Hebrews 3:2 - Bible Ni Thothup

² Ya i par nib yul’yul’ ngak Got, ni ir e duwgiliy Jesus ni nge mang ir e rin’ e re maruwel ney, ni bod rogon Moses ni i par nib yul’yul’ ko maruwel rok u lan e tabinaw rok Got ni polo’.

Hebrews 3:2 Referans Kwoze

Numbers 12:7

Mi Moses ni tapigpig rog e gathi ara’ rogon; ya kug tay ni ir e ke milfan urngin e girdi’ rog ngak ni er yu Israel.

1 Timothy 3:15

Machane fa’anra gu sowath, ma re gi babyor ney e bay yog ngomed rogon pangidad ni nge par nrogon girdi’en e tabinaw rok Got, ni aram fare galesiya rok fare Got ni be par nib fos, nre galesiya nem e ir e duga’ me ir e be dunubiy fare thin nib riyul’.

Efesus 2:22

Ku errogon gimed ni kan chagiymed ngak Somol nge ngak e tin kabay e girdi’ kan ngongliymed kam ngal’gad nib naun ni ir e ma par Got riy u daken e Kan Nthothup rok.

Hebrews 2:17

Fan e re bugithin ney e nge yib i ngal’ ni bod pi walagen u urngin rarogorad, ni fan e nge yag ni mang e Prist ni Th’abi Ga rorad nma runguyrad ma ba yul’yul’ ko pigpig rok ngak Got ni fan e nge yag ni n’ag Got fan e denen rok e girdi’.

John 17:4

Kug gilnag buguwam u fayleng; ma kug mu’nag e maruwel ni mpi’ ngog ni nggu rin’.

1 Timothy 1:12

Gu ma pining e magaer ngak Kristus Jesus ni ir e Somol rodad, ni ir e ma pi’ gelngig ko maruwel ni gu be tay. Gu ma pining e magaer ngak ni bochan e be finey nrayag ni nge pagan’ ngog, nge bochan e turguyeg ni nggu pigpig ngak,

John 15:10

Fa’an gimed ra fol ko tin kug ning chiylen ngomed, ma gimed ra par ni gimed ba t’uf rog, ni bod rogon ni kug fol ko tin ni ning e Chitamag chiylen ngog gu be par ni ku gub t’uf rok.

John 8:29

Ma en nike l’oegeg ku gub e bay rog; ya dawori pageg nggu par ni go’ gag, ya gubin ngiyal’ ma gu be rin’ e tin nib m’agan’ ngay.”

John 7:18

Ya en ni thin rok e be weliy e be guy rogon ni nge mang ir e yog e girdi’ e sorok ngak. Machane en ni be guy rogon ni nganog e sorok ngak e en ni l’oeg nge yib e ba yul’yul’, ma tin riyul’ e be yog.

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

1 Samuel 12:6

Me ul ul Samuel ngay nge ga’ar, “I SOMOL e ir e turguy Moses nge Aron, me ir e fek pi chitamangimed nga wuru’ yu Egypt.

Exodus 40:16

I Moses e rin’ urngin e tin ni yog SOMOL ni nge rin’.