Hebrews 9:21 - Bible Ni Thothup

²¹ Ere ku aram rogon ni ki atngiy Moses e racha’ nga daken fare tent ko m’ag rok Got nge nga daken urngin ban’en ni yima maruwel ngay ko meybil nge pigpig ngak Got.

Hebrews 9:21 Referans Kwoze

Levitikus 8:19

Me li’ Moses fare gamanman nge yim’ me pag e racha’ riy nga downgin fa aningeg i tabthung ko fare altar.

Levitikus 8:15

Me li’ Moses fare gamanman nge yim’ me fek boch i racha’en nga bugili pa’ nge thiy ko fapi gagey u tabthungen fare altar, ni aram e be ognag ngak SOMOL. Me pu’og e tin ke aw ko fapi racha’ nga enggin fare altar, aram rogon ni machalbognag me pi’ ngak SOMOL.

Exodus 29:36

Gubin e rran ni thingar mu pi’ ba garbaw ni pumo’on ni maligach ni bayul ko denen. Ren’ey e ra machalbognag fare altar. Ma aram mag gapgepnag ko gapgep ni olive ni nge thothup.

Exodus 29:12

Mag fek boch u racha’en fare garbaw nga bugulipa’am ngam tay ko fa aningeg i gagey ko fare altar. Ma tin ke magay riy mag pu’og nga enggin fare altar.

Levitikus 9:18

Me li’ nge yim’ fare garbaw ni pumo’on nge fare saf ni pumo’on nib maligach nma gapaseg thilin Got nge girdi’. Me fek fapi pumo’on ni fak e racha’ riy i yib ngak, me pag nga downgin fare altar ni ga’ngin yang.

Exodus 29:20

Mag li’ nge yim’, mag fek boch u racha’en ngam thiy nga ba’ ni mat’aw i yuwantel Aron nge fapi pumo’on ni fak, nge ba’ ni mat’aw u bugul ni ga’ i pa’rad, nge ba’ ni mat’aw u bugul ni ga’ i ayrad. Mag yin’ e tin kabay ko fapi racha’ nga daken gubin raba’ fare altar.

Exodus 24:6

Me fek Moses baley u racha’en fapi gamanman nge tay ngalan yu raba’ i dabiy; me wereg e tin ke magey nga daken e altar.

Exodus 40:9

“Mag yiblay ngam ognag fare Tent nge gubin tatalin ni aram e ngam gapgepnag ko fare gapgep nib tabgul, nge par nike thothup.