Hebrews 2:10 - Bible Ni Thothup

¹⁰ Got ni ir e sunumiy urngin ban’en ma be ayuweg ni gubin be par ni bfel’ rogon, e rib mat’aw ni muruwliy nge yan Jesus u fithik’ e gafgow nge yan i par ngarogon ni be finey Got, ni fan e nge yag ni fek Jesus pifak Got ni pire’ i yan nge thapegrad ngak Got ngar uned ngak ko fla’ab ni bay rok. Ya Jesus e ir e pow’iyrad ngar thapgad ngak Got.

Hebrews 2:10 Referans Kwoze

Roma 11:36

Ya gubin ban’en me ir e sunumiy, ma gubin ban’en ni ir e yib rok me ir e fan ngak. I Got e ngu’un tayfan ndariy n’umngin nap’an! Amen.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

Hebrews 6:20

I Jesus e ke yan ngalan e re senggil nem nike m’on rodad, me ir e owchedad ngaram. Ke mang Prist ni Th’abi Ga’ ndariy n’umngin nap’an, ni bod rogon Melkizedek.

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

Luke 24:46

me ga’ar ngorad: “Ba’aray e n’en ni kan yoloy: en ni Messiah e thingar ni gafgownag min faseg ko yam’ ko chirofen nra gaman e dalip ngay,

Luke 24:26

Gathi ri dabisiy ni nge gafgow fare Messiah ko pin’ey nge mu’ me yan ko fla’ab rok?”

1 Peter 5:10

Ya bay mu gafgowgad ni dabi n’uw nap’an mi Got ni ir e ke pi’ urngin ban’en ngodad, ni ir e ke piningmed ni ngam ta’ab girdi’gad Jesus Kristus ma ngam uned ko fla’ab rok ndariy n’umngin nap’an, e ir e bayi yal’uwegmed, me ta’med ni gimed bmuduwgil, me gel nagmed me ta’med nga daken e def nib muduwgil.

1 Korinth 8:6

machane gadad e ri ta’reb e Got rodad ni bay, ni ir e Chitamangiy, me ir e sunumiy urngin ban’en, me ir e gadad be par ni fan ngak; ma ta’reb e Somol ni bay, ni aram Jesus Kristus, ni pa’ e sunumiy Got urngin ban’en ngay, me ir e be ta’dad ni gadad ba fos.

Hebrews 7:28

Fare Motochiyel rok Moses e i turguy e girdi’ ni bogi girdi’ ndar yal’uwgad ngar manged e pi prist nib th’abi tolang; machane thin ni yog Got ni micheg nga fithingan, ni yib nib tomur ko fare Motochiyel rok Moses, e ir e turguy e en ni Fak Got, ni ir e kan ngongliy rogon ni bay i par nib yal’uw ndariy n’umngin nap’an.

Efesus 3:10

ni fan e nge taw ko ngiyal’ney mu daken e galesiya e nge nang e pi engel nu tharmiy ni yad ma yog e thin nge pi’in yad ma tay murung’agen ban’en u tharmiy feni gonop Got u urngin ban’en.

Revelation 4:11

“Somol romad ma Got romad! Bay rogom ni nganog e sorok ngom, min tayfam, ma bay rogom ni nge mil suwon urngin ban’en ngom. Ya gur e mu sunumiy urngin ban’en, ma gur e mu leamnag miyad sum ni yad bfos.”

2 Timothy 2:10

ireray fan ni gu be k’adan’ug u urngin ban’en ni bochan e pi’in girdi’en Got ni Got e ke mel’egrad, ni bochan e ku er rogorad ni manga ra uned ko thap ngak Got u daken Kristus Jesus, miyad un ko fla’ab ndariy n’umngin nap’an.

Kolose 3:4

Bin riyul’ e yafos romed e aram Kristus, ma ngiyal’ ni bay sul riy nge yib i m’ug, e ku er rogomed ni bay mu uned ngak ngambad mm’uggad u ta’bang mi gimed un ko fla’ab rok!

Galatia 3:26

Yu daken e michan’ romed ngak Kristus e ir e ke yag ni mmanged pifak Got riy ni gimed gubin, ni aram e kam ta’ab girdi’gad Kristus Jesus.

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

Roma 9:23

Ma ku be finey ni nge dag e fla’ab rok ni ba ga’ nike pu’og nga dakendad e pi’in be runguydad, ni pi arodad nike ngongliy rogorad ni nge yag e fla’ab rok ngorad.

Acts 3:15

Ere kam thanged e pogofan rok e cha’ ni ir e tabolngin e yafos. Machane Got e ke faseg ko yam’ — ni gamad e mich ko re bugithin ney.

