Hebrews 2:13 - Bible Ni Thothup

¹³ Miki ga’ar, “I Got e ir e bay ug par nike pagan’ug ngak.” Miki ga’ar, “Gub aray rok fapi bitir ni Got e ke pi’rad ngog.”

Hebrews 2:13 Referans Kwoze

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

1 Korinth 4:15

Ya yugu ra ragag i biyu’ e tamchib ni fonow nagmed ko ngongol romed ko ta’ab girdi’ ni kam ted Kristus, machane ri ta’reb e chitamangimed ni bay. Ya ngongol romed ko ta’ab girdi’ ni kam ted Kristus e kug mang chitamangimed riy ni fan e gag e gu fek i yib ngomed fare Thin Ni Bfel’.

John 10:29

En ni Chitamangiy ni ir e ke pi’rad ngog e dariy be’ ni ba ga’ ngak, ma dariy be’ nrayag ni nge lagrad rok e Chitamag ni ir e be ayuwegrad.

Psalms 91:2

e rayag ni ga’ar ngak, “I gur e manaf rog nge yoror rog! I gur e Got rog; ni gur e bpagan’ug ngom.”

Genesis 48:9

Me ga’ar Josef, “Ireray fa gali pagel ni fakag ni Got e ke pi’ row ngog u roy u Egypt.” Me ga’ar Israel, “Wenig ngom, mu fekrow i yib ngog nggu yibilayrow.”

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

2 Samuel 22:3

Got rog e ir e manaf rog, gu be par rok ndabi buch ban’en rog; ma yoror rog ni bod bangi shield nma fek e salthaw ngu’ur mithgad nga fon ko mael; ma par rog ndabi buch ban’en rog. Ir e ma ayuweg e pogofan rog; ma ayuwegneg ko ngiyal’ nike yib e cham ngog.

Genesis 33:5

Fa’ani sap Esau ni guy fapi ppin nge bitir, me fith ni ga’ar, “Mini’ e pi cha’nir ni kambad?” Me ga’ar Jakob, “Pi cha’ney e bitir nike runguyeg Got ke pi’ ngog.”

Psalms 127:3

Bitir e ba tow’ath nma pi’ SOMOL; yad e bin riyul’ e tow’ath.

Psalms 16:1

Got, mu yoror rog, i gur e pagan’ rog.

Matthew 27:43

Ya ba pagan’ ngak Got ma be yog ni ir Fak Got. Ere mu son gad ngad guyed ko ra yib Got i ayuweg e chiney fa!”

Isaiah 53:10

Be ga’ar SOMOL, “I gag e gu turguy ni nge gafgow; yam’ ni tay e ba maligach ni fan e nggu n’ag fan e denen ko girdi’. Ere bayi guy e pi’in owchen; bayi par nib n’uw nap’an, ma tin kem’ay i leamnag rog e bayi yan i aw nga rogon u daken.