Hebrews 6:4 - Bible Ni Thothup

⁴ Pi’in ni kar mulgad e ra di’in mu kun sulwegrad ngar pi’ed keru’rad ko denen bayay? Ya bay ba ngiyal’ ni ur pired u fithik’ e tamilang rok Got; kar limlimiyed e tow’ath ni yib u tharmiy ma ku errogon yad ni yag fare Kan Nthothup ngorad;

Hebrews 6:4 Referans Kwoze

Matthew 5:13

“Gimed bod e sol ni fan ngak urngin e girdi’ nu fayleng. Machane fa’anra chuw e buday ko sol, ma dakuriy kanawo’en me yag nni ngongliy ngki sul nge buday bayay. Dakuriy fan; ma aram min n’ag nga daken e but’ ngi i yan e girdi’ u daken.

John 15:6

En ni dabi par u fithik’ag e yira n’ag, nge mororoy ni bod ba pa’ngin e grape; papa’ngin e grape ni aram rogon e yira kunuy nga nin’ nga mit e nifiy nge yik’.

Efesus 2:8

Yu daken e runguy rok Got ngodad e ir e ke thapegmed riy ngak, ni bochan e ke mich Jesus u wun’med. Gathi gimed e mmuruwliyed nge yag, ya ba tow’ath nike pi’ Got ngomed.

John 3:27

Me fulweg John ni ga’ar, “Dariy be’ nra yag ban’en ngak ni gathi Got e pi’.

Hebrews 10:32

Ki gimed manang rogomed ko tin ba’aram e rran nike yan nga tomur. Lan e pi rran nem u tomuren nike gal ram’en e tamilang rok Got nga dakenmed, e bo’or ban’en ni mu gafgowgad riy, machane gafgow ni i yib ngomed e de gel ngomed.

Matthew 12:45

Me sul nge yan i pining medlip e mo’onyan’ ni kab gel e kireb rorad ngak ngarbad ra pired ko fare naun. Ma aram me yan i par fa’anem ni kari gel e kireb u pangin ko som’on. Ireray e n’en ni bayi rin’ e pi’in nib kireb e bin daba’ e rran.”

Galatia 3:2

Ere mpi’ed e fulweg ngog ko ta’are bugithin ni ba’aray: i yag fare Kan Nthothup rok Got ngomed ni fan e um rin’ed e tin ni be yog e Motochiyel ngomed, fa bochan e mu rung’aged e Thin Ni Bfel’ ni yib rok Got me mich u wun’med?

2 Timothy 2:25

ma ba sumunguy ko ngiyal’ ni be guy rogon ni nge fil e tin nib riyul’ ngak e pi’in kar olobochgad ma yad be togopluw ngak. Ma sana rayag ni nge ayuwegrad Got ngar pi’ed keru’rad ko kireb ni yad be rin’ miyad nang e tin nib riyul’ e thin.

1 John 5:16

Fa’anra guy be’ walagen ni girdi’en Kristus nike ngongliy reb e denen ni dabi fek fa’anem ko yam’, ma susun e nge meybil ngak Got, ni ir e ra pi’ e yafos ngak fa’anem. Re bugithin ney e bay rogon ngak e pi’in ni kar ngongliyed e denen ni dabi fekrad ko yam’. Machane bay e denen nma fekey ko yam’, ma dagur yog ni ngam meybilgad ngak Got u murung’agen e binem.

Hebrews 2:4

Ma ku re ngiyal’ i n’em e micheg Got e tin ni yad be weliy murung’agen u daken gelngin ni i dag u pa’rad ni ir e pow riy. Ma be dag u pa’rad bogi n’en ni un ngat ngay, nge bo’or mit e maang’ang. Ma ki f’oth rorad e salap ni tow’ath ni yib rok fare Kan Nthothup ni rogon ni be finey.

1 Timothy 4:14

Dab mpag e tin nrayag rom ni Got e ke pi’ ngom, ni pi’ ngom ko fa ngiyal’ ni welthin fapi profet riy me tay e pi’in pi’ilal ko galesiya pa’rad nga dakenam.