Proverbs 16:4

Urngin ban’en ni ngongliy SOMOL e bay e gin nge yani mada’ ngay, ma girdi’ ni kireb e gechig e ra mada’nag.

Revelation 7:9

Ma fa’ani mu’ e biney mu gu sap, mu gguy e girdi’ nike mu’ulung ni pire’ ni pire’ — ndariy be’ nrayag ni nge theegrad! Nra bad u gubin e nam, nge ganong, nge gubin mit e girdi’, ngu gubin e thin, ni kar sak’iygad u p’eowchen tagil’ Got nge fare Fak e Saf, ni karon’ed e mad nib wechwech ni bay yuwan e fal’tir u pa’rad.

1 Peter 5:1

Gu be wenig ngak e pi’in yad ba ilal u fithik’ girdi’en e galesiya romed, ni gag bagayad; ni gag e ug guy nga owcheg e gafgow ni i tay Kristus, ma gu ra un ko re fla’ab ni ba’aram ni bay ni dag. Ere gu be wenig ngomed ni be lungug:

1 Peter 1:12

I Got e dag ngak e pi profet nem ni maruwel ni yad be tay e gathi yad e nge yib fan ngorad, ya gimed, ni aram e ur weliyed murung’agen e tin nib riyul’ ni ir e kam rung’aged e chiney. Pi mol’og ko fare Thin Ni Bfel’ ni yad e ra welthingad u fithik’ gelngin fare Kan Nthothup nni pi’ u tharmiy nge yib e rogned e pi thin ney ngomed. Ireray e tin nib riyul’ e thin ni mus ngak e pi engel ni yad ba’adag ni ngar nanged fan.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

Efesus 2:7

I rin’ e ren’ey ni nge dag ndariy n’umngin nap’an ga’ngin e runguy rok ngodad nge rogon fadad t’uf rok nike dag ngodad rok Kristus Jesus.

2 Korinth 6:18

Ma bay gu mang chitamangimed, ma bay mmanged pifakag ni pumo’on nge ppin. Ara’ rogon e thin ni yog Somol ni Gubin ma Rayag Rok.

2 Korinth 5:18

Urngin e pin’ey e Got e ke ngongliy, ni ir e ud moyed ni gadad e to’ogor rok me pingegdad ngad manged pi tafager rok, ni rin’ u daken Kristus, me pi’ ngodad e maruwel ni ngad guyed rogon e tin kabay e girdi’ ngkur manged pi tafager rok.

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

1 Korinth 2:7

Re gonop ni ir e gu be weliy murung’agen e gonop rok Got nib mith, nde nang e girdi’, ni Got e ke duwgiliy ke tay ni fan ko fla’ab rodad ni ka ngiyal’ ni ba’aram ndawor ni sunumiy e fayleng riy ma kem’ay i turguy rok.

John 19:30

Me dod’oy Jesus e wayin ni bay u fithik’ fa gi worrum me yog ni ga’ar, “Ke libug!” Ma aram me thingeg lolugen nike aw e fan rok.

John 11:52

ni gathi kemus ni go’ yad e fan ngorad, machane ku fan e ngan ta’ab girdi’nag urngin pifak Got ni yad ba wear u fayleng.)

Luke 13:32

Me fulweg Jesus ngorad ni ga’ar, “Mmarod mogned ngak e re fox nir ni gu be tuluf e pi mo’onyan’ rok e girdi’ ma bay ug golnag e girdi’ ko liliy e daba’ nge gabul, ma bin ra gaman e dalip e rran ngay e ra gu mu’nag e maruwel rog.

Luke 2:14

“Ke sorok Got ni bay ko thal nth’abi tolang e tharmiy! Ma nge yib e gapas nga fayleng ngak e pi’in yad bfel’ u wan’ Got!”

Mikah 2:13

I Got e bayi bing e kanawo’ ngorad me fekrad nga wuru’ e re nam ni yad bay riy ni kar kalbus gad. Bay ranod nga wuru’ e garog ko fare binaw nike puf mat’wonrad. Pilung rorad ni aram SOMOL e bayi pow’iyrad nga wuru’ e pi binaw nem.

Hosea 8:10

Ma chiney e nggu kunuyrad ngug gechig nagrad. Dabki n’uw nap’an miyad guleplep u fithik’ e amith ko gafgow nib gel ni bayi tay fare pilung nu Assyria ngorad.

Isaiah 55:4

Gu gagiyegnag nge yog e thin me tay murung’agen e pi nam, mu daken e gu dag ngorad riy gelngig.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”