Hebrews 2:5 - Bible Ni Thothup

⁵ Ya Got e de tay e pi engel ni yad e ngar gagiyeg niged e fayleng nike finey ni nge sunumiy — ni ireram e re fayleng ni gadad be weliy murung’agen.

Hebrews 2:5 Referans Kwoze

2 Peter 3:13

Machane ke yog Got ni bay sum e bin nib be’ech e lanelang nge bin nib be’ech e fayleng, ni aram e tin nib mat’aw e ngongol e bay i par riy, ni ireray e pin’en ni gadad be sonnag.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Hebrews 6:5

kar pir’eged ni bfel’ e thin rok Got, ma kar thamiyed gelngin e bin ni bay yib e tamilang.

Matthew 24:14

Ma re Thin rok Got ney Ni Bfel’ ni murung’agen e gagiyeg rok Got e bay ni machibnag u gubin yang u fayleng ni nge urngin e girdi’ me nang, ma aram mfini taw nga tomuren e fayleng.

Hebrews 13:14

Ya dariy bbinaw u roy u fayleng ni kari par nike mang binaw ngodad; ya gadad be son ni nga fin danod ko fare binaw ni ir e bay fini m’ug ngodad.