Hebrews 13:5 - Bible Ni Thothup

⁵ Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”

Hebrews 13:5 Referans Kwoze

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

Joshua 1:5

Joshua, dariy be’ nrayag rok ni nge gel ngom u n’umngin nap’an e yafos rom. Bay gu un ngom ni bod rogon ni ug un ngak Moses. Mar dab gu pagem.

Deuteronomy 31:6

Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed.”

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

1 Kronicles 28:20

Me ga’ar David ni Pilung ngak Solomon ni fak, “Nge pagan’um me muthan’um. Mu tabab ko maruwel ma dab mu pag ban’en nge talegem. I SOMOL ni Got, ni ir e gu ma pigpig ngak e bayi par rom. Dabi pagem, machane ra par rom nge mada’ ko ngiyal’ ni kam mu’ i muruwliy fare Tempel rok.

Psalms 37:25

U gu moy ni ku gub pagel, ma chiney e ku gu pilibthir; ma dawor gguy be’ nib mat’aw nike n’ag SOMOL, ara gguy pifak ni yad be man ggan.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Genesis 28:15

Dab mu pag talin, ni bay ug un ngom ngu’ug yoror rom ko yungi n’en ni ga be yan riy, ma bay gu fulwegnem ko re nam ney. Dab gu pagem nge mada’ ko ngiyal’ ni kug ngongliy urngin e tin kugog ngom ni bay gu rin’.”

Matthew 6:25

“Ireray fan ni be lungug ngomed: dabi magafan’med ko ggan nge garbod ni nge yag ngomed ni fan e ngam pired ni gimed ba fos, fa mad ni fan nga dowmed. Gathi ka ba ga’ fan e pogofan ko ggan? Ma gathi ka ba ga’ fan e dowef ko mad ni yibe yin’?

Psalms 37:28

Ya SOMOL e ba t’uf rok e tin bmat’aw, ma der ma n’ag girdi’en; ma yoror rorad ni dariy n’umngin nap’an’, ma pi’in owchen e girdi’ nib kireb e bay ni tulufrad ngar chuwgad u daken fare but’.

Matthew 6:34

Ere dabi magafan’med nga rogomed gabul; ya ba gaman e tin gabul e magafan’. Dariy fan ni ngku ni puthuy boch e magafan’ ko magafan’ ni be fek e yu rran i yib.

Kolose 3:5

Ere thingar mu li’ed ngem’ e ar’ar nu fayleng ni be maruwel u fithik’ i dowmed, ni aram e darngal, nge puwlag, nge ar’ar nib kireb nma waliy e girdi’ ko denen, nge chogow (ya chogow e bmit e tayfan nge meybil ni yibe tay ngak e liyos nma meybil boch e girdi’ ngay.)

Luke 3:14

Miki fith boch e salthaw ngak ni lungurad, “Ma gamad, mang e nggu rin’ed?” Me ga’ar ngorad, “Dab mu feked e salpiy rok be’ u fithik’ e yargel ma dab um t’ared e thin nga daken e girdi’; nge fel’ u wun’med puluwmed ni yibe pi’ ngomed.”

Ezekiel 33:31

Ere girdi’ rog e bay ra mu’ulunggad ngom ni ngar rung’aged e thin ni ngam weliy ngorad, machane gathi bay rrin’ed e tin kam weliy ngorad ni ngar rin’ed. Ya ka yad ba’adag ni ngu’ur lifithed l’ugunrad ngar thag niged e salpiy.

Psalms 119:36

Mu pi’ chogowen ngog ni nggu fol ko pi motochiyel rom ma gathi nge yo’or ban’en rog.

2 Peter 2:14

Dariy ban’en ni yad ba’adag ni ngar changargad ngay ya kemus ni ppin nib darngal e yad ba’adag ni ngar changargad ngorad; ma ar’ar rorad ko denen e der tal. Ma yad ma waliy e pi’in ni me’waer e leam rorad ngar awgad ko wup rorad. Ma lanin’rad e ke ilal nga fithik’ e chogow. Ma yad be par ni yad bay u tan e gechig rok Got!

1 Timothy 3:3

me ir be’ nder ma balyang ko rrum ma der ma cham, machane be’ nib munguy ma ba’adag e gapas; ma thangri dabi chogownag e salpiy;

Efesus 5:5

Ngar mu nanged e re bugithin ni ba’aray: dariy be’ nib darngal, ara ma puwlag, ara ba chogow nrayag e birok’ e f’oth ngak ko fla’ab u lan suwon Kristus nge Got (ya chogow e bmit e tayfan nge, meybil ngak e liyos).

2 Peter 2:3

Pi tamchib nem ni go’ bogi ban’en e yad ba chogow ni salpiy, ma bay yo’or e salpiy rorad ni puluwrad ko machib ni yad be yog ngomed, ni machib ni yad e sum rorad. Machane En ni nge pufthin nagrad e ke fal’eg rogon ke par, ma En ni nge kireb nagrad e be par ni be od!

Jeremiah 6:13

Gubin e girdi’, ni pi’in fel’ rogon nge pi’in gafgow, ni yad ma guy rogon ni nge yag e salpiy ngorad u fithik’ e sasalap; mus ko profet nge prist ni yad ma bannag e girdi’.

Psalms 10:3

Pi’in kireb e yad ba uf ko pi ar ar rorad ni kireb; pi’in chogow e yad ma yog e thin ni kireb ngak SOMOL miyad pi’ keru’rad ngak.

Exodus 2:21

Me turguy Moses u wan’ ni nge par u rom, ma aram e de n’uw nap’an me pi’ Ruel Zipporah ni fak ngak nge le’engiy.

Efesus 5:3

De mat’aw ni nge un u l’ugunmed e thin ko darngal, ara thin nib golong, ara thin ko chogow, ni bochan e gimed girdi’en Got.

1 Korinth 5:11

N’en ni ir e gu be yog e dab um cheggad ngak be’ ni be yog ni ir reb i walagey ni girdi’en Kristus machane be ngongliy e ngongol ko darngal, ara ba chogow, ara ma tayfan mma meybil ngak e liyos nma meybil boch e girdi’ ngay, ara ma t’ar e thin nga daken e girdi’, ara be’ nib tamu’un rrum, ara ma th’ab e motochiyel. Mus ni ngam par nga but’ ngam un ngak e mit i girdi’ nem ko abich ma dab mu rin’.

Luke 8:14

Ma awoch ni wear nga fithik’ e pan ni bay rachangalen e be yip’ fan e pi’in nrung’aged e thin rok Got; machane bochan e magafan’, nge fel’ rogon nge felfelan’ nu fayleng ni yibe m’oneg ko thin rok Got ko biney e tamilang e sugnag lanin’rad nge thang fapi thin rok Got u lanin’rad, ma aram e de lol wom’ngirad.

Mark 7:22

miyow par be’ ni gathi mabgol rok, me chogow, me rin’ urngin mit e kireb; me sabanban, me puwlag, me awan’, me t’ar e thin nga daken be’, me tolngan’, me balbalyang —

Exodus 20:17

“Dab mu chogownag e naun rok be’, ara le’engin’, ara sib rok, garbaw rok, dongki rok; ara ara tin bay rok.”

Jude 1:11

Kar gafgowgad! Ya kar leked fare pa’ i kanawo’ ni yan Kain riy; kar folgad ko oloboch ni fan ko salpiy, ni bod e n’en ni rin’ Balaam; makan gechig nagrad ni bochan e togopluw ni kar ted ni bod e togopluw ni tay Korah.

1 Korinth 6:10

ara pi’in yad ma iring ban’en u fithik’ e yargel, ara yad ba chogow, ara yad ma balyang ko rrum, ara yad ma t’ar e thin nga daken boch e girdi’, ara yad ma th’ab e motochiyel — dariy bagayad e mit i girdi’ ney nrayag ngorad e gin nsuwon Got.

Roma 1:29

Ke suguyrad urngin mit e tin nde mat’aw, nge tin nib kireb, nge chogow, nge kireb laniyan’; ma yad ba sug ko awan’, ma yad ma thang e pogofan, ma yad ma cham, ma yad ma sasalyeb, ma yad ba’adag ni ngar gafgow niged e girdi’. Ma yad ma dugdugthin,

Joshua 7:21

Gguy ba wuru’ e mad nib n’uw ma rib fel’ ya’an nni ngongliy u Babylonia, nge gonap’an e lal e pawn e silber, nge bang i gol nib pag reb e pawn tomalngin. Margum’ ni bochan mu gu fek. Ga ra pir’eg e pin’ey ni kug k’eyag u lan e tent rog, ni silber e bay nga t’ay e low.”

Genesis 31:5

Me ga’ar ngorow, “Kug guy ni chitamangimew e gathi kargon nib gol ngog ni bod ko som’on; machane Got rok e chitamag e bay ni be un ngog.

Deuteronomy 4:31

I SOMOL ni Got romed e ba Got ko runguy. Dabi n’agmed fa thang owchemed. Ya dabi pag talin fare m’ag ni ngongliy u thilin pi chitamangimed nge ir.

1 Samuel 10:7

Fa’anra yan i yodorom ma ngam rin’ e tin bayi pow’iyem Got ngay ni ngam rin’.

1 Kings 6:13

Bay gu par u fithik’ e girdi’ rog nu Israel u lan e re Tempel ni ga be toy, ma dab gu n’agrad.”

1 Kings 8:57

Mang e yigi par rodad SOMOL ni Got rodad ni bod ni i par rok pi chitamangidad ni kakrom; mang e yigi dabi pagdad ara n’agdad;

Proverbs 23:4

Ngam gonop nge dabi aw parowom i muruwliy ni nge yo’or e salpiy rom.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Matthew 6:19

“Dab mu ulunguyed e fla’ab u roy u fayleng, ya ra kirebnag e ngal nge t’ay mra yib e moro’ro’ nga naun nge iring.

2 Korinth 4:9

pire’ e girdi’ ni be togopluw ngomad, machane dariy ba ngiyal’ ndariy ta’abe’ ni fager romad; ba gel e maad’ad ni yibe tay ngomad yu ngiyal’, machane dawor nthang e fan romad.

Genesis 30:31

Me ga’ar Laban, “Mang e nggu pi’ ni puluwom?” Me fulweg Jakob, “De m’ag u wan’ug ni ngam pi’ puluwog. Ya bay kug ul ul ngay nggu ayweg e gamanman rom ni fa’anra m’ag u wan’um e rebug i thin ni ba’aray: