Hebrews 3:16 - Bible Ni Thothup

¹⁶ Mini’ e rung’ag laman Got me togopluw ngak? Fapi girdi’ ni fekrad Moses nga wuru’ yu Egypt.

Hebrews 3:16 Referans Kwoze

Numbers 14:2

Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!

Numbers 14:30

Gu micheg ni bay mmarod mpired ngay, machane dakuriy bigimed nra yan ngay ya kemus ni Kaleb nge Joshua.

Deuteronomy 1:38

Machane ngam pi’ e athamgil nga laniyan’ e ta’ayuw rom i Joshua ni fare mo’on ni fak Nun, ya ir e ra yan ngalan fare binaw. Ma bayi pow’iy yu Israel ngar tafned fare nam.’

Psalms 78:17

Machane dartalgad ko denen nib togopluw ngak Got, mu daken e ted ni desert e ra togopluwgad riy ngak e en ni Th’abi Tolang.

Numbers 26:65

I yog SOMOL ni yad gubin ni yad ra yim’ u daken e ted, kemus ni Kaleb ni be’ nib pagel ni fak Jefunneh nge Joshua ni be’ nib pagel ni fak Nun e yow ra magey.

Numbers 14:38

Machane Joshua nib mo’on ni fak Nun nge Kaleb nib mo’on ni fak Jefunneh e yow e darm’ow u fithik’ fapi pumo’on npi’rad ni ngar damit niged fare nam.

Numbers 14:24

Machane tapigpig rog i Kaleb e ba thil e birok e leam ma ke par nib yul’yul’ ngog, ere bay gu fek i yan ngalan e re nam nem nike yan i lekag, ma pi’in owchen e bay ra tafned,

Numbers 14:4

Me lungurad, “Ngad dugliyed be’ nge mang ir e i yog e thin rodad ma gadad sul nga Egypt!”

Numbers 14:11

Me ga’ar SOMOL ngak Moses, “Uw n’umngin nap’an ni nge par e pi girdi’ ney ni yad be darifan nigeg? Uw n’umngin nap’an ni ngu’ur pired ndaburad ni nge pagan’rad ngog, ni yugu aram rogon nike pire’ bogi maang’ang ni kug ngongliy u fithik’rad?

Psalms 78:40

Rib yo’or yay nra togopluwgad ngak u lan e ted ni desert; bo’or yay nra kireb niged lanyan’!

Jeremiah 32:29

miyad tay e nifiy ngay. Bay ra orfegned nga but, nib mu’un e naun ngay ni aram faram e gin ni k’aring e girdi’ e damumuw ngog riy ni fa’an u ra urfiyed e incense ngak Baal u daken e naun ma yibe pu’og e wayin ni ngan pi’ ni maligach ngak boch e got.

Jeremiah 44:3

ni bochan e girdi’ riy e i rin’ e kireb nge k’aring e damumuw ngog. U ra pi’ed e maligach ngak yug boch e got mu’ur pigpig gad ko pi got ni dariy bagyad fa bigmed ara reb e pi chitamangimed ni i meybil ngorad.

Jeremiah 44:8

Mangfan ni gimed be k’aring e damumuw ngog ko tayfan ni gimed be tay ko pi liyos nge maligach ngak yug boch e got u roy u lan yu Egypt, ni aram e gin ni kambad mu pired ngay? Ri gimed be rin’ e ran’ey ni bochan e ngam kireb niged gimed, nge gubin e nam nu roy u fayleng mi i moning nagmed me par fithinganmed nike mang ba yaba’?

Jude 1:5

Yigo’ gimed manang urngin e pin’ey, machane gu ba’adag ni nggu puguran ngomed rogon ni ayuweg Somol piyu Israel nge chuwegrad ko nam nu Egypt, machane fa’ani tomur riy me thang e fan rok e pi’in nde mich Got u wun’rad.