Hebrews 6:8 - Bible Ni Thothup

⁸ Machane fa’anra tugul e rachangal u daken nge pan ma dabi yib fan, ma rayag ni nge kirebnag Got wa’athan, me urfiy ko nifiy.

Hebrews 6:8 Referans Kwoze

John 15:6

En ni dabi par u fithik’ag e yira n’ag, nge mororoy ni bod ba pa’ngin e grape; papa’ngin e grape ni aram rogon e yira kunuy nga nin’ nga mit e nifiy nge yik’.

Deuteronomy 29:28

Kri damumuw SOMOL nib gel, ma gelngin e damumuw e ke pugrad u daken e nam rorad nge yin’rad nga daken yug reb e nam, ma aram e gin yad bay riy ke mada’ ko daba’.’

Jeremiah 44:22

Ka daba’ e nge puth e binaw romed ma dakuriy be’ nra par riy. Ke par ya’an nike tamdag, ma fithingan e ke mang ba yaba’ ni bochan e SOMOL e dab kiyag ni nge k’adan’ ko kireb nge ngongol ni kireb ni gimed be rin’.

Hebrews 12:17

Ma gimed manang, ni fa’ani tomur riy me t’uf rok ni nge tay e chitamngin pa’ nga daken nge yibilay ngak Got; machane dakiyag, ya daki pir’eg rogon ni nge thiliyeg e tin ke ngongliy, ni yugu aram rogon ni i gay ni be yib e lu’ u owchen.

Hebrews 10:27

Ra errogon me ere n’en ke magey ni ngan rin’ e ngan tamdag ko n’en ni bayi m’ug: ni aram e pufthin nge nifiy nib gel ni bayi kirebnag e pi’in yad be togopluw ngak Got!

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.

Mark 11:21

Me yib ngan’ Peter e n’en ni yog Jesus me ga’ar ngak, “Tamchib, a mu guy, fare ke gek’iy ni mkirebnag wa’athan e ke l’ud!”

Mark 11:14

Me ga’ar Jesus ko fare ke gek’iy, “Dakuriy be’ ni ngki kay wom’engim bi’id!” Me rung’ag pi gachalpen e n’en nike yog.

Matthew 7:19

Re ke gek’iy ni dabi yib wom’ngin ni bfel’ e yira th’ab nga nin’ nga mit e nifiy.

Matthew 3:10

Ya tow e kan fal’eg rogon ke par ni nge th’ab e gek’iy u lik’ngin; gubin kaen e gek’iy nder yib wom’ngin ni bfel’ e yira th’ab nga but’ nga nin’ nga mit e nifiy.

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Ezekiel 20:47

Mog ko loway u lan e yimuch ni nge rung’ag e n’en ni be yog SOMOL ni Th’abi Tolang: Mu sap! Gu be k’eg ba nifiy, ni bayi urfiy gubin kaen e gek’iy rom, ndemturug ko ba kak’ling fa ba mororay. Dariy ban’en nrayag ni thang. Ra garer ko yimuch i yan ko lel’och, ni gubin e girdi’ nra thamiy gawelngin e doromrom riy.

Jeremiah 17:6

Ir e bod rogon boch ke gek’iy u lan e ted, nike tugul u daken e but’ nib fengfeng ni dariy yong’olen, nib buday but’an ni dariy ban’en nra tugul riy. Dariy ban’en ni bfel’ nra yib riy ngak.

Psalms 107:34

I pingeg e but’ nib yong’ol nge buday ni daki fel’, ni bochan e kireb ni i ngongliy e pi’in i par u rom.

BABYOR NI JOB 31:40

ma are nge mang pan nge rchangal e nge tugil nge luwan e wheat nge barley. Kemus u roy e thin rok Job.

Genesis 5:29

me ga’ar, “Re tir ney e ra pi’ e toffan nga urngin e maruwel nib gel ni gadad be tay; ya bucheg SOMOL wa’athan e re but’ ney”; ma aram me tunguy fithingan ni Noah.

Genesis 4:11

Kan tem nib buch wa’atham ni dabkiyag ni ngam wolduguy e but’. Ya ke wanum racha’en walagem nga fithik’ ni gowa i fal l’ugun ni nge unum ko fangiyal’ nim thang e fan rok walagem.

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

2 Samuel 23:7

Thingar ni fek ba ley i wasey ara ba sarey ngan lik’iy ngay; ri bay ni urfiyrad ngu’ur yik’yik’gad.

Isaiah 27:4

Dak gur damumuw. Machane fa’anra tugul e rchangal ngay, ma bay gu kirebnag nggu orfeg nga but’.