Hebrews 9:17 - Bible Ni Thothup

¹⁷ Ya babyor nike tay be’ e thin ngay ni nga fini yim’ min pithig e be par ndariy rogon ko ngiyal’ ni kabfos e en ni ngongliy; fin ra yim’ ma fini aram e rayag ni maruwel fa gi babyor.

Hebrews 9:17 Referans Kwoze

Genesis 48:21

Me ga’ar Israel ngak Josef, “Kam guy nike chugur ni nggum’, machane Got e bay i par rom, ma bayi fulwegnem ko nam rok e pi chitamam.

Galatia 3:15

Pi walageg ni girdi’en Kristus, nggu weliy murung’agen ban’en ngomed ni nggu susunnag nga ban’en ni yima rin’; fa’anra weliy l’agruw ni’ murung’agen ban’en me ta’reb lanin’row riy miyow sayin nga babyor ni aram e m’ag ko fare bugithin ni kar weliyew, ma dakuriy be’ ni ngki th’ab e re m’ag nem ara ki puthuy ban’en ngay.

John 14:27

“Nggu tay e gapas nge par romed; nggu pi’ e gapas rog ngomed. Dab gu pi’ ngomed ni bod rogon nma rin’ e girdi’ nu fayleng. Dabi magafan’med ma dabi wagagey lanin’med; ma dab mu tamdaggad.

Hebrews 9:16

Fa’anra yim’ be’ ma bay babyoren e thum’ nike tay ni ke thum’ nag urngin ban’en rok ni nge pi’ ko girdi’ ko ngiyal’ nra yim’ riy, ma dabisiy ni ngan guy rogon ngan micheg ni facha’ ni ngongliy e gi babyor nem e ke yim’.

Hebrews 9:18

Aram fan ni mus ko fa bin som’on e m’ag ni ngongliy Got u thilin e girdi’ nge ir e kemus ni racha’ e un maruwel ngay mi i par ni bfel’.