Hebrews 7:25 - Bible Ni Thothup

²⁵ Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

Hebrews 7:25 Referans Kwoze

Roma 8:34

Gur rayag rok be’ ni nge turguy e gechig rorad? Kristus Jesus e gathi kemus ni yim’ ni fan ngodad, ya ku ni faseg ko yam’ ke yan i par nga ba’ ni mat’aw rok Got. Be wenig nagdad ngak Got!

1 Timothy 2:5

Ya ri ta’reb e Got ni bay, ma ri ta’abe’ e bay ni ir e ma chagiy Got nge girdi’ nga ta’bang, ni aram fare girdi’ ni Kristus Jesus,

Jude 1:24

Ngak e en ni ir e rayag rok ni nge ta’med ndab mmulgad me fekmed i yan ko fla’ab rok ndariy thibngimed ma ri gimed ba felfelan’ —

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

Efesus 2:18

Gadad urngin, ni piyu Israel nge pi’in gathi yad piyu Israel, e rayag nu daken Kristus e nge ayuwegdad fare Kan Nthothup riy ngdarod nga p’eowchen e en ni Chitamangiy.

Roma 5:2

U daken e michan’ rodad ngak Jesus Kristus e ke fekdad Jesus Kristus riy ko runguy rok Got, ni ir e gadad bay riy e chiney. Ere gadad be felfelan’, ya ke l’agan’dad ko fla’ab rok Got ni bay da uned ngay!

Hebrews 11:6

Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

Efesus 3:20

Ya ir e rayag rok ni nge maruwel nge pag rogon ko tin kad wenig niged ngak, ara ke taw e leam rodad ngay, ni ra muruwliy u daken fare n’en ni gelngin ni ku ir e be maruwel u fithik’dad.

Isaiah 45:22

“Gimed e girdi’ nu fayleng ni ga’ngin, mu sulod ngog mu gu ayuwegmed! Ya kemus ni gag e ta’are Got ni bay.

Hebrews 9:24

Ya Kristus e gathi yan ngalan e Gin nib Thothup ni girdi’ e ngongliy, ni ya’an e bin ba’aram ni ir e ba riyul’. I ir e yan ngalan e tharmiy, ni ireram e gin ke yan ngay nike yan nga p’eowchen Got ni fan ngodad.

Hebrews 7:19

Ya Motochiyel rok Moses e dabiyag ni nge fal’eg ban’en ngari fel’. Ma chiney e kan pi’ ban’en ngodad ni kab gel e fel’ riy ni ir e ke l’agan’dad ngay, ni ir e ra chugurnagdad ngak Got.

Isaiah 59:16

Ke gin ngay nike guy ndariy be’ nra ayweg e pi’in kan gafgow nagrad, ma aram e bayi lagrad u gelngin me yan i aw ni ir e ke gel.

John 14:13

Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.

Daniel 6:20

Ma fa’ani chugur ngay, me tolul u fithik’ e magafan’ ni ga’ar, “Daniel, ni tapigpig rok fare Got ni be par nib fos! Mog, ke yag rok fare Got nri ga ma pigpig ngak u fithik’ e yul’yul’ ni nge ayuwegnem rok fapi layon?”

Daniel 3:17

Fa’anra bay reb e got nrayag rok ni nge ayuwegmad u lan fare tafen e nifiy ni be daramram ma ra yan i aw ni Got romad, ni ir e gamad ma fol ko thin rok, me ir e bayi ayuwegmad u pa’am.

BABYOR NI JOB 23:3

Gu be athpeg ni mang e yi gu nang e gin gu ra pir’eg Got riy, mu gu nang rogon mu gu wan ko gin bay riy.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

Isaiah 53:12

Mu gu pi’ ngak tagil’ ni ngu’un tay fan riy, ni bang u fithik’ e pi tagil’ ko girdi’ nib sorok ma ba gel gelngirad. Pi’ ir ngan li’ ngem’, min ta’reb rogonnag ngak e girdi’ nike th’ab e motochiyel. Me yan i fek luwan e pi tadenen ni pire’, me meybil ni nge n’ag Got fan e denen rorad.”

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.

Isaiah 63:1

“Mini’ e cha’nem ni be yib u Bozrah ko binaw nu Edom? Mini’ e cha’nem nike yin’ e mad ni row nrib gamog, ni be yib ni bay gelngin nib gel?” Ir SOMOL ni bay gelngin nira ayuw, nike yib ni nge yog nike gel.

Hebrews 7:16

Ni gathi ni turguy nge mang reb e prist ni bod rogon yalen ko motochiyel ko girdi’; ye yib i mang prist u gelngin reb e yafos ni dabi mus bi’id.

Hebrews 2:18

Ere chiney e rayag ni nge ayuweg e pi’in ke yib ngorad e n’en nma weliy e girdi’ nge denen, ya ir ma ki yib ngak e n’en nma weliy e girdi’ nge denen, ma ki un ko gafgow.

Filippi 3:21

ni bayi piliyeg dowdad nib me’waer mra yim’ nge bodnag downgin nib galgal ram’en, ni aram e ke maruwel nga gelngin ni ir e nge suwey urngin ban’en u daken.

John 14:16

Bay gu wenig ngak e en ni Chitamangiy, nge pi’ yug reb e Taayuw ngomed, ni bayi par romed ndariy n’umngin nap’an.

Jeremiah 3:22

Msulod, gimed urngin e pi’in ka mu pi’ed keru’med ku SOMOL; ra gol nagmed me gagiyeg nagmed ngam yul’yul’gad ngak. Gimed be ga’ar, “Arogon, ngu sulod ngak SOMOL ni bochan e ir e Got romad.

Isaiah 45:24

“Bay rogned ni kemus nu dakenag e rayag ni nga ni mat’aw riy me yib gelngiy riy; machane urngin e girdi’ ni yad ra fanenikayeg e yad ra gafgow ko tamra’.

2 Timothy 1:12

ma ireray fan ni kug gafgow. Machane dagur tamra’ ngay, ya gu manang e en ni kug pagan’ug ngak, ma bmuduwgil u wun’ug nrayag rok ni nge tay e tin ke pag fan ngog ni dabi buch ban’en riy nge yan i mada’ ko Rofen ni bay sul riy.

Daniel 3:29

“Ere chiney e nggog ni fa’anra non be’ u reb e nam, ara be’ u reb e racha’, ara be’ u reb e thin ni be darifannag fare Got rok Shadrak nge Meshak nge Abednego, ma nga ni popof pa’ nge ay min buthug e naun rok. Ya dakuriy yugu reb e got ngabang nrayag rok ni nge ayuweg e pogofan ni aray rogon.”

Hebrews 7:24

Machane Jesus e bay i par nib fos ndariy n’umngin nap’an, ma maruwel rok ko prist e daki af rok ngak be’.

Daniel 9:16

I gur e gab mat’aw, ere dab kum damumuw ngak yu Jerusalem, ya ir e binaw rom, ni fare burey rom nib thothup. Urngin e girdi’ ko pi nam ni yad ba chugur ngay e yad be changar nga but’ ngak yu Jerusalem nge ngak e girdi’ rom ni bochan e denen ni kug rin’ed nge pi kireb ni i ngongliy e pi chitamangimad.

Daniel 3:15

Ere nap’an ni yig gimed ra rung’ag lingan e rappa, nge tatelin e musik ni oboe, nge lyre, nge zither, nge harp, nge urngin e tin kabay e tatelin e musik, ma aram e ngam siro’gad ngam ted fan e re liyos nem. Ma fa’anra dab mu rin’ed, ma ka chingiyal’ nem e nga nin’med ngalan ba tafen e nifiy ni be daramram. Gimed be finey ma bay reb e got nrayag rok ni nge ayuwegmed?”

Efesus 3:12

Taab girdi’ ni kad ted Kristus Jesus ngu daken e michan’ rodad ngak e ir e ke puf rogodad riy ni gadad ra yan nga p’eowchen Got nike pagan’dad.

Hebrews 7:8

Ma pi prist e i pi’ e girdi’ ngorad 10 pasent ko tin bay rorad, machane pi prist nem e bogi ni’ ni yad ra yim’; machane i Melkizedek e ni pi’ ngak 10 pasent ko tin bay, me ir be’ ni bay i par nib fos, ni bod rogon ni be yog e babyor nib thothup.

BABYOR NI JOB 22:17

Irera’ e pi girdi’ nra pi’ed keru’rad ngak Got miyad leamnag ndariy ban’en nrayag ni rin’ ngorad.

Roma 5:10

Ud moyed ni gadad e to’ogor rok Got, machane ngongliydad Got kadmanged pi tafager rok u daken e yam’ nike tay Fak. Kad manged pi tafager rok Got e chiney, ere ri bay ud thapgad ngak Got u daken e fos ko yam’ nike tay Jesus!

1 Korinth 1:21

Ya Got e gonopiy ni nge dabiyag ni nge nang e girdi’ Got u gelngin e gonop rorad. Machane ke turguy Got ni nge thapeg ngak e pi’in ke mich Jesus Kristus u wun’rad nu daken e re thin ni ba’aray ni gamad be machibnag ko girdi’, nike yog boch e girdi’ e “thin ko balyang” ngay.

Hebrews 2:9

Machane Jesus e gadad be guy! Ya ba ngoch nap’an ntay nib sobut’ ngak e pi engel, ni nge yim’ ni fan ngak urngin e girdi’ ni bochan e be runguy Got e girdi’. Ma kad guyed nike te’eliyawnag Got ko sorok nge tayfan e chiney ni bochan fare yam’ ni tay ni gafgow riy.