Hebrews 3:12 - Bible Ni Thothup

¹² Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.

Hebrews 3:12 Referans Kwoze

Jeremiah 17:5

SOMOL e ga’ar, “Bay gu gechignag e en nra pi’ keru’ ngog kemang girdi’ e ke tay e pagan’ rok nga daken, ni gelngin e girdi’ nra yim’ e bay rok.

Jeremiah 7:24

Machane der folgad ara rtayan’rad ko tin kugog. Miyad thiliyeg ngu’ur rin’ed e tin be yog e gelan’ rorad ngorad nge leam rorad ni kireb, ma aram ma ra piggad ngari gel e kireb rorad.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Jeremiah 18:12

Ma bay ra fulweged ni lungurad, ‘Danga’! Mangfan ni nggu rin’ed ni er rogon? Gamad gubin ni bay gu pi’ed nga daken ngu’ug pired nib gel lanin’mad ma gamad be rin’ e kireb nrogon ni gamad ba’adag.’”

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!

1 Korinth 10:12

En nra finey nike par nike muduwgil e nge ayuw ya ri mul.

Hebrews 10:38

Machane pi’in yad bmat’aw, ni girdi’eg, e bay ra pired nib mich Got u wun’rad miyad fos; machane fa’anra sul bagayad nga wuryal, ma dabki felan’ug ngak.”

Jeremiah 11:8

Machane dar motoyilgad ma dar folgad. Ya ra be’ ma ka be pi’ nga daken feni gelan’ nga feni kireb. Kugog ngorad ni ngar folgad ko fare m’ag, machane dubrad. Ma aram mu gu fek nga dakenrad urngin e gechig nni weliy u lan fare m’ag.”

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Jeremiah 16:12

Machane kireb ni ka mu rin’ed e ke thum’ ngaru’ ko tin i rin’ e pi chitamangimed. Gimed gubin nib gelan’med ma ba kireb e leam romed, ma damur folgad rog.

Hebrews 3:10

Ireram fan ni gu damumuw ko pi girdi’ nem, mug ga’ar, ‘Gubin ngiyal’ ma be yan lanin’rad nga wuru’ e kanawo’, dawor ra nanged rogon ni ngranod ko yu pa’ i kanawo’ ni gu be finey ni ngranod riy.’

Mark 13:33

Mu ayuwgad mi gimed tiyan’med, ya da mu nanged e ngiyal’ nra taw ko re ngiyal’nem.

Matthew 24:4

Me fulweg Jesus ni ga’ar, “Mu ayuwgad ma dab mpaged be’ nge ban nagmed.

Jeremiah 3:17

Nap’an nra taw ko ngiyal’nem, ma bay nog ni yu Jerusalem e ‘Gil’ilungun SOMOL,’ ma urngin e nam e bayi mokun ngaram ni ngar liyorgad ngog. Ni bay dab ku ra ngongliyed e n’en ni be yog lanin’rad ni gelan’ nge gumircha’rad ni kireb ngorad.

Jeremiah 2:13

girdi’ rog e ke ngongliy l’agruw i denen: ka ra pi’ed keru’rad ngog, ni gag fare alublub nib machalbog e ran riy; ma ka ra kired boch e low, ni low nike yaba’al yu yang riy ndabiyag ni nge mit e ran riy.”

Proverbs 1:32

Girdi’ ndawori yo’or ban’en nikar guyed e yad be yim’, ya bochan e yad be siyeg e gonop. Girdi’ ni pinat e yad be yim’, ni bochan e dariy ban’en ni bay fan u wan’rad.

Mark 13:9

“Mu ayuwgad. Ya bay ra koled gimed ngar feked gimed ngalan tafen e pufthin. Ma bay nli’med u tafen e mu’ulung i yan; ma bay ni piningmed nga p’eowchen e pi’in yad be yog e thin nge pi pilung ko nam ni bochag, ni ngam weliyed ngorad fare Thin Ni Bfel’ ni yib rok Got.

Hosea 1:2

Nap’an e som’on ni non SOMOL ngak piyu Israel u l’ugun Hosea, e ga’ar ngak Hosea, “Girdi’ ko re nam ney e dakurir yul’yul’gad ngog ya yad be meybil ngak yugu boch e got ma yad be tay farad. Ere mman ngam la’ay be’ ni bpin nma pi’ ir ni chuway’ nge diyennag e bitir ni fakam.”

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Psalms 18:21

Gu ma fol ko motochiyel rok SOMOL; dawor gu pi’ keru’ug ko Got rog.

BABYOR NI JOB 22:17

Irera’ e pi girdi’ nra pi’ed keru’rad ngak Got miyad leamnag ndariy ban’en nrayag ni rin’ ngorad.

Roma 11:21

Ya fa’anra ke chuweg Got e tin rri papa’ngin e re ke gek’iy nem ni er piyu Israel, ma gimed be finey ndabiyag ni nge chuwegmed?

Luke 21:8

Me ga’ar Jesus, “Mu ayuwgad ndab ni ban nagmed. Ya bo’or e girdi’ ni bay rabad ni yad be fek fithingag nra bagayad ma be ga’ar e ir gag, ma ku bayi lungurad, ‘Fare ngiyal’ i n’em e ke taw ngay!’ Dab manged bagayad.

Mark 13:23

Ere mu ayuwgad! Ya kug weliy urngin ban’en ngomed u m’on ko ngiyal’ ni dawori taw ngay.”

Matthew 16:16

Me fulweg Simon Peter ngak ni ga’ar, “I gur fare Messiah, ni Fak Got gur, ni Got nib fos.”

BABYOR NI JOB 21:14

Pi’in kireb e yad be yog ngak Got ni nge pagrad ngu’ur pired rorad; daburad ni ngar nanged e n’en ni ba’adag Got ni ngar rin’ed u lan e yafos rorad.

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

Isaiah 59:13

Kug togopluwgad ngom, ku gu pi’ed keru’mad ngom, ma da gur leked gur. Gamad be gafgownag boch e girdi’ ku gu paloggad rom. Leam romad e go’ ban, thin romad e go’ malfith.

Kolose 2:8

Mu guyed rogomed ya ri kolmed be’ ngam manged kalbus rok ni be’ ni be maruwel ko gonop rok e girdi’ nge sabanban ndariy rogon ngabang, ni yib ko machib ni sum rok e girdi’ ni yibe fil ngak reb e mfen nge reb, ma ki yib ko pi kan ni yad be gagiyeg u lan e gin’en ni bay urngin ban’en nu lanelang riy nib mu’un e fayleng ngay, ma gathi Kristus e yib rok.

Hebrews 3:1

Pi walageg ni gimed girdi’en Kristus, ni ku errogon gimed nike piningmed Got ni ngambad ngak! Mu leam niged Jesus, ni ir e ke l’oeg Got ke yib ni nge mang fare Prist ni Th’abi Ga’ ko michan’ rodad ni ir e gadad be weliy murung’agen.

Hebrews 3:19

Ere kad guyed nde yag ni ngranod ko fare nam ni ngar toffangad riy ni bochan e de michan’rad ngak.

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.

Hebrews 10:31

Rib gel e gafgow nra tay e pi’in nra gechig nagrad Got, ni Got ni be par nib fos!

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Ezekiel 14:5

Gubin fapi liyos ni kar pingeged yu Israel kar pi’ed keru’rad ngog, machane gu be athapeg ni fulweg rog e ra sulweg lanin’rad ngog.