Hebrews 3:10 - Bible Ni Thothup

¹⁰ Ireram fan ni gu damumuw ko pi girdi’ nem, mug ga’ar, ‘Gubin ngiyal’ ma be yan lanin’rad nga wuru’ e kanawo’, dawor ra nanged rogon ni ngranod ko yu pa’ i kanawo’ ni gu be finey ni ngranod riy.’

Hebrews 3:10 Referans Kwoze

Psalms 95:10

Aningeg i ragag e duw nri gu dabuy e ngongol rok e pi girdi’ nem; i lungug, ‘Ri darir yul’yul’gad! Ya ra siyegged ni ngar rin’ed e tin ni kugog ngorad ni ngar rin’ed.’

Efesus 4:30

Ma dab mu kireb niged laniyan’ fare Kan Nthothup rok Got; ya Kan Nthothup e ireram e pow rok Got nike tay ngomed nike suweymed, ni aram e mich riy ni bay reb e Rran ni bayi taw ngay me ri pithigmed Got rok e denen.

Jeremiah 4:22

I SOMOL e ga’ar, “Girdi’ rog e yad ba ppinat; dar nanged gag. Yad bod e bitir nib balyang; ni de tamilang lanyan’rad. Yad ba salap i ngongliy e n’en nib kireb, machane dar nanged i ngongliy e n’en nib manigil.”

Psalms 78:8

Dab ra boded e pi chitamangirad kakrom, ni bogi girdi’ ni yad ba tatogopluw ma darir folgad, ni de muyluy e pagan’ rorad ngak Got, ma darir pired ni yad ba yul’yul’ ngak.

Psalms 67:2

ya nge nang e fayleng ni polo’ e tin nib magan’um ngay, me nang urngin e pi nam e ayuw ni ga ma pi’!

Hosea 4:12

Yad be de’eriy yungi ren ni nge dag ngorad e tin ni ngar rin’ed! Boch ley i gek’iy e be yog ngorad e tin ni yad ba’adag ni ngar nanged! Kar pi’ed keru’rad ngog; kar pi’ed yad ngak yugu boch e got ni bod be’ ni bpin ni yan ngi i pi’ ir ni chuway’.

Isaiah 63:10

machane miyad togopluw ngak, me kireban’ SOMOL. Ma aram me par nike mang to’ogor rorad me cham ngorad.

Hebrews 3:12

Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.

John 8:45

Gu be weliy e tin riyul’, aram fan nde riyul’ u wun’med e tin ni gu be yog.

Mark 3:5

Me ere i changar Jesus u owcherad i yan nike puwan’, machane ku errogon ir nike kireban’ ngorad nga farad gelan’ nga fithik’ e balyang. Me ga’ar ngak facha’, “Mu k’iyag pa’am.” Me k’iyag pa’, ma aram me manigil pa’ nge sul ngarogon.

Isaiah 28:7

Mus ko pi profet nge pi prist ni yad be balyang ko rrum yad be yan ni yad be thigthig. Kari pire’ e wayin nge rrum ni ka ra unumed be tun ayrad ni ka ra balyanggad. Pi profet e kaygi gel e chingnag rorad ndabiyag ni ngar nanged fan e pin’en ni be piliyeg Got e changar rorad yad be guy, ma pi prist e kaygi gel e chingnag rorad ndabkiyag ni ngar turguyed e n’en ni ngan rin’ ko yu pa’ i oloboch ni ka ni fek i yib ngorad.

Psalms 147:20

De rin’ e ran’ey ni fan ngak yug boch e nam; ni dar nanged e motochiyel rok. Ke sorok SOMOL!

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.

Roma 3:7

Fa’anra sasalap l’ugun rog e be gagiyelnag feni sorok Got ngarogon feni yul’yul’ ko tin nma yog, me ere mangfan ni ku yira gechig nigeg nrogon be’ nib tadenen?

Psalms 78:40

Rib yo’or yay nra togopluwgad ngak u lan e ted ni desert; bo’or yay nra kireb niged lanyan’!

Genesis 6:6

me taganan’ ngay nike sunumegrad ke tayrad nga daken e fayleng. Me par ni kari kolngan’ riy.

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.

Matthew 20:24

Ma fa’ani rung’ag fa ragag nem i gachalpen Jesus murung’agen e ren’ey miyad damumuw ngak fa gali walag.