Hebrews 2:18 - Bible Ni Thothup

¹⁸ Ere chiney e rayag ni nge ayuweg e pi’in ke yib ngorad e n’en nma weliy e girdi’ nge denen, ya ir ma ki yib ngak e n’en nma weliy e girdi’ nge denen, ma ki un ko gafgow.

Hebrews 2:18 Referans Kwoze

1 Korinth 10:13

Urngin e n’en nma waliy e girdi’ nge denen nike yib ngomed e ireyer e mit i n’en ni ka ma yib ngak e girdi’. Ya Got e dabi thiliyeg e tin ke yog nra rin’ ngodad, ma dabiyag ni nge pagmed nge yib ngomed e pin’en nma waliy e girdi’ nge denen nge pag rogon ndabkiyag romed ni ngam taleged gimed riy; machane re ngiyal’ i n’em e ra pi’ gelngimed ngam k’adedan’med riy, ni aram e ke pi’ e kanawo’ ngomed ni ngambad riy nga wuru’ e pin’em.

Jude 1:24

Ngak e en ni ir e rayag rok ni nge ta’med ndab mmulgad me fekmed i yan ko fla’ab rok ndariy thibngimed ma ri gimed ba felfelan’ —

Hebrews 5:2

Ma rayag rok ni nge saf’og ngak e pi’in ndar nanged e tin nib mat’aw ma yad be oloboch, ni bochan e ir rok ma bme’waer.

Revelation 3:10

Ya kam fol ko thin ni gog ni ngam par ni gab gumaen’, ere bay gu tem ni dabi buch ban’en rom ko re ngiyal’ i n’en ni ba’aram ni bay yib e gafgow riy nga daken e fayleng ni polo’, ni nge sikengnag urngin e girdi’ nu fayleng.

2 Peter 2:9

Ere Somol e manang rogon ni nge ayuweg e pi’in yad ma fol rok ko gafgow nma yib ngorad, nge rogon ni nge tay e pi’in kireb u tan e gechig rok nge yan i mada’ ko Chirofen ni bayi pufthin nagrad Got,

2 Timothy 1:12

ma ireray fan ni kug gafgow. Machane dagur tamra’ ngay, ya gu manang e en ni kug pagan’ug ngak, ma bmuduwgil u wun’ug nrayag rok ni nge tay e tin ke pag fan ngog ni dabi buch ban’en riy nge yan i mada’ ko Rofen ni bay sul riy.

John 10:29

En ni Chitamangiy ni ir e ke pi’rad ngog e dariy be’ ni ba ga’ ngak, ma dariy be’ nrayag ni nge lagrad rok e Chitamag ni ir e be ayuwegrad.

Luke 22:53

Ug moy romed u lan e Tempel ni gubin e rran, ma da mu guyed rogon ni ngam koled gag. Machane re awa ney e gimed nge gelngin e lumor e ke milfan ngomed.”

Filippi 3:21

ni bayi piliyeg dowdad nib me’waer mra yim’ nge bodnag downgin nib galgal ram’en, ni aram e ke maruwel nga gelngin ni ir e nge suwey urngin ban’en u daken.

Luke 22:28

“Urngin e gafgow ni yib ngog ma mpired rog nda mpaged gag;