Hebrews 7:8 - Bible Ni Thothup

⁸ Ma pi prist e i pi’ e girdi’ ngorad 10 pasent ko tin bay rorad, machane pi prist nem e bogi ni’ ni yad ra yim’; machane i Melkizedek e ni pi’ ngak 10 pasent ko tin bay, me ir be’ ni bay i par nib fos, ni bod rogon ni be yog e babyor nib thothup.

Hebrews 7:8 Referans Kwoze

Hebrews 6:20

I Jesus e ke yan ngalan e re senggil nem nike m’on rodad, me ir e owchedad ngaram. Ke mang Prist ni Th’abi Ga’ ndariy n’umngin nap’an, ni bod rogon Melkizedek.

Hebrews 5:6

Miki yog u bayang u lan e babyor nib thothup ni ga’ar, “Bay mpar ni gur reb e prist ndariy n’umngin nap’an, ni bod rogon Melkizedek.”

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Hebrews 7:23

Ma ku ba’aram ban’en nib thil riy; fa tinem e prist e yad bo’or, ma ur m’ad nde yag ni ngu’ur maruwelgad i yan.

John 14:19

Dabki n’uw nap’an ma dabki guyeg e girdi’ nu fayleng, machane gimed e bay mu guyed gag; bay gu par ni gub fos, ere ku er rogomed ni bay kum pired ni gimed ba fos.

Hebrews 3:16

Mini’ e rung’ag laman Got me togopluw ngak? Fapi girdi’ ni fekrad Moses nga wuru’ yu Egypt.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

Hebrews 7:7

Rib muduwgil ni en ni yibilay be’ e ba ga’ ngak fa’anem nike yibilay.

Hebrews 7:9

Rayag ni nganog ni ngiyal’ ni ba’aram ni pi’ Abraham 10 pasent ko tin bay rok, ma aram e yan i aw ni ku errogon Levi nike pi’ u pa’ Abraham (ma pi’in owchen Levi e ur kunuyed u pa’ e girdi’ e re guruy nem).