Acts 11:17

Ere ke yib i m’ug nib tamilang nike pi’ Got ngak e pi’in gathi yad piyu Israel fare tow’ath ni fa’ani pi’ ngodad ko fa ngiyal’nem ni fa’ani mich Somol Jesus Kristus u wun’dad; ere gag mini’ ni ngug guy rogon ni nggu taleg Got!”

Efesus 4:7

Ra bagadad ma kan pi’ e tow’ath rok ni aram e n’en nib salap fa’anem riy, ni bod rogon nike pi’ Kristus ngak.

Efesus 3:7

Gelngin Got ni be maruwel e tow’ath nigeg nga reb e salap ni ir e ayuwegneg nggu mang reb e tapigpig ko fare Thin Ni Bfel’.

Acts 10:45

Ma piyu Israel nib mich Jesus u wun’rad ni karbad u Joppa ni yad Peter e ra gin gad ngay ni ku errogon e pi’in gathi yad piyu Israel nike pu’og Got e tow’ath rok nga dakenrad, ni aram fare Kan Nthothup.

Acts 8:20

Machane me fulweg Peter ngak ni ga’ar, “Gur nge salpiy rom e ngam marow nga fithik’ e nifiy, ni fan e ga be leamnag nrayag ni ngam chuw’iy e tow’ath rok Got ko salpiy!

John 6:32

Me ga’ar Jesus ngorad, “Nggog e tin riyul’ ngomed, n’en ni pi’ Moses ngomed e gathi flowa ni yib u tharmiy; ya Chitamag e ke pi’ e bin riyul’ e flowa ngomed ni yib u tharmiy.

Numbers 24:3

me weliy e re yi’iy ni ba’aray: “Thin rok Balaam ni fak Beor, thin rok fa’anem ni kan bing owchen,

Galatia 3:5

Mogned, i pi’ Got fare Kan Nthothup ngomed me ngongliy e maang’ang u fithik’med, ni gur fan e gimed be fol ko tin ni be yog e Motochiyel ngomed ara fan e mu rung’aged e Thin Ni Bfel’ ni yib rok Got me mich u wun’med?

Acts 15:8

Mi Got, ni ir e manang laniyan’ urngin e girdi’ e dag ni bfel’ e pi’in gathi yad piyu Israel u wan’, ni fan e pi’ e Kan Nthothup rok ngorad, ni bod rogon nike pi’ ngodad.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

2 Timothy 4:14

I Alexander nma maruwel ko wasey e ba gel e kireb nike rin’ ngog; mi Somol e bayi pi’ puluwon ngak nrogon e tin ke ngongliy.

Roma 1:11

Ri gub adag ni nggub gguymed nggu pi’ e thin rok Got ngomed nge gelnagmed.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

2 Korinth 4:6

Fare Got ni ir e yog ni ga’ar, “Nge m’ug e tamilang u fithik’ e lumor!” e ku ireram e re Got ni ir e ke tamilangnag an’mad kug nanged e fla’ab rok ni be gal ram’en u owchen Kristus.

Efesus 1:18

Gu be wenig ngak ni nge tamilangan’med ngam guyed e tamilang rok, nge yag ni ngam nanged e n’en ni kabay ngam’on ni ir e be piningmed ngay, nge feni gel e manigil ko pin’en ni be yog ni bayi pi’ ngak e tirok’ e girdi’,

Levitikus 13:55

Ma aram e thingar ki guy, ma fa’anra fare pthethaw e de thil ra’en, ni yug aram rogon ni de garar, ma ngki par nib ta’ay; thingar mu ufiy fare n’en, ni demturug ko bay fare pthethaw u m’on ko fare n’en fa tomur riy.

Levitikus 14:43

Ma fa’an ku ra sum bayay fare pthethaw u lan fare naun nga tomuren ni kan chuweg fapi malang ma kan ker e thal ni langgin e rungrung u ba’an naun,