar yadromgad mfin ra paged i tay fan e liyos?

Amos 1:5

Bay gu bilig e garog nu Damaskus mu gu chuweg e pi’in yad ma par u lan e Loway ni Aven nge en nma gagiyeg u Betheden. Ma girdi’ nu Syria e bay ni fekrad ni kar manged kalbus ko nam nu Kir.”

Amos 3:14

Chirofen ni gu ra gechignag e pi girdi’ nem nu Israel ni bochan e denen rorad, e bay gu kirebnag fapi altar rok Bethel. Fapi gagey ko tabthung ko pi altar nem e bay nt’ar nge puth nga but’.