Hebrews 9:22 - Bible Ni Thothup

²² Rriyul’, nrogon ko fare Motochiyel e oren ban’en e yibe be’echnag ko racha’; ma denen e be n’ag Got fan rok e girdi’ ni kemus ni fa’anra ni pu’og e racha’.

Hebrews 9:22 Referans Kwoze

Levitikus 17:11

Yafos ko gubin ban’en nib fos e bay u fithik’ e racha’ riy, ma arfan ni SOMOL e keyog ni urngin e racha’ ma ngan pu’og nga daken fare altar ni nge chuweg e denen ko girdi’. Racha’, ni ir e yafos, e ma chuweg e denen.

Levitikus 6:7

Ma fare prist e ra pi’ fare maligach ni fan ko denen rok facha’, ma yira n’ag fan rok.

Levitikus 4:35

Ma aram me chuweg urngin e mam riy, nri bod rogon ni yima chuweg e mam ko fare saf ni maligach nma gapaseg thilin Got nge girdi’. Me urfiy fare prist fapi mam u daken e altar nib mu’un ko pi ggan ni maligach ni kan ognag ngak SOMOL. Aray rogon ni ngi i pi’ fare prist e bayul ni fan ko denen rok be’ min n’ag fan rok.

Levitikus 5:18

Thangri fek i yib ngak fare prist ba maligach, ni ba saf ni pumo’on ara ba kaming ndariy bochiyang u downgin nib kireb nge pi’ ni aram e bmathang malfith. Ni bod rogon ni kan turguy. Fare prist e ra pi’ fare maligach ni fan ko denen rok facha’ ni kal riy, ma yira n’ag fan rok.

Levitikus 14:14

Me fek fare prist boch u racha’en fare fak e saf, nge thiy nga ba’ ni mat’aw i yuwantel, nge ba’ ni mat’aw i bugul ni ga’ u pa’, nge ba’ ni mat’aw i bugul ni ga’ u ay facha’ ni ngan duwgiliy nike be’ech.

Levitikus 14:6

Me fek e bin kabfos ko fa gali arche’; nge fare gi ren ko gek’iy ni cedar, nge fa yil’ i gaf nib row, nge fachi pa’ i gek’iy ni hyssop nge lithag nga fithik’ i racha’en fa binem e arche’ ni kan li’ ke yim’ u fithik’ e ran.

Levitikus 5:10

Ma aram e bin nl’agruw ko fa gali arche’ e nge pi’ ni maligach ni mo’oruf, ni aram yalen ni kan turguy. Ara’ rogon ni nge pi’ fare prist e maligach ni fan ko denen rok be’ min n’ag fan rok.

Levitikus 4:26

Me urfiy urngin e mam riy u daken fare altar, ni bod ni urfiy e mam ko fa tin ka’an pi’ e gamanman nni li’ ni fen e maligach nma gapaseg thilin Got nge girdi’. Aray rogon konowa’en ni nge pi’ fare prist e maligach ni bayul ko denen rok facha’, ma aram e yira n’ag fan rok.

Levitikus 4:20

Rogon i bangbangnag ere garbaw ney e bod nni rin’ ko fa binem e garbaw ni maligach ni fan ko denen, ni aram kanowa’en e maligach ni nge ngongliy ni fan ko denen ko girdi’, min n’ag fan rorad.

Levitikus 14:25

Me li’ fare fak e saf ni pumo’on me fek boch e racha’ riy nge thiy nga ba’ ni mat’aw i yuwantel, nge ba’ ni mat’aw i bugul ni ga’ u pa’, nge ba’ ni mat’aw i bugul ni ga’ u ay facha’.

Levitikus 5:12

Me fek i yib ngak fare prist, ni ir e bayi fek e flour nap’an lan barba’ i pa’, ni aram e bpow riy ni kan ognag ni gubin ngak SOMOL. Me urfiy u daken fare altar nib ggan ni maligach. Ren’em e ba maligach ni nge chuweg e denen.

Levitikus 5:11

Fa’anra dabiyag puluwon l’agruw arche’ ni dove ara l’agruw e bulogol rok be’, ma thangri fek i yib l’agruw e pawn e flour ni ngan ognag ni fan ko denen rok. Dabi tay e gapgep ni olive ara incense ngay, ya ba maligach ni fan ko denen, ma gathi bmaligach ni grain.

Ezekiel 43:18

SOMOL ni Th’abi Tolang e ga’ar ngog, “Fak e girdi’, mmotoyil ko n’en ni nggog ngom. Nap’an ni yira toy fare altar, ma ngam og nag ni aram e ngam pi’ e maligach ni mo’oruf u daken ma ngam atngiy daken nga racha’en fapi gamanman ni kan maligach ngay.