Hebrews 13:6 - Bible Ni Thothup

⁶ Ere dab kud tamdaggad ma nge lungudad, “I Somol e ir e be ayuwegneg, ere dab gu tamdag! Mang e rayag ni nge rin’ e girdi’ ngog?”

Hebrews 13:6 Referans Kwoze

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

Psalms 124:8

Ayuw ni be yib ngodad e SOMOL e be yib rok, ni ir e sunumiy e tharmiy nge but’.

Hebrews 4:16

Ere nge dab kud tamdaggad ngad bad nga tagil’ Got, ko gin ni bay e ayuw riy. Ya ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.

Psalms 56:4

Be pagan’ug ngak Got ma da gur tamdag; gu be pining e sorok ngak ko n’en ke micheg. Ere mang e rayag ni nge rin’ ba girdi’ ngog?

Matthew 10:28

Dab mu tamdaggad ngak e pi’in yad ra li’ e dowef ngem’ machane dabiyag ni ngar li’ed lanin’uy ngem’; mu tamdaggad ngak Got, ya ir e rayag ni nge kirebnag dowey nge lanin’uy u fithik’ e nifiy.

Psalms 54:4

Machane Got e ir e ma ayuwegneg. I SOMOL e ir e ma n’ufegeg.

Psalms 33:20

Ke lagan’dad ngak SOMOL; ir e yoror nge ta’ayuw rodad.

Psalms 63:7

ya gur e gubin ngiyal’ ni ga be ayuwegneg. Tagalul’en pom e gu be tang riy u fithik’ e felfelan’.

Psalms 94:17

Fa’an mang e de ayuwegneg SOMOL, ma kug wan ni papey ko fare binaw nib math gulngay riy.

Psalms 40:17

I gag e gub me’waer ndabiyag ni gu ayuwegneg, machane gur Somol e ga be leam nigeg. I gur e ta’ayuw rog ma Got rog, mu gur nag e ayuw rom ngog!

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Efesus 3:12

Taab girdi’ ni kad ted Kristus Jesus ngu daken e michan’ rodad ngak e ir e ke puf rogodad riy ni gadad ra yan nga p’eowchen Got nike pagan’dad.

Deuteronomy 33:29

Israel, rib fel’ wa’atham! Dariy be’ ni bod gur, ni ba nam ni SOMOL e ke ayuweg. I SOMOL e ir e shield rom me ir e saydon rom, ni nge ayuwegnem rok e to’ogor rom me gagiyeg nigem ngam gel ngorad. Pi to’ogor rom e bay ra bad ni yad be wenig ngom ni ngam runguyrad, ma bay mu yot’yot’rad nga but’.

Isaiah 41:14

Be ga’ar SOMOL, “Israel, ri gab achig ma gab me’waer, machane dab mu rus; ya bay gu ayuwegnem. I Gag fare Got nu Israel ni gu ba thothup e bay gu ayuwegnem u pa’ e to’ogor rom.

Psalms 27:9

dab mu mith rog! Dab mu damumuw ngog; dab mu n’ag e tapigpig rom. I gur e um ayuwegneg; dab mu pageg, dab mu n’igeg. I gur Got, ni ta’ayuw rog!

Psalms 146:3

Dabi pagan’med ngak e pi tolang ni bogi girdi’; dariy ba girdi’ nrayag ni ayuwegmed.

Deuteronomy 33:26

Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.

Exodus 18:4

Miki ga’ar Moses, “Fare Got rok e chitmag e, ke ayuwegneg u pa’ fare pilung nu Egypt kug par ndagum’;” ma aram me tunguy Eliezer ko bin kabay e pagel ni fak.)

Hebrews 10:19

Pi walageg ni girdi’en Kristus, kari puf e kanawo’ ngodad ni ngdarod ngalan fa Gin Th’abi Thothup u daken racha’en Jesus ni map’ u kuruth.

1 Samuel 23:17

ni be ga’ar ngak, “Dab mu rus. Chitamag i Saul e dabyag ni nge rin’ ban’en ngom. Ri manang ni gur e cha’ ni bay mmang pilung nu Israel me gag e bay gu par ko re liw nib migid ngom.”

1 Kings 17:8

Me ga’ar SOMOL ngak Elijah,