Hebrews 7:11 - Bible Ni Thothup

¹¹ Ngiyal’ ni ba’aram ni girdi’ nni gargelegrad ni owchen Levi e yad e ur manged prist, ma eram e ngiyal’ ni pi’ Got fare Motochiyel ngak e girdi’ nu Israel. Ere fa’an mang e yan i aw ni kari yal’uw make gamen feni fel’ e maruwel ko pi prist ni owchen Levi, ma dakuriy rogon bmit e prist ni nge yib i m’ug, ni be’ ni bod Melkizedek, ni gathi yib ni owchen Aron.

Hebrews 7:11 Referans Kwoze

Hebrews 8:7

Fa’an mang e yan i par e bin som’on e m’ag u thilin Got nge girdi’ nde yan i tagan ban’en riy, ma dakuriy rogon ni ngkun ngongliy e bin migid e m’ag.

Galatia 2:21

Dagur siyeg e n’en nike rin’ Got ni fan ngog u daken Fak! Fa’anra ke mat’aw be’ ngak Got u daken e Motochiyel, ma aram e yam’ ni tay Kristus e bm’ayfan.

Hebrews 7:21

Machane Jesus e mang ba prist u daken fare mow ni micheg Got ni bayi rin’ me mow nga fithingan ko fa ngiyal’nem ni ga’ar Got ngak, “I Somol e ke yog bbugithin ma ke micheg nga fithingan, dabki piliyeg laniyan’ riy: ‘Bay mmang ba prist ndariy n’umngin nap’an.’ ”

Hebrews 7:15

Re bugithin ney e ke gel e tamilang riy, ni aram e ke yib i m’ug yugu reb e prist ni bod Melkizedek.

Hebrews 5:6

Miki yog u bayang u lan e babyor nib thothup ni ga’ar, “Bay mpar ni gur reb e prist ndariy n’umngin nap’an, ni bod rogon Melkizedek.”

Galatia 4:9

Machane chiney e kam nanged Got — fa reb e nggog nike nangmed Got e chiney — ere uw rogon ma kam adaged ni ngam sulod ngak fapi kan ni yad be gagiyeg ni yad mme’waer ma dariy farad? Mangfan ni gimed ba’adag ni ngkum sulod ngam manged sib rorad bayay?

Hebrews 6:20

I Jesus e ke yan ngalan e re senggil nem nike m’on rodad, me ir e owchedad ngaram. Ke mang Prist ni Th’abi Ga’ ndariy n’umngin nap’an, ni bod rogon Melkizedek.

Hebrews 5:10

me yog Got ni nge par ni ir e Prist ni Th’abi Ga’, ni bod rogon Melkizedek.

Galatia 4:3

Ma ku aram rogodad ni ud moyed ni gadad e sib ko pi motochiyel nge yalen nge rok e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay, ko ngiyal’ ndawori ilal e michan’ rodad ngak Kristus.

Hebrews 7:10

Ya ngiyal’nem e dawor ni gargeleg Levi, machane yugu dawor ni gargeleg ma bay u fithik’ i downgin e ga’ rok i Abraham ko ngiyal’ ni mada’ Melkizedek nge Abraham.

Hebrews 7:12

Ya fa’ani thil e prist ma ku errogon e motochiyel ni thil.

Hebrews 7:13

Mi Somol rodad ni ir e murung’agen e pin’ey ni kan weliy, e yugu baraba’ e ganong e yib riy; ni dariy be’ ko ba’ rok e ganong ni mang reb e prist ngi i pigpig u altar.

Hebrews 9:6

Fa’ani m’ay i duwgiliy e pin’ey, ma aram mi i yan e pi prist ngalan e bin ngam’on e senggil ko tent ni gubin e rran ngu’ur ngongliyed e maruwel ni kan pi’ ngorad;