Hebrews 13:21 - Bible Ni Thothup

²¹ I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

Hebrews 13:21 Referans Kwoze

Filippi 2:13

ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.

2 Thessalonika 2:17

me ir e nge suguy lanin’med ko athamgil me gel nagmed ngu’um rin’ed ma gimed be yog urngin e tin ni bfel’.

Filippi 4:13

Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

2 Timothy 4:18

Mi Somol e bayi chuwegeg u fithik’ urngin e gafgow, me thapegeg nga tharmiy ko gin nsuwon. Me ir e nganog e sorok ngak ndariy n’umngin nap’an! Amen.

Filippi 1:11

Me par pangimed nriyul’ ni bfel’, ni kemus ni go’ Jesus Kristus e rayag ni nge muruwliy u fithik’ i lanin’med me yagnag ngomed, ni fan e nge gilnag buguwan Got me yin’ e sorok ngak Got.

2 Korinth 9:8

Mi Got e rayag rok ni nge pi’ ngomed e tin ni nge yag ngomed nge pag urngin, ni fan e gubin ngiyal’ ma bay romed urngin e tin ni nge yag ngomed, nike pag urngin ni fan ko tin ni bfel’ e ngongol.

1 Peter 4:2

Ere chiney i yan ngam’on e thingari par pangimed u n’umngin nap’an e yafos romed u roy u fayleng ni Got e be gagiyegnag nrogon ni be finey, ma gathi tin nma yim’ e girdi’ ni bochan nde mat’aw u wan’ Got e ir e nge gagiyegnag pangimed.

Hebrews 10:36

Ya thingari gum’an’med, ni fan e nge yag ni mu ngongliyed e tin nib m’agan’ Got ngay me yag ngomed e tin keyog nra pi’ ngomed.

1 Thessalonika 5:23

I Got nma pi’ e gapas nga lanin’dad e nge ngongliymed ngari mpired ni kam manged girdi’en, me ta’ lanin’med, nge nangan’ romed, nge dowmed nib gilaf nga orel rok urngin e kireb nge yan i mada’ ko chirofen ni bayi sul e Somol rodad i Jesus Kristus riy.

Jude 1:25

ta’are Got ni ir e thapegdad ngak u daken Jesus Kristus ni ir e Somol rodad, e ir e ngu’un tay fan, me ir e ngan nang ni ir e ba th’abi tolang, me ir e gubin mrayag rok, me ir e be gagiyegnag urngin ban’en ko tabolngin nge chiney i yan ngam’on ndariy n’umngin nap’an. Amen.

1 John 2:17

Re fayleng ney nge urngin ban’en ni bay riy ni be yim’ e girdi’ ni bochan e bayi m’ay; machane en nra rin’ e tin nib m’agan’ Got ngay e ra par nib fos ndariy n’umngin nap’an.

1 Timothy 1:17

Fare Pilung ni bay i par ndariy n’umngin nap’an, ma dabi yim’ bi’id ma dab ni guy nga owchey, ma kemus ni ir e ta’are Got ni bay, e ir e ngi i liyor e girdi’ ngak me ir e nganog e sorok ngak ndariy n’umngin nap’an! Amen.

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Revelation 5:9

Miyad yin’ ba tang nib be’ech ni ga’ar: “I gur e bay rogom ni ngam fek fare gi babyor ni kan bachiy ngam guchthuy fapi hang riy. Ya nli’em nga mum’, ma racha’em ni map’ u kuruth e ir e mu chuw’iy e girdi’ ngay ni ngar manged girdi’en Got, ni girdi’ u urngin e ganong, nge thin, nge gubin mit e girdi’, nge nam.

1 John 3:22

Demturug e n’en ni gadad ra ning ngak mma pi’ ngodad, ni bochan e gadad be fol ko tin keyog ngodad ma gadad be rin’ e tin nib m’agan’ ngay.

Hebrews 13:16

Dab mpaged talin ni ngam rin’ed e tin ni bfel’ ni nge bigimed mi i ayuweg bigimed, ya ireray e pi maligach nib m’agan’ Got ngay.

1 Timothy 6:16

ni kemus ni go ir e dabi yim’; mma par ko tamilang ndariy be’ nrayag ni nge chugur ngay. Dariy be’ ni ka’a guy, ma dariy be’ nrayag ni guy, me ir e ngu’un tayfan ma bay i par gelngin ndariy n’umngin nap’an! Amen.

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

1 Thessalonika 3:13

Fa’anra um pired ni aray rogomed mra pi’ Got gelingmed, ngam machalboggad mi gimed thothup u p’eowchen e Got rodad nge Chitamngidad ko ngiyal’ nra sul e Somol rodad i Jesus riy nike un urngin e girdi’ rok ngak.

Kolose 4:12

I Epafras, ni gimed nga baraba’ me ir reb e tapigpig rok Kristus Jesus e be ga’ar e nge felan’ Got ngomed. Gubin ngiyal’ nri ma pi’ e meybil romed, nma wenig nagmed ngak Got ni nge ayuwegmed ngam pired ni gimed bmuduwgil me ilal e leam romed nrogon girdi’en Kristus, ma kari muduwgilan’med, ma gimed be rin’ e tin nib m’agan’ Got ngay.

Kolose 3:17

Ere urngin ban’en ni ngu’um rin’ed ara gimed be yog ma ngam rin’ed u daken fithingan Somol Jesus, ma gimed be pining e magaer u daken ngak Got ni Chitamangiy.

