Hebrews 5:13 - Bible Ni Thothup

¹³ Cha’ ndabisiy ni nge unum e milik e be’ ni kab bitir, ndawori nang e tin nib mat’aw nge tin nib tagan ban’en.

Hebrews 5:13 Referans Kwoze

1 Peter 2:2

Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.

1 Korinth 14:20

Pi walageg ni girdi’en Kristus, dab ku um leamgad ni bod e bitir; ngam boded e pi’in bitir ndar nanged rogon i ngongliy e kireb, machane ngam leamgad nrogon e pi’ilal.

2 Timothy 3:16

Ya urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor, me ir e ba ga’ fan ya ma fil e tin nib riyul’ e thin ngodad, ma be yal’uweg e tin ni be oloboch e girdi’ riy, ma be fulweg e girdi’ ko ngongol ni bfel’, ma be fonownag e girdi’ u rogon e ngongol ni ngar pired riy ni ir e bmat’aw u mit Got,

Isaiah 28:9

Yad be gathibthib nigeg. Yad be ga’ar, “I mini’ e be leamnag re mo’on nir ni nge fil e llowan’ ngak? Mini’ e ra rung’ag e tin e thin? Kemus ni bitir ni kafin ra paged e thuth e bfel’ ngorad!

Efesus 4:14

Ma aram e dab kud pired ni gadad bod e bitir, ni be fekdad e n’ew i yan, ma be fekdad e nifeng i yan ni gubin yay nra n’ag e nifeng gil’, ni aram e machib rok e girdi’ ni yad be bannag e girdi’, ni pi’in yad be pow’iy boch e girdi’ ko tin gathi ir ko ban ni kar ngongliyed rogon.

1 Korinth 3:1

Pi walageg ni girdi’en Kristus, de yag ni gu welthin ngomed ni bod ni gu ma welthin ngak e pi’in bay fare Kan Nthothup rorad; ya thingar gu non ngomed ni bod ni yima non ngak e pi’in nib mil farad ko re fayleng ney, ni bod e pi’in girdi’en Kristus ni yad bod e pi’in bitir u rogon e michan’ rorad ngak Kristus.

2 Korinth 3:9

Fa’anra ba galgal ram’en e ren’em ni ban’en ni leamnag Got ni nge turguy e gechig rok e girdi’, me ere kab gel feni galgal ram’en e ren’en ni leamnag Got ni ir e nge mat’awnag e girdi’ ngak Got!

1 Korinth 13:11

Ngiyal’ ni ku gub bitir e welthin rog, nge lanin’ug, nge rogon e leam rog e rogon e tin nma rin’ bbitir; ma chiney ni kug pi’ilal e dakuriy rogon ni ngug ngongol nrogon e bitir.

Psalms 119:123

Ke magaf owcheg i changarnag e ayuw rom, ni fare ayuw nim micheg.

Mark 10:15

Mu ted fanmediyan ko re bugithin ney! En ni dabi bodnag ir bochi tir nge pag ir nga pa’ Got nge mang Got e i gagiyegnag e dabiyag nra yan ko gin nsuwon Got.”

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Roma 2:20

me gur e gabe fonownag e pi’in yad bbalyang, me gur e sensey ko pi’in bitir. Ma ke muduwgil u wun’um nu fithik’ e re Motochiyel nem e bay urngin e llowan’ riy nge tin riyul’.

2 John 1:11

Ya en nra yog e re bugithin ney ngak e yow ra mang ngabang ngu’ur rin’ew e kireb ni be rin’ fa’anem.