Hebrews 5:12 - Bible Ni Thothup

¹² Ke n’uw nap’an ni kam rung’aged e thin rok Got nrayag ni ngam manged boch e tamchib — machane dabisiy ni ngki machibnag be’ ngomed e tin som’on e thin ni yima fil ko thin ni yib rok Got. Susun e ngam ked e ggan nib el, machane dabisiy ni milik e ngam unumed.

Hebrews 5:12 Referans Kwoze

Hebrews 6:1

Ngad paged nga tomur urngin e tin ni ka’ad weliyed ni murung’agen Kristus ngad tiyan’dad ko tin ni kabay riy ni ngan fil ngad mu’niged, me siy kud sulod bayay ko tin ni ka’ad filed, ni aram e murung’agen ni ngan pi’ keruuy ko tin ndariyfan e ngongol nge mang Got e mich u wun’uy;

1 Peter 2:2

Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.

Hebrews 5:13

Cha’ ndabisiy ni nge unum e milik e be’ ni kab bitir, ndawori nang e tin nib mat’aw nge tin nib tagan ban’en.

Kolose 3:16

Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.

Psalms 34:11

Mired, pifakag, ngam telmed ngog, nggu fil ngomed ni ngu’um pired ni bay madgun SOMOL u wun’med.

Matthew 17:17

Me fulweg Jesus ni ga’ar, “Ri gimed be oloboch ya der mich Got u wun’med! Uw n’umngin nap’an nthingar gu par romed? Ma uw n’umngin nap’an ni nggu k’adan’ug romed? Mfeked fachi pagel i yib ngog ngaray!”

Isaiah 55:1

Be ga’ar SOMOL, “Mired, ni gimed gubin e pi’in ke yib e belel ngomed, ba’aray e ran! Mired e pi’in ndariy e salpiy romed, mu chuw’iyed e grain ngam koyed! Mired, mu chuw’iyed e wayin nge milik, dariy puluwon ni ngam pi’ed!

Ezra 7:10

Ma ke par Ezra ni be fil urngin fapi motochiyel rok SOMOL, ma be fol riy, ma be fil ngak yu Israel.

2 Samuel 16:23

Tin ni i yog Ahithofel u lan e pi rran nem e un fol riy ni gowa thin rok Got; i fol David nge Absalom riy.

1 Peter 4:11

Cha’ ni be machib e thingari machibnag e thin rok Got ngak e girdi’; ma cha’ ni be pigpig e thingari pigpig u gelngin nike pi’ Got ngak ni fan e nge urngin ban’en ni be rin’ ma nganog e sorok ngak Got riy u daken Jesus Kristus, ni ir e bayi par ni bay e fla’ab u pa’ ma bay gelngin ndariy n’umngin nap’an! Amen.

1 Korinth 14:19

Machane u lan e mu’ulung rok girdi’en e galesiya e kabfel’ u wun’ug ni nggog lal bugithin ni yira nang fan, ni fan e nggu sukulnag e tin ni bay e girdi’, ko bin ni nggu weliy in i biyu’ bugithin nda nnang fan.

Roma 3:2

Ri ba ga’ fan, u gubin e kanawo’! Bin som’on e Got e pagfan e thin rok ngak piyu Israel.

Acts 7:38

I ir fa’anem ni mu’ulung piyu Israel nga daken bangi ted ma bay rorad; immoy u rom ni yad e pi chitamangidad nge fare engel ni fa’ani welthin ngak u daken e burey ni Sinai; ni weliy e thin rok Got ngak ni nge mang ir e fek e re thin rok Got nem nge pi’ ngodad, ni aram fare thin ni bay e yafos riy.

Mark 9:19

Me fulweg Jesus ngorad ni ga’ar, “Ri der mich Got u wun’med! Uw n’umngin nap’an nthingar gu par romed? Uw n’umngin nap’an ni nggu k’adan’ug romed? Mfeked fachi pagel i yib ngog!”

Filippi 3:1

Me ere n’en ni nggu ning nga tungun e gi babyor ney e nge lungug: Pi walageg, nge pi’ Somol e felfelan’ ngomed. Der chalbag ngay ni nggu sul u daken e thin ni ka’a gu yoloy ko som’on, ya ra ayuwegmed ngu’um pired u pa’ Got.

Isaiah 28:13

Aram fan ni SOMOL e nge sukul nagmed ni tata’reb e yol, nge ta’ab thal e yol, nge murung’agen reb e ban’en nge reb. Ma aram e bayi tun aymed ni gubin yay ni gimed ra yif aymed. Bay um ma’adadgad, ma yibe kolmed ko wup, ma yibe fekmed ngam kalbusgad.

1 Korinth 14:20

Pi walageg ni girdi’en Kristus, dab ku um leamgad ni bod e bitir; ngam boded e pi’in bitir ndar nanged rogon i ngongliy e kireb, machane ngam leamgad nrogon e pi’ilal.

Galatia 4:3

Ma ku aram rogodad ni ud moyed ni gadad e sib ko pi motochiyel nge yalen nge rok e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay, ko ngiyal’ ndawori ilal e michan’ rodad ngak Kristus.

Hebrews 5:11

Bo’or ban’en ni bay ni ngad weliyed u murung’agen e re bugithin ney, machane rib mo’maw’ ni ngan weliy murung’agen ngomed, ni fan e ba sowath ni ngam nanged fan ban’en.

Hebrews 10:32

Ki gimed manang rogomed ko tin ba’aram e rran nike yan nga tomur. Lan e pi rran nem u tomuren nike gal ram’en e tamilang rok Got nga dakenmed, e bo’or ban’en ni mu gafgowgad riy, machane gafgow ni i yib ngomed e de gel ngomed.