Filippi 4:18

Urngin e tin ni mpi’ed nge yib ngog e ke thap ngog — ma ke gaman ke pag urngin! Ke fek Epafroditus i yib ngog urngin e tow’ath rog ni mpi’ed ngak, ni aram e kefel’ rogog u urngin e tin ug gafgow riy. Pi tow’ath ney e bod e n’en ni bfel’ bon ni yima pi’ ngak Got ni ba maligach ni ba’adag Got ma bfel’ u wan’.

Efesus 2:18

Gadad urngin, ni piyu Israel nge pi’in gathi yad piyu Israel, e rayag nu daken Kristus e nge ayuwegdad fare Kan Nthothup riy ngdarod nga p’eowchen e en ni Chitamangiy.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Psalms 138:8

Bay mu rin’ urngin e tin kam micheg; SOMOL, tuf’eg rom e ba manemus. Mmu’nag e maruwel ni kam tababnag.

Revelation 5:13

Mu gu rung’ag laman urngin e tin nib fos ni sunumiy Got, ntin ni bay u tharmiy, ngu fayleng, nge tin ni bay ko bin nu ar e fayleng, ngu fithik’ e day, ni urngin e tin ni sunumiy Got ni bay u gubin yang nib mu’un e fayleng ngay ni yad be tang ni be lungurad: “En nike par nga tagil’, nge fare Fak e Saf, e nganog e sorok ngorow, min tay farow min gilnag buguwrow ma bay ur pirew nib mil suwon urngin ban’en ngorow ndariy n’umngin nap’an!”

Revelation 4:6

Mu m’on u tagil’ Got e bay bangi ban’en riy ni bod bangi day ni gowa ni ngongliy ko thirek, nib machalbog ra’en nra yan e changar u fithik’ ni bod e krystal. Bay aningeg i ban’en ni yad ba fos ni kayigi fach lan owcherad u m’on rorad ngu keru’rad ni kar liyeged tagil’ Got.

Hebrews 12:23

Kambad ko fare mu’ulung ni yibe felfelan’ riy, ni mu’ulung rok e tin ni nganni’ u pifak Got, ni kan yoloy fithingrad u tharmiy. Kambad ngak Got, ni ir e tapufthin rok e girdi’ ni urngin, nge pi’in yad bmat’aw ni kan ngong liyrad kar fel’gad ni yad bay u tharmiy.

1 Thessalonika 4:3

Ba’aray e n’en ni ba’adag Got ni ngam rin’ed: ba’adag ni ngam pired ni gimed ba thothup ma damur darngalgad ara par be’ nge be’ ni gathi mabgol rok.

Kolose 3:20

Pi’in bitir, thingar um folgad ko thin rok e gallibthir romed ni gubin ngiyal’ nrogon girdi’en Kristus, ya ireray e n’en ni ba’adag Got.

Filippi 2:11

ma yad gubin ni bay rogned u fithik’ e girdi’ ni Jesus Kristus e ir e Somol, minog e sorok riy ngak Got ni Chitamangiy.

Galatia 1:5

I Got e ngu’un tayfan ndariy n’umngin nap’an! Amen.

Roma 11:36

Ya gubin ban’en me ir e sunumiy, ma gubin ban’en ni ir e yib rok me ir e fan ngak. I Got e ngu’un tayfan ndariy n’umngin nap’an! Amen.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.

Roma 16:27

I Got nri ta’reb, ni kemus ni ir e ba gonop e ngan tayfan u daken Jesus Kristus ndariy n’umngin nap’an! Amen.

John 17:23

ni gu bay u fithik’rad ma ga bay u fithik’ag nge yag ni ngar pired ni kar ta’rebgad, nge yag ni nang e girdi’ nu fayleng ni gur e kam l’oegeg ku gub ma yad ba t’uf rom ni bod rogon ni gub t’uf rom.

John 7:17

En nib m’agan’ ngay ni nge rin’ e tin ni ba’adag Got e ra nang ko tin ni gu be machibnag e yib rok Got, ara gu be weliy ni gag e thin rog.

Matthew 21:31

Ere mini’ rok fa gal i nem e rin’ e tin ni ba’adag e chitamngin?” Miyad fulweg ngak ni lungurad, “Fa bin ba ilal.” Me ga’ar Jesus ngorad, “Ba’aray ban’en ni nggog ngomed ni nge lungug, pi’in ntamukun tax nge pi’in ni ppin ni yad ma chuway’ ngorad e yad be un ko gagiyeg rok Got ni kar m’onod romed.

Matthew 7:21

“Gathi gubin e girdi’ nma piningeg nma lungurad ‘Somol, Somol,’ e yad ra yan nga gil’ilungun Got u tharmiy, ya kemus ni pi’in yad ma yan nga laniyan’ e Chitamag nu tharmiy.

Matthew 12:50

Ya en nra rin’ e tin nib m’agan’ e Chitamag nu tharmiy ngay e ir e walageg ni pumo’on, ma walageg ni ppin, ma chitinag.”

2 Kronicles 30:12

Ma ku errogon Got ni be maruwel u lan yu Judah me ta’rebnag laniyan’ e girdi’ nge yag nra dugliyed u wan’rad ni ngar folgad ko tin nib m’agan’ ngay ni aram e ngar folgad ko tin keyog fare pilung nge pi tolang ko salthaw rok.

2 Timothy 3:17

ya en ni be pigpig ngak Got e nge par nike bung rogon nrayag ni nge rin’ urngin mit e ngongol ni bfel’.

Hebrews 12:28

Ere ngad pininged e magaer ngak Got u lanin’dad ni fan e ke yag ngodad e gagiyeg rok Got ndabiyag ni nge rur. Ere ngad pininged e magaer ngak Got ma gadad liyor nge meybil ngak u fithik’ e tayfan nge mudugdag nrogon kanawo’en nra m’agan’ ngay;