Hebrews 13:8 - Bible Ni Thothup

⁸ I Jesus Kristus e ka rogon ni fowap, nge daba’, nge chiney i yan ngam’on ndariy n’umngin nap’an.

Hebrews 13:8 Referans Kwoze

Malaki 3:6

“I gag e SOMOL ma ri dab gu thil. Ere gimed e pi’in owchen Jakob e dawor mmalog gad e chiney.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Hebrews 1:12

Ma bay mu bichibichiy ni bod rogon ba ke mad, ma bay nthiliyeg. Mi gur e bay um par ni karrogom, ni yafos rom e dariy e ngiyal’ nra mus.”

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Psalms 90:2

U m’on ndawor mu sunumeg e yochi burey, u m’on ndawor mu sunumeg e fayleng, ni gur ba Got ni urun, ma gur e Got ni dariy n’umngin nap’an.

Psalms 103:17

Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,

Isaiah 41:4

I mini’ e ke gagiyegnag ke yodorom? I mini’ e turguy e n’en ni ngi i rin’ e girdi’ nu fayleng ko tabolingin i yib? I Gag SOMOL e ug moy ko tabolngin, mi Gag SOMOL e gu bay ko tungun.

Psalms 90:4

Bbiyu’ i duw e bod ta’reb e rran u wun’um; ra yan i aw u puluwom ni bod e fowap nike chuw, bod feni ngoch ba awa ko nep’.

Revelation 1:4

Re babyor ney e yib rok John ni nge yan ngak fa medlip i galesiya ni bay ko nug nu Asia: I Got ni ir e bay e chiney, me ir e immoy, me ir e bay yib, nge fa medlip i kan ni bay u m’on ko gin ntagil’ Got e ngu’ur ayuweged gimed ma yad be pi’ e gapas nga lanin’med,

2 Korinth 1:19

Yi Jesus Kristus, ni Fak Got, ni ir e kug machib niged Silas, nge Timothy murung’agen ngomed e gathi be’ ni ir e “Kefel’ ” nge “Danga’.” Gathi errogon, ya ir e “Kefel’ ” rok Got;

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

Genesis 21:33

Me yung Abraham ba ke gek’iy ni tamarisk u lan yu Beersheba, ni aram e gin’en ni i meybil ngak SOMOL riy, ni fare Got ni manemus.

Exodus 3:14

Me ga’ar Got, “I Gag e en ni Gag. Arrogon ni thingar mog ngorad: ‘Fa’anem ni yima pining ni GAG e ir e ke l’ogeg ni nggub ngomed.’

2 Korinth 1:20

ya ir e aram e “Kefel’ ” rok Got ngak urngin ban’en ni yog Got ni bay rin’ ngak e girdi’. Ireray fan nu daken Jesus Kristus e ka dogned e “Amen” rodad riy, ni aram e gadad be tayfan Got.

Jude 1:25

ta’are Got ni ir e thapegdad ngak u daken Jesus Kristus ni ir e Somol rodad, e ir e ngu’un tay fan, me ir e ngan nang ni ir e ba th’abi tolang, me ir e gubin mrayag rok, me ir e be gagiyegnag urngin ban’en ko tabolngin nge chiney i yan ngam’on ndariy n’umngin nap’an. Amen.