Hebrews 2:17 - Bible Ni Thothup

¹⁷ Fan e re bugithin ney e nge yib i ngal’ ni bod pi walagen u urngin rarogorad, ni fan e nge yag ni mang e Prist ni Th’abi Ga rorad nma runguyrad ma ba yul’yul’ ko pigpig rok ngak Got ni fan e nge yag ni n’ag Got fan e denen rok e girdi’.

Hebrews 2:17 Referans Kwoze

Hebrews 4:14

Ere ngad chichiiyed pa’dad ko michan’ rodad ni ir e gadad be weliy murung’agen. Ya bay e prist rodad ni fare Prist ni Th’abi Ga’ nike yan ngak Got — ni ir Jesus, ni Fak Got.

Hebrews 2:14

Pi girdi’ nem ni be yog e bitir ngorad e yad e girdi’ nni ngongliyrad ni ufin nge racha’, me yib Jesus i ngal’ nib girdi’ nge bod yad, me yag rarogorad ngak nrarogon e girdi’. I rin’ ni aram rogon ni fan e yam’ ni nge tay e nge kirebnag gelngin e mo’onyan’; ya mo’onyan’ e bay e yam’ u pa’,

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

Roma 5:10

Ud moyed ni gadad e to’ogor rok Got, machane ngongliydad Got kadmanged pi tafager rok u daken e yam’ nike tay Fak. Kad manged pi tafager rok Got e chiney, ere ri bay ud thapgad ngak Got u daken e fos ko yam’ nike tay Jesus!

Hebrews 2:11

I ir e chuweg e denen ko girdi’ nge machalbog nagrad, me ir nge urngin e pi’in ke machalbog nagrad e kar pired nta’reb e Chitamangirad. Aram fan nder tamra’ Jesus ngay ni nge yog ni yad pi walagen.

Daniel 9:24

“Medlip yay e medlip i ragag e duw n’umngin nap’an nike duwgiliy Got ni nge taw ngay me tal e girdi’ ko nam rom nge girdi’ ko fare binaw rom nib thothup ndab kur rin’ed e kireb ma dab kur ngongliyed e denen. Me n’ag Got fan e denen me pi’ e tin nib yal’uw ni bayi par ni dariy n’umngin nap’an, ya tin mu guy ko fa ngiyal’ nni piliyeg e changar rom nge fare yi’iy e nge yib i m’ug nib riyul’ min pi’ fare Tempel nib thothup nga pa’ SOMOL.

Hebrews 3:5

Mi Moses e immoy nib yul’yul’ u lan e tabinaw rok Got ni polo’. Immoy ni ir reb e tapigpig rok Got mi i weliy murung’agen e pin’en ni kabay ngam’on ni bay fini yog Got.

Kolose 1:21

Bay ba ngiyal’ ni um moyed ni gimed bmal’af rok Got ma gimed be taymed ni gimed e pi to’ogor rok ni bochan e tin nib kireb ban’en ni um rin’ed ma gimed be leamnag.

Hebrews 7:28

Fare Motochiyel rok Moses e i turguy e girdi’ ni bogi girdi’ ndar yal’uwgad ngar manged e pi prist nib th’abi tolang; machane thin ni yog Got ni micheg nga fithingan, ni yib nib tomur ko fare Motochiyel rok Moses, e ir e turguy e en ni Fak Got, ni ir e kan ngongliy rogon ni bay i par nib yal’uw ndariy n’umngin nap’an.

Efesus 2:16

Yam’ ni tay Kristus u daken e kuruth e ir e ke chuweg e fanenikan; ma ku re kuruth nem e ir e puthuy e gal raba’ i girdi’ nem nga ta’bang ngar mangew ta’ab girdi’ me fulwegrow ngak Got.

Roma 15:17

Ta’ab girdi’ ni kug tew Kristus Jesus e rayag ni gu felan’ riy ko pigpig ni kug tay ni fan ngak Got.

Levitikus 8:15

Me li’ Moses fare gamanman nge yim’ me fek boch i racha’en nga bugili pa’ nge thiy ko fapi gagey u tabthungen fare altar, ni aram e be ognag ngak SOMOL. Me pu’og e tin ke aw ko fapi racha’ nga enggin fare altar, aram rogon ni machalbognag me pi’ ngak SOMOL.

Hebrews 3:2

Ya i par nib yul’yul’ ngak Got, ni ir e duwgiliy Jesus ni nge mang ir e rin’ e re maruwel ney, ni bod rogon Moses ni i par nib yul’yul’ ko maruwel rok u lan e tabinaw rok Got ni polo’.

Ezekiel 45:20

Ku aray rogon yalen ni ngan rin’ ko bin medlip e rran ko pul, ya nge chey ni denen be’ ni gathi leam rok fa denang nike rin’ ban’en nib kireb min’ag fan rok. Irera’ kanawo’en ni ngu’um ted e Tempel rog nib thothup.

