Hebrews 9:2 - Bible Ni Thothup

² Ni toy ba tent, ma bin ngam’on e senggil nike lunguy fa Gin’en nib Thothup e ir e bay fare magal u lan, nge fare tebel ni bay e flowa u daken ni kan pi’ ngak Got.

Hebrews 9:2 Referans Kwoze

Exodus 40:4

Ma ga fek fare tabel ngalan fare Tent ngam yarmiy tatlin nga daken. Ma ku aram rogon fare tagil’ e magal ni ga ra fek nga langgin fare Tent ngam ayliy e pi magal riy ngay.

Exodus 26:35

Wuru’ fa Gin Th’abi Thothup e ngam ted ba tabel nga ba’ ni lel’och fare Tent ma fare tagil’ e magal e ngan tay ko ba’ ni yimuch.

Exodus 40:2

“Bin m’on e rran ko bin som’on e pul e ngam suweg ngalang fare Tent u P’eowchen SOMOL.

Exodus 26:33

Mu tiningnged fare gi kateng ngalang ko fare thal i lam u tan e upong ko fare Tent, mi gimed tay nga barba’ fa gi kateng fare Kahol ko M’ag ni bay fa gal yang i malang u langgin. Fare gi kateng e nge ki’eg e Gin nib Thothup ko Gin Th’abi Thothup u langgin fare Tent.

Exodus 29:35

“Mu rin’ ngak Aron nge pifak ni pumo’on nrogon ni kugog ngom ni gubin, ni medlip e rran ni ngam bengbengnag gam’ingrad ni aram e ngar manged prist.

Exodus 29:1

“Ba’aray e n’en ni ngam rin’ ngak Aron nge pifak ni pumo’on ni ngam ognagrad ngog, ya ngar manged e prist ngu’ur pigpiggad rog. Mu fek ba fak e garbaw ni pumo’on nge l’agruw e fak e saf ni pumo’on ndariy bang u dowrad nib kireb.

Exodus 25:23

“Mu ngongliyed ba tebel ko ren ni acacia ni guyey nge nel’ e inch n’umngin, ma ragag nge meruk e inch radan, ma rliw’ nge medlip e inch tolngin.

Exodus 25:30

Fare tebel e ngam ted nga m’on ko fare Kahol ko M’ag, mu daken e re tebel ney e gubin ngiyal’ ni ngi i par riy fare flowa nib thothup ni kan pi’ ngog.

Exodus 25:31

“Mu ngongliyed ba lay i tagil’ e magal ko gol ni go’ gol. Mu pirdi’iyed e gol nge mang enggin nge kenggin; ma nunuw riy e ya’an bogi floras nike puf nge tin dawori puf ni ngkun ngongliy nib peth ko re ley i tagil’ e magal ney.

Exodus 26:1

“Mu kum ngongliyed langgin e Tent rog nib Thothup nga ragag yang i mad ni linen nib wech nni uneg bunu’en e saf ngan lifith nga fithik’, ni kan k’ad nib ra’en mak’ef, purple, nge row. Mi gimed sisyunag ya’an bogi kerubim nga daken.

Matthew 5:15

Dariy be’ nra tay e nifiy ko magal me tay nga tan baraba’ i ban’en; ya ra tay nga tagil’ e magal, ko gin nrayag ni nge gal’ urngin e girdi’ ni yad bay u lan e naun.

Matthew 12:4

I yan ngalan e naun rok Got, miyad kay e pi’in yad be un ngak fare flowa ni kan pi’ ngak Got, ni yugu aram rogon nib togopluw ko Motochiyel ni ngar ked e re flowa nem, ya kemus ni pi prist e rayag ni ngar ked.

Hebrews 9:25

Prist ni Th’abi Ga’ nu Israel e gubin e duw nma yan ngalan e Gin Th’abi Thothup nike fek racha’en e gamanman i yan. Machane i Kristus e de yan ngalan ni nge pi’ ir ni maligach ni bo’or yay;