Hebrews 5:11 - Bible Ni Thothup

¹¹ Bo’or ban’en ni bay ni ngad weliyed u murung’agen e re bugithin ney, machane rib mo’maw’ ni ngan weliy murung’agen ngomed, ni fan e ba sowath ni ngam nanged fan ban’en.

Hebrews 5:11 Referans Kwoze

Matthew 13:15

Ya lolugen e pi girdi’ ney e bm’urm’ur; ya kar ninged telrad, ma kar moleged owcherad. Ya fa’an mang e n’en ma ke guy lan owcherad ban’en, ma ke yag ni rung’ag telrad ban’en, ma sana ke yag ni nang lanin’rad fan ban’en ma sana ke yag nra pigichealgad ngog, ngug gol nagrad.’ Aray rogon e thin ni yog Got.

2 Peter 3:16

Ireray rogon ni i yog u lan urngin yang e babyor rok ko ngiyal’ ni ba’aram ni i yoloy murung’agen e re bugithin ney. Bay boch ban’en u lan e babyor rok nib mo’maw’ ni ngan nang fan, ni girdi’ ndar nanged fan nge girdi’ ndar muduwgilgad e yad be tunguy fan ngar weliyed, ni bod rogon e n’en ni yad be rin’ nga yu thal e thin ni bay u lan e babyor nib thothup; ni aram e yad e kar girngiyed e gechig nga dakenrad ni aram e bay ni kireb nagrad.

Acts 28:27

Ya laniyan’ e pi girdi’ ney e ke man; ma kar ninged lan telrad, ma kar uchumiyed lan owcherad. Ya fa’an mang e n’en ma ke guy lan owcherad ban’en, ma ke rung’ag lan telrad ban’en, ma ke tamilangan’rad, ma ke yag nra pigichealgad ngog ngug gol nagrad.’ Ara — rogon ni yog Got.”

John 16:12

“Ka bo’or ban’en ni nggu weliy ngomed, machane yugu ra yo’or ngomed e chiney.

John 6:6

I yog Jesus e re bugithin ney ni nge sikengnag Filip; machane bin riyul’ riy e kenang e tin ni nge rin’.)

Luke 24:25

Ma aram me ga’ar Jesus ngorow, “Ri gimew bbalyang, ri gimew ba sowath ni nge mich u wun’mew urngin e tin ke mu’ i yog rok e pi profet!

Mark 8:21

Me fithrad ni ga’ar, “Ere ku dawor mu nanged fan?”

Isaiah 6:10

Me ga’ar ngog, “Mu mur’mur’nag lolugen e pi girdi’ ney, ma ga ning telrad nge owcherad, nge dab ku ra guyed ara rrung’aged ban’en ara ra nanged fan ban’en. Ya ra dangay ma yad ra yib ngog miyad gol.”

1 Kings 10:1

Fare queen nu Sheba e rung’ag feni gilbuguwan Solomon, me milekag nga Jerusalem ni nge fith yu bugithin ngak Solomon nib mo’maw’ e fulweg riy nge nang ko riyul’ e tin ke rung’ag fa danga’.

Hebrews 5:10

me yog Got ni nge par ni ir e Prist ni Th’abi Ga’, ni bod rogon Melkizedek.

Hebrews 5:12

Ke n’uw nap’an ni kam rung’aged e thin rok Got nrayag ni ngam manged boch e tamchib — machane dabisiy ni ngki machibnag be’ ngomed e tin som’on e thin ni yima fil ko thin ni yib rok Got. Susun e ngam ked e ggan nib el, machane dabisiy ni milik e ngam unumed.