Hebrews 12:7 - Bible Ni Thothup

⁷ Mu athamgiliyed e gafgow nike yib ngomed ni bod rogon e gechig nma pi’ e chitamangiy; ya gafgow romed e be dag ni be tay Got ni gimed pifak. Gur bay reb e bitir nde gechignag e chitamngin bi’id?

Hebrews 12:7 Referans Kwoze

Proverbs 19:18

Mu fanownag pifakam ko ngiyal’ nikyad bitir ni yad be fil ban’en. Ma fa’anra dab mu rin’, me gur e kam aywegrad ni ngar kireb nagedyad.

Deuteronomy 8:5

Thingar mu nanged u lanin’med ni SOMOL ni Got romed e ma yal’uweg mma gechignag pifak nri bod e pi matam nge matin ni yad ma gechignag pifakrad.

Proverbs 29:15

Fanow nge dumow e bfel’ ko bitir. Ma fa’anra fare tir e tin ba’adag e be rin’, mra tamra’nag e chitiningin.

Proverbs 13:24

Fa’anra dab mu gechignag fakam, ma de t’uf rom. Fa’anra bt’uf rom, ma ga ra yal’uweg.

Proverbs 29:17

Mu llowan’nag fakam mrayag ni mu par ni gubin ngiyal’ ni ga ba uf ngak. Ma dabi rin’ ban’en ni nge k’aring e tamra’ ngom.

2 Samuel 7:14

Bay gu par ni gag e chitamngin, me par ni ir fakag. Ra ngongliy e kireb, mu gu gechignag ni bod ba matam ni gechignag be’ nib mo’on ni fak.

Proverbs 22:15

Gubin e bitir ni yad bbalyang, ma yad ba wagagey, machane yira toyrad ni yibe llowan’ nagrad ni bfel’ rogon miyad ra fil riy rogon ni ngi i par pangirad ni bfel’.

1 Samuel 3:13

Kugog ngak ni bay gu gechignag e tabinaw rok ndariy n’umngin nap’an ni bochan e fa gali pagel ni fak e karognew e thin nib kireb nib togopluw ngog. Manang Eli ni yow be rin’ e pin’ey, machane de talegrow.

1 Samuel 2:34

Ma rofen nra yim’ fa gali pumo’on ni fakam ni Hofni nge Finehas, e aram e bay mu nang ni tin kugog ngom e bay i yib i m’ug nib riyul’.

1 Samuel 2:29

Ere mangfan ni gimed be chogownag e pi maligach nge pin’en ni yibe pi’ ngog ni gag e gog ni nga ni pi’? Eli, mangfan ni kam m’oneg fa gal pumo’on ni fakam rog kam pagrow kar sugsuggow ko yu ngin nth’abi fel’ ko pi maligach ni be pi’ e girdi’ rog ngog?

Acts 14:22

Miyow ayuweg e pi’in ke mich Jesus u wun’rad ngar pi’ew e athamgil nga lanin’rad ni ngu’ur pired ni yad ba yul’yul’ ko en ni ir e ke mich u wun’rad. Miyow fil ngorad ni lungurow, “Thingar darod u fithik’ bo’or e gafgow ma gadad yan ko gin nsuwon Got.”

1 Korinth 11:32

Machane be gechig nagdad Somol ni fan e nge dabi unegdad ngak e girdi’ nu fayleng nge gechig nagdad.