Hebrews 12:22 - Bible Ni Thothup

²² Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Hebrews 12:22 Referans Kwoze

Filippi 3:20

Machane gadad e gadad girdi’en yu tharmiy, ni ka yugu da pired ni gadad be sonnag e en ni ir e thapegdad ngak Got ni nge yib u tharmiy nga but’; ni aram Somol ni Jesus Kristus,