Hebrews 4:12 - Bible Ni Thothup

¹² Ya thin rok Got e ba fos ma bay gelngin nma maruwel. Ya kab m’uth ngabangi saydon ni ruw raba’ ma bm’uth. Ya ma yan nge yan i taw nga fithik’ i lanin’dad ko n’en ni gadad be leamnag, nge fithik’ e ul ul nge yil, ma ma pufthinnag e n’en ni yima yim’ ni bochan nge tin ni yima leamnag.

Hebrews 4:12 Referans Kwoze

Jeremiah 23:29

Thin rog e bod ba nifiy, nge ba ama nma bilbilig e war nge par ni nochiyang. I Gag SOMOL e kugog e pi thin ney.

Isaiah 55:11

Ku aram rogon e thin nma yib u l’ugunag, ndabiyag ni nge dabi rin’ e tin nike m’ay i leamnag rog; ya ra rin’ urngin ban’en ni kug l’oeg ni nge rin’.

Efesus 6:17

Mi gimed fek kanawo’en nma thap e girdi’ ngak Got nge mang helmet romed, ma thin rok Got e nge mang saydon nike pi’ fare Kan Nthothup ngomed.

Psalms 119:130

Ra i tamilangan’uy ko machib rom ma ra pi’ e tamilang nge gonop ngak e pi’in ndawor ni sukul nagrad.

1 Peter 1:23

Ya thin rok Got ni bay e yafos riy ma dabi m’ay bi’id e ke pingegmed kan gargelegmed bayay kam manged pifak reb e matam ni dabi yim’ bi’id;

Isaiah 49:2

Me gagiyegnag e thin rog nge bod feni m’uth ba saydon; me yororiyeg nga pa’. Me ngongliyeg ni gu bod ba gan e gat’ing nib m’uth nrayag ni ngan maruwel ngay.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

1 Thessalonika 2:13

Ma ku ba’aray reb i fan ni gubin ngiyal’, ma gamad be pining e magaer ngak Got, bochan e gu feked e thin rok Got i yib ngomed mi gimed rung’ag nge mu’ mi gimed fol riy, ma da mu leam niged ni thin rok e girdi’, ya mu leam niged ni thin rok Got, ni er e bin ni ir, ya ri ir e thin rok. Ya Got e be maruwel u fithik’med e pi’in ke mich Got u wun’med.

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Roma 1:16

Dagur tamra’ ko re Thin ney Ni Bfel’ ni murung’agen Jesus, ya ir gelngin Got ni nge thapeg e girdi’ ngak, ni urngin e pi’in ke mich u wun’rad e re thin ney, ni som’on e ni pi’ ngak piyu Israel, mu kun pi’ ngak e pi nam ni gathi yad piyu Israel.

Psalms 149:6

Ngar tolulgad ngalang ni yad be pining e sorok ngak Got, ni bay e saydon rorad u pa’rad nib m’uth

Revelation 19:15

Me yib ba saydon u lan l’ugun nib m’uth, ni ir e nge maruwel ngay nge gel ngak e pi nam. Bay mang ir e i gagiyeg nagrad nga ba ley i wasey, ma bayi uduy e grape u lan fare n’en nma uduy e grape u lan, ni aram e damumuw rok Got ni Gubin ma Rayag Rok.

Efesus 5:13

Ya ngiyal’ ni yira fek urngin ban’en i yib ko tamilang, e aram e ri ra tamilangan’uy riy;

Luke 8:11

“Ba’aray fan fare fanathin: fapi awoch e aram e thin rok Got.

Psalms 139:2

Ga manang urngin e tin ni gu ma rin’; ra mpar u urel ma ba tamilangan’um u urngin e tin ni gu be leamnag.

John 6:51

I gag fare ggan nma pi’ e yafos, ni ir e yib u tharmiy nga but’. Fa’anra kay be’ e re ggan ney mra par nib fos ndariy n’umngin nap’an. Ma re ggan ni bay gu pi’ ngak e ufin u dowag, ni ir e bay gu pi’ ni bochan e nge yag ni fos e girdi’ nu fayleng.”

Isaiah 11:4

ra pithig e oloboch rok e pi’in gafgow nrogon nib mat’aw me n’ufeg mat’wun e pi’in dariy ban’en nrayag rorad. Yug ra pag lungun min gechignag e pi nam, me yim’ e pi’in kireb.

Psalms 45:3

Pilung ni madangdang, mm’ag e saydon rom nga lukngum; gur e bgilbugwam ma ba sorom.

Revelation 19:21

Ma salthaw rorow e li’rad fare saydon ni fa’ani yib u lan l’ugun fa’anem nike af nga daken fare os; ma urngin e arche’ nra longuyed urngin e tin nrayag ni ngar longuyed ko ufin u dowrad.

Revelation 2:16

Ere mpi’ keru’um ko denen ni ga be rin’! Ya fa’anra danga’ ma dabki n’uw nap’an mu gub ngom mu gu maruwel ko fare saydon ni bay u l’ugunag nggu cham ngak e pi girdi’ nir.

Hebrews 13:7

Um tafinay niged fa pi’inem ni yad e urogned e thin romed, ma yad e rogned e thin rok Got ngomed. Mu tafinay niged rogon ni ur pired nge rogon e yam’ nra ted, mi gimed fol u rogon ni ur pired nib michan’rad ngak Got.

