Hebrews 13:4 - Bible Ni Thothup

⁴ Mabgol e urngin e girdi’ ni nge tayfan, ma pumo’on nge ppin ni kar uned ko mabgol e thingari bagayad mi i par nib yul’yul’ ngak bagayad. Ya ra gechignag Got e pi arorad ni be ngongliy e ngongol ko darngal nge pi’in yad be par e girdi’ ni gathi mabgol rorad.

Hebrews 13:4 Referans Kwoze

Genesis 2:24

Irera’ fan ni be’ nib mo’on e ma pag e chitamngin nge chitiningin nge yan i cheag ngak le’engin, ngar pirew ni kar ta’ab girdi’gow.

Galatia 5:19

Tin nib kireb ni yima ar’arnag e rib gagiyel; ya ma dag ir ko ngongol ni darngal, nge ngongol ni golong, nge ngongol ni puwlag;

Galatia 5:21

ma yad ba chogow, ma yad be balyang ko rrum, ma yad be ngongliy e mur ni yibe wagagey u fithik’, ma yad be rin’ boch ban’en ni bod e tiney. Ere gu be ta’chiylen ngomed e chiney ni bod ni kug rin’ kafram ni be lungug: pi aromed ni be rin’ e pin’ey e dabiyag ni ngar manged girdi’en e gin nsuwon Got.

1 Korinth 6:9

Ri gimed manang ni pi’in nib kireb e dabiyag ni ngar manged girdi’en e gin nsuwon Got. Dab mu ban niged gimed: ya girdi’ nma ngongliy e ngongol ko darngal, ara yad ma tayfan ma yad ma meybil ko liyos nma meybil boch e girdi’ ngay, ara yad ma par e pi’in gathi mabgol rorad, ara yad e pumo’on nma darngalnag e pumo’on,

Efesus 5:5

Ngar mu nanged e re bugithin ni ba’aray: dariy be’ nib darngal, ara ma puwlag, ara ba chogow nrayag e birok’ e f’oth ngak ko fla’ab u lan suwon Kristus nge Got (ya chogow e bmit e tayfan nge, meybil ngak e liyos).

1 Timothy 3:12

Be’ ni ngi i ayuweg e galesiya e thangri par ni ta’reb e bpin rok, ma nge yag ni gagiyegnag e bitir rok nge girdi’en e tabinaw rok ni bfel’ rogon.

1 Timothy 3:4

ma thangri yag rok ni gagiyegnag girdi’en e tabinaw rok ni bfel’ rogon, me guy rogon e bitir rok ngar folgad rok miyad tayfan.

1 Korinth 7:38

Ya re mo’on nra le’ay e re pin ni kanog ni ngar mabgolgow e bfel’ e n’en nike rin’, machane cha’ nde le’ay e re pin ni kanog ni ngar mabgolgow e kabfel’ e n’en nike rin’.

Genesis 2:21

Me gagiyegnag SOMOL ni Got fare mo’on ngari mol, ma nap’an ni be mol me fek reb e yumiyaw rok fare mo’on me ning e ufin ngay.

Revelation 22:15

Machane pi’in ni bay ra pired u wuru’ e re binaw nem e pi’in yad ma puwlag nge pi’in yad ma pig, nge pi’in yad ma ngongliy e ngongol ko darngal, nge pi’in ni kar thanged e pogofan ko girdi’, nge pi’in yad be tayfan ma yad be meybil ngak e liyos nma meybil boch e girdi’ ngay, nge pi’in yad be lifith l’ugunrad ko thin ni yad be yog nge ngongol ni yad be rin’.

Titus 1:6

en ni ir reb e pi’ilal ko galesiya e dabisiy ni be’ nib yal’uw; ma dabisiy ni ri ta’reb e bpin rok, ma pifak e dabisiy nib mich Kristus u wun’rad ma de kireb thirad ko yanyan ni yad be tay ara reb e darir folgad.

1 Timothy 5:14

Ere kabfel’ u wun’ug ni pi’in ke yim’ figirngirad ma dawor ra pilibthirgad e ngar uned ko mabgol, ngar fakyed e bitir, mu ur ayuweged e tabinaw rorad, ngad guyed rogon ni dabi yib tapgin ni nge yog e pi’in nto’ogor rodad ni gadad ba kireb,

1 Timothy 4:3

Mit i girdi’ nem e yad ma machibnag nib kireb ni ngan mabgol, ara ni kay bmit e ggan. Machane Got e sunumiy e pi ggan nem ni nge kay e pi’in ke mich Got u wun’rad ma kar nanged e tin nib riyul’, ma ngar pininged e magaer riy ngak Got nge mu’ miyad kay.

