Hebrews 7:16 - Bible Ni Thothup

¹⁶ Ni gathi ni turguy nge mang reb e prist ni bod rogon yalen ko motochiyel ko girdi’; ye yib i mang prist u gelngin reb e yafos ni dabi mus bi’id.

Hebrews 7:16 Referans Kwoze

Kolose 2:20

Kam uned ngak Kristus ko yam’ kan chuwegmed u tan pa’ e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay. Ere mangfan ni gimed be ngongol ni gowa mmil famed ngaray nga fayleng? Ere mang ni gimed be fol ko pi motochiyel ni bod e pi motochiyel ni ba’aray nike lunguy,

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Hebrews 10:1

Israel e gathi ri ya’an ni polo’ e tin nri ir ban’en, kemus ni ya’an e pin’en ni bfel’ ni bay fini yib ni kab samathmath. Taab mit e maligach ni yibe pi’ riy u reb e duw nge reb. Ere re Motochiyel nem e uw rogon me yal’uweg e girdi’ ni yad be yib ngak Got u daken e pi maligach nem ni yibe pi’?

Hebrews 7:28

Fare Motochiyel rok Moses e i turguy e girdi’ ni bogi girdi’ ndar yal’uwgad ngar manged e pi prist nib th’abi tolang; machane thin ni yog Got ni micheg nga fithingan, ni yib nib tomur ko fare Motochiyel rok Moses, e ir e turguy e en ni Fak Got, ni ir e kan ngongliy rogon ni bay i par nib yal’uw ndariy n’umngin nap’an.

Hebrews 7:3

Dariy babyoren e chitamngin ara chitiningin Melkizedek, ara reb e pi ga’ rok; ma dariy babyoren e ngiyal’ nni gargeleg ara ngiyal’ ni yim’ riy. Ya ir e bod fa’anem ni Fak Got: ni be par ni ir e prist ndariy n’umngin nap’an.

Kolose 2:14

Ma ke thang babyoren e malfith rodad ni ir e immoy nib mich nib togopluw ngodad, nib mu’un ngay e tin ni i yog e motochiyel ni ngan rin’, me richibiy ko kuruth, ni aram e re babyor nem e ke m’ayfan.

Galatia 4:9

Machane chiney e kam nanged Got — fa reb e nggog nike nangmed Got e chiney — ere uw rogon ma kam adaged ni ngam sulod ngak fapi kan ni yad be gagiyeg ni yad mme’waer ma dariy farad? Mangfan ni gimed ba’adag ni ngkum sulod ngam manged sib rorad bayay?

Galatia 4:3

Ma ku aram rogodad ni ud moyed ni gadad e sib ko pi motochiyel nge yalen nge rok e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay, ko ngiyal’ ndawori ilal e michan’ rodad ngak Kristus.

Hebrews 7:21

Machane Jesus e mang ba prist u daken fare mow ni micheg Got ni bayi rin’ me mow nga fithingan ko fa ngiyal’nem ni ga’ar Got ngak, “I Somol e ke yog bbugithin ma ke micheg nga fithingan, dabki piliyeg laniyan’ riy: ‘Bay mmang ba prist ndariy n’umngin nap’an.’ ”

Hebrews 7:17

Ya babyor nib thothup e be ga’ar, “Bay mmang reb e prist ndariy n’umngin nap’an, ni bod Melkizedek.”

Roma 7:14

Gadad manang ni fare Motochiyel e yib rok Got; machane gag e gub girdi’ ni gu ra yim’, ni kan pi’eg ni chuway’ ngak e denen ni bod rogon ba sib.

Hebrews 7:15

Re bugithin ney e ke gel e tamilang riy, ni aram e ke yib i m’ug yugu reb e prist ni bod Melkizedek.

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.