Acts 4:31

Ma fa’anra mu’gad ko meybil, me rur fa gin’en ni kar mu’ulunggad ngay. Ma yad gubin ni yib i suguyrad fare Kan Nthothup miyad tabab i weliy e thin rok Got ngak e girdi’ ndaki yib e marus ngorad.

Acts 2:37

Fa’ani rung’ag fapi girdi’ e re bugithin ney, me ri yib e marus ngorad, me lungurad ngak Peter nge fa tinem e apostel, “Pi walagmad, mang e nggu rin’ed?”

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

Revelation 20:4

Ma aram mu gguy tagil’iy nge pi’in ni kar pired nga daken ni ka ni pi’ mat’awrad ni ngar pufthingad. Ma ku gguy e pi’in nli’rad ngarm’ad ni bochan e ur weliyed fapi thin nib riyul’ ni yib i yog Jesus ngan nang nge fare thin rok Got. Ma dar ted fan ma dar meybilgad ngak fare gamanman ara nga ya’an nni ngongliy ni liyos, fa reb e ntay e pow ko fare gamanman nga daken peri’rad ara rifrif u pa’rad. Ra fosgad mu ur pired rok Kristus ni kar manged pilung ma yad be gagiyeg ni reb e biyu’ e duw.

1 Thessalonika 5:23

I Got nma pi’ e gapas nga lanin’dad e nge ngongliymed ngari mpired ni kam manged girdi’en, me ta’ lanin’med, nge nangan’ romed, nge dowmed nib gilaf nga orel rok urngin e kireb nge yan i mada’ ko chirofen ni bayi sul e Somol rodad i Jesus Kristus riy.

2 Korinth 4:2

Kad paged urngin e ngongol nib mith ni yima tamra’ ngay; darid ngongolgad u fithik’ e sabanban fa reb e gadad be pingeg fan e thin rok Got ngad ban niged e girdi’ ngay. Gadad be weliy e tin nib riyul’ nib tamilang, ma gadad be par u p’eowchen Got ma gadad be guy rogon ni nge guy e girdi’ e ngongol rodad miyad nang u lanin’rad ni aray rogon.

Proverbs 5:4

machane bay i tomur, me pagem ndariy ban’en rom kemus ni mo’oy nge amith.

James 1:18

Mi ir e turguy u wan’ ni nge fakaydad u daken e thin rok nib riyul’, ni bochan e ngad pired ni gadad bm’on u fithik’ urngin e tin ni sunumiy ban’en ni tin ni bay e pogofan rok.

Eklesiastes 12:11

Pi thin ko gonop e bod noch lay i ren ni kan uthum nma fanay e pi’in nma gafaliy e saf ngu’ur gafaliyed e saf rorad ngay, thin ni gonop nikan kunuy e ra par ni rib mmich ni bod bogi ban’en ni kan rrichbiy nga ta’bang. Gubin ni yib rok Got, ni ta’are tagafaliydad ni gadad gubin.

2 Korinth 2:17

Gathi gadad bod pire’ e girdi’ ni yad ma wereg e thin rok Got ni gowa ba chugum nib sobut’ puluwon; machane gadad e Got e ke l’oegdad, aram fan ni gadad be weliy e tin nib riyul’ u p’eowchen nrogon e pi tapigpig rok Kristus.

Psalms 110:2

I SOMOL e bayi ga’nag e gagiyeg ni pilung rom nge wear u Zion i yan nga orel. Be ga’ar, “Gur e bay mu gagiyeg nga daken e pi to’ogor rom.”

1 Korinth 1:24

machane rogon u wan’ e pi’in ke piningrad Got, ni piyu Israel nge pi’in gathi yad piyu Israel, e re morong’ag ney e Kristus, ni ir e aram gelngin Got nge gonop rok Got.

Acts 5:33

Ma fa’ani rung’ag girdi’en fare ulung e re bugithin ney me ri gel e damumuw ngorad, miyad duwgiliy ni ngan thang e pogofan rok fapi apostel.

John 12:48

Cha’ nra dabuyeg ma dabi fol ko thin rok Got ni gu be yog e bay be’ ni ir e bayi turguy e gechig rok. Fare thin ni kug weliy e ir e bayi turguy e gechig rok ko chirofen ni tomur ko rran!

Acts 7:38

I ir fa’anem ni mu’ulung piyu Israel nga daken bangi ted ma bay rorad; immoy u rom ni yad e pi chitamangidad nge fare engel ni fa’ani welthin ngak u daken e burey ni Sinai; ni weliy e thin rok Got ngak ni nge mang ir e fek e re thin rok Got nem nge pi’ ngodad, ni aram fare thin ni bay e yafos riy.

Efesus 5:26

I rin’ e ren’ey ni fan e nge pi’ girdi’en e galesiya nga pa’ Got u daken e thin rok u tomuren nike mu’ i maluknag ko ran ke be’ech,

Hebrews 6:5

kar pir’eged ni bfel’ e thin rok Got, ma kar thamiyed gelngin e bin ni bay yib e tamilang.

Judges 3:16

Ma ke ngongliy Ehud bangi saydon ni fen nruw raba’ ma bm’uth ni gonop’an reb e fit nge l’agruw e inch n’umngin. Me m’ag nga tan e mad rok u ba’ ni mat’aw.