Ezekiel 45:17

Nge mang ba maruwel rok ni ir e nge yagnag e gamanman ni ngan urfiy nib polo’, maligach ni grain, nge maligach ni wayin ni fen ga’ngin fare nam nu Israel ko pi Madnom ko M’ug e Pul, nge Sabbath, nge ku boch e madnom. Ir e nge yagnag e maligach ko denen, maligach ni grain, maligach ni ngan urfiy nib polo’, nge maligach nma gapaseg thilin Got nge girdi’, ni nge chuweg e denen ko girdi’ nu Israel.”

Isaiah 11:5

Bayi gagiyegnag e tirok e girdi’ nrogon nib mat’aw ma ba yal’uw.

2 Kronicles 29:24

Ma aram e fapi prist e ra li’ed fapi kaming miyad pu’og racha’ riy nga daken fare altar nib maligach ni nge chuweg e denen rok e pi girdi’ nem ni gubin, ya keyog fare pilung ni ngan pi’ e maligach ni mo’oruf nge maligach ni fan ko denen ni fen ga’ngin yu Israel.

Levitikus 6:30

Machane fa’anra ni fek yug boch ko fare racha’ i yan nga langgin e Tent ngan fanay ni nge chuweg e denen, ma fare gamanman e thingar dab ni kay; ma dabisiy ni ngan urfiy.

Levitikus 14:18

Me thiy e tin kabay ko fapi gapgep ni bay u lan pa’ nga daken lolgen facha’. Irera’ rogon ni nge bangbengnag be’ ni nge be’ech.

Levitikus 16:16

Ara’ rogon ni nge machalbognag e Gin Th’abi Thothup ni bochan e ke alitnag e denen rok e girdi’ nu Israel. Thangri rin’ e ren’ey ko fare Tent, ni bochan fare Tent e bay u lukngun e gin be par piyu Israel riy u fithik’rad ni dar machalboggad.

Numbers 15:25

Ma fare prist e ra pi’ fapi maligach ni fan ngak piyu Israel ni ngar be’echgad bayay, mra n’ag Got fan e kireb rorad, ya fare oloboch e gathi leam rorad, ma kar feked e maligach ni fan ko denen rorad i yib nib maligach ni ggan ngak SOMOL.

Hebrews 2:16

Ya rib tamilang ni gathi pi engel e be ayuwegrad. Ya ir e be ayuweg e pi’in owchen Abraham.

Hebrews 3:1

Pi walageg ni gimed girdi’en Kristus, ni ku errogon gimed nike piningmed Got ni ngambad ngak! Mu leam niged Jesus, ni ir e ke l’oeg Got ke yib ni nge mang fare Prist ni Th’abi Ga’ ko michan’ rodad ni ir e gadad be weliy murung’agen.

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.

Hebrews 5:1

Urngin e Prist ni Th’abi Ga’ e ra bagayad ma ni mel’eg u fithik’ e girdi’ ngan duwgiliy ni ir e ngi i pigpig ngak Got, ni aram e ir e kemang owcherad ngak. Me tay nga daken e altar e tin ni ngan pi’ ngak Got, nge gamanman ni kan li’ ni aram e maligach ngak Got ni bochan e denen.

Hebrews 5:2

Ma rayag rok ni nge saf’og ngak e pi’in ndar nanged e tin nib mat’aw ma yad be oloboch, ni bochan e ir rok ma bme’waer.

Hebrews 5:5

Ere ku ireray rogon ni Kristus e gathi ir rok e duwgiliy ni ir e nge mang ba Prist ni Th’abi Ga’. Ya Got e yog ngak ni ga’ar, “I gur e Fakag gur; ma daba’ e kug mang Chitamam.”

Hebrews 5:10

me yog Got ni nge par ni ir e Prist ni Th’abi Ga’, ni bod rogon Melkizedek.

Hebrews 6:20

I Jesus e ke yan ngalan e re senggil nem nike m’on rodad, me ir e owchedad ngaram. Ke mang Prist ni Th’abi Ga’ ndariy n’umngin nap’an, ni bod rogon Melkizedek.

Hebrews 8:1

N’en ni gadad be weliy murung’agen e ba’aray: bay fare Prist ni Th’abi Ga’ rodad nike par nga but’ u ba’ ni mat’aw u tagil’ Got ni Pilung ni Th’abi Tolang u tharmiy.

Hebrews 8:3

Urngin e Prist ni Th’abi Ga’ e kan turguyrad ni yad e ngu’ur pi’ed ngak Got e tin ni ngan pi’ ngak Got nge gamanman ni maligach; ere en ni ir e Prist ni Th’abi Ga’ rodad e ku errogon ir nthingari pi’ ban’en.

Hebrews 9:11

Machane Kristus e ke yib ni ir fare Prist ni Th’abi Ga’ ko fa pin’en ni bfel’ nike taw ngaray e chiney. Fare tent ni ir e be pigpig u lan e ka ba ga’ fan, ma ri kab gel feni fel’; gathi girdi’ e ngongliy, ni aram e gathi bang ko re fayleng ney ni sunumiy Got.

Hebrews 10:21

Ere bay e prist rodad nib tolang ni ir e be gagiyegnag e naun rok Got.