Hebrews 9:27 - Bible Ni Thothup

²⁷ Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

Hebrews 9:27 Referans Kwoze

2 Korinth 5:10

Ya gadad gubin ma ri gadad ra yan nga p’eowchen Kristus nge mang ir e duwgiliy e n’en ni nge be’ min rin’ ngak, ni fan e nge be’ min pi’ ngak e n’en ni bay rogon ni ngan pi’ ngak, ni be yan u rogon e tin ni i rin’ ni bfel’ ara kireb u nap’an ni immoy u lan e dowef rok ko biney e tamilang.

Eklesiastes 12:7

Dowef rodad e bayi sul ko but’, ma lanin’dad ni Got e pi’ ngodad e bayi sul ngak.

Eklesiastes 12:14

I Got e ra pufthinnag urngin ngongoldad, ni tin ni bfel’ nge tin nib kireb, nge mus ko tin ni unrin’ nib mith.

2 Samuel 14:14

Gadad gubin ni go’ bay da m’ad; gadad bod e ran nike map’ nga daken e but’, ni dabkiyag i kunuy bayay. Mus ngak Got ma de faseg e pi’in karm’ad, machane en pilung e ra gonpiy rogon reb i kanawo’en me sul be’ ni pumo’on ni ba’ u bang ni bod ba kalbus.

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

Eklesiastes 9:5

Arrogon, pi’in bfos e yad manang ni bay ram’ad, machane pi’in nib yam’ e dariy ban’en ni yad manang. Yad e dakriy e tow’ath rorad; ya kanpag talinrad.

Jude 1:15

ni nge pufthinnag e girdi’ ni urngin, me gechignag urngin e girdi’ ntadenen ndariyfan Got u wun’rad, min gechig nagrad ni bochan urngin e ngongol ni ur ngongliyed ndariy Got u lanin’rad nge urngin e thin nib kireb nike yog e pi girdi’ nem nib togopluw ngak Got!”

2 Timothy 4:1

Ri gu be ta’chiylen ngom u p’eowchen Got nge Kristus Jesus ni ir e bayi pufthinnag urngin e girdi’, ni pi’in kayad bfos nge pi’in karm’ad: ere bochan e wub rok nge gagiyeg rok ma aram fan ni gu be ta’chiylen ngom

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

Roma 5:12

Denen e yib nga fayleng u daken ta’abe’, ma denen ni ngongliy e fek e yam’ i yib. Wenegan ni yib e af e yam’ ngak urngin e girdi’ nu fayleng, ni bochan e urngin e girdi’ ni ngongliy e denen.

Eklesiastes 3:20

Ta’ab yang i ban’en e bayi yan e girdi’ nge gamanman ngay, bay rsulod ngar ngal’gad ni fiyath ya ra sumgad ko fiyath.

BABYOR NI JOB 14:5

Ra be’ ma kan mu’ i duwgiliy n’umngin nap’an e yafos rok — urngin e pul ni nge par nib fos. Ka mu duwgiliy kamta’, ni dabkiyag i thilyeg.

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

Hebrews 6:2

nge murung’agen e tawfe nge pa’ey ni yima tay nga daken be’ ngan yibilay; nge pi’in ni karm’ad ni bay ni fasegrad ko yam’ nge gechig ndariy n’umngin nap’an.

Psalms 89:48

I mini’ e ra par ndabi yim’? Uw rogon ni nge ayuweg e girdi’ ir ni nge dabki yan nga low?

BABYOR NI JOB 30:23

Gu manang ni ga be fekeg i yan ko yam’, ko gin gubin e girdi’ nra yan ngay.

BABYOR NI JOB 19:25

Machane gu manang ni bay be’ u tharmiy ni bay yib u tomur nge ayuwegneg.

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.

Genesis 3:19

Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”

Eklesiastes 3:2

Ma turguy ngal’an e gargel nge ngal’an e yam’; nge ngal’an e woldug ni ngan yung nge ngal’an ni ngan pug;

Hebrews 10:27

Ra errogon me ere n’en ke magey ni ngan rin’ e ngan tamdag ko n’en ni bayi m’ug: ni aram e pufthin nge nifiy nib gel ni bayi kirebnag e pi’in yad be togopluw ngak Got!

1 John 4:17

Ba’aray fan ni rogon nib t’uf Got rodad nge girdi’ e nge yan i aw ngarogon u fithik’dad, ni fan e ngari pagan’dad ko Chirofen ni bayi pufthinnag Got e girdi’ riy, ni bochan e gadad be par u roy u fayleng ni bod ir.

Luke 20:32

Mfini yim’ fare pin u tomur.