Hebrews 13:12 - Bible Ni Thothup

¹² Ireray fan ni ki yim’ Jesus u wuru’ e garog ko fare binaw, ni fan e nge maluknag e girdi’ nga racha’en nge chuw e denen rorad ngar be’echgad.

Hebrews 13:12 Referans Kwoze

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

Acts 7:58

Miyad girengiy i yan nga wuru’ e binaw miyad malangnag u rom. Ma fa pi’in nra welthingad nib togopluw ngak Stefen u lan tafen e mu’ulung e ra pi’ed e thal ni wuru’ e mad rorad ngak be’ nib mo’on ni kab pagel ni Saul fithingan ni ngi i guy.

Efesus 5:26

I rin’ e ren’ey ni fan e nge pi’ girdi’en e galesiya nga pa’ Got u daken e thin rok u tomuren nike mu’ i maluknag ko ran ke be’ech,

Numbers 15:36

Ma aram me fek piyu Israel ni yad gubin facha’ nga wuru’ e gin ni yad ma par riy ngar malang niged nge yim’, ni bod nike yog SOMOL.

Levitikus 24:23

Ere yog Moses e pin’ey ngak fapi girdi’ nu Israel; ma aram e ra feked fare mo’on ni i yog e thin nib togopluw ngak SOMOL nga wuru’ fa gin nma par yu Israel riy, ngar paged e malang ngak. I rin’ yu Israel e n’en ni yog SOMOL ngak Moses ni ngar rin’ed.

Hebrews 10:29

Ere ra yan i di’in e en ni be darifannag e en ni Fak Got ni be dag ko ngongol rok ndariyfan u wan’ e racha’ ko m’ag rok Got ni ir e machalbognag fa’anem, ni en ni ir e ke tagannag laniyan’ fare Kan Nthothup nma ayuwegdad? Mu tafinay niged feni gel e gechig ni bay tapgin ni ngan pi’ ngak!

John 17:19

Nggu pi’eg ngom ni bochrad, ni fan e ngkur manged girdi’em.

Joshua 7:24

Me Joshua nge urngin e girdi’ nu Israel e ra koled Akan, nge fapi silber, nge fare wuru’ e mad, nge fare gi gol, nib muun pifak Akan ni pumo’on nge ppin ngay, nge garbaw nge gamanman ni dongki, nge saf, nge tent rok, nge urngin e chugum rok; mra feked urngin e pin’ey i yan ko fare Loway ko Wagagey fithingan.

Hebrews 2:11

I ir e chuweg e denen ko girdi’ nge machalbog nagrad, me ir nge urngin e pi’in ke machalbog nagrad e kar pired nta’reb e Chitamangirad. Aram fan nder tamra’ Jesus ngay ni nge yog ni yad pi walagen.

John 19:34

Machane me rugoy bagayad fapi salthaw e sarey rok nga p’eyon Jesus, ma ka chingiyal’ nem me map’ e racha’ nge ran riy nga but’. (

Luke 4:29

Miyad sak’iy ngar girngiyed Jesus i yan nga wuru’ e binaw, miyad fek i yan nga p’ebugul e re burey ni ba’aram ni ir e bay e binaw rorad riy ni ngron’ed u taban bangi war nib tolang nga but’.

Hebrews 10:10

Bochan e rin’ Kristus e tin ni ba’adag Got ni nge rin’, ma aram fan ni gadad gubin ni kan chuweg e denen rodad kad be’echgad ni bochan fare maligach ni pi’ ni aram downgin, nri ta’ab yay ma aram e kemus.

Revelation 14:20

Ma fapi grape e yibe uduy u lan e n’en ni yima uduy e grape riy ni bay u wuru’ fare binaw, me yib e racha’ u lan fare n’en ni yima uduy e grape riy nga but’ nlul’ ni l’agruw mir’ay e mayel n’umngin ma gonap’an lal e fit tom’arngin.