2 Korinth 5:10

Ya gadad gubin ma ri gadad ra yan nga p’eowchen Kristus nge mang ir e duwgiliy e n’en ni nge be’ min rin’ ngak, ni fan e nge be’ min pi’ ngak e n’en ni bay rogon ni ngan pi’ ngak, ni be yan u rogon e tin ni i rin’ ni bfel’ ara kireb u nap’an ni immoy u lan e dowef rok ko biney e tamilang.

1 Korinth 9:5

Gur dariy mat’wug nrayag ni gu rin’ e tin be rin’ e tin kabay e apostel, nge fapi pumo’on ni walagen Somol, nge Peter, ni aram e nggu fek be’ ni le’engig ni girdi’en Kristus ngi i un ngog i yan ko milekag?

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

1 Timothy 3:2

En ni be tay murung’agen girdi’en e galesiya e thangri yan i aw ni be’ ni bfel’ thin nge pangin; thangri par ni ta’reb e bpin rok, ma ba gonop, mrayag ni nge t’ar laniyan’, ma bfel’ e ngongol rok; ma thangri m’agan’ ngay ni nge t’ufeg e milekag ni karbad nga tabinaw rok; ma thangri yag rok ni nge machib;

Isaiah 8:3

Me ba ngiyal’ nga tomuren ma gamow par le’engig. Me diyen me gargel ni bochi pagel. Me ga’ar SOMOL ngog, “Mu tunguy fithingan ni ‘Fek Chugom u Fithik’ e Yargal nib Machreg.’

2 Kings 22:14

Me yan Hilkiah, nge Shafan, nge Ahikam, nge Achbor, nge Asayah ni ngar guyed Huldah, ni be’ ni bpin nib profet nma par ko gin ni ka fin ni uneg ko binaw nu Jerusalem. (Ma pumo’on rok e Shallum, nib mo’on ni fak Tikvah nib mo’on ni fak Harhas, mi Shallum e bmil fan e mad ko tempel ngak.) Miyad weliy fare bugithin ngak Huldah,

Hebrews 12:16

Mu ayuweged gimed nge dariy be’ u fithik’med ni nge pig nge ngongliy e ngongol ko darngal fa reb e de pag ir ngak Got nge mang Got e i gagiyegnag ni bod ni rin’ Esau, ni bochan ta’ab yay e abich me chuway’ nga mat’wun ni bay rok ni bochan e ir e bin nganni’ e bitir.

Levitikus 18:20

Dab mu pirew le’engin yug reb e pumo’on; ya ga ra ta’ay.

Deuteronomy 22:22

“Fa’an yira pir’eg be’ nib mo’on ni yow be par le’engin yug reb e pumo’on, ma yow l’agruw ni yira thang e pogofan rorow. Irera’ kanawo’en mi gimed chuweg e mitney e kireb u fithik’med.

1 Korinth 6:18

Mu guyed rogon nge dab mu ngongliyed e ngongol ko darngal. Tin kabay e denen nra ngongliy be’ e dariy ban’en nra rin’ nga downgin; machane cha’ nra ngongliy e ngongol ko darngal e ke denen nib togopluw ko birok’ e dowef.

1 Thessalonika 4:6

Dariy be’ nib mo’on ni nge ngongliy e kireb ngak be’ ni walagen ni girdi’en Kristus ara kirebnag mat’wun fa’anem ko re bugithin ney. Ma kugogned e re bugithin ney ngomed kafram, ma ri gamad be ta’chiylen ngomed nri ra gechignag Somol e pi’in yad be rin’ e pi kireb ney.

Levitikus 15:18

Ra par be’ nib pumo’on nge be’ nib bpin ngar mu’ gow ma yow l’agruw ni yow ra maluk, miyow par ni yow ba ta’ay nge mada’ ko blayal’.

BABYOR NI JOB 31:12

Ra bod e nifiy nu infiyerno nra longuy gubin ban’en rog nge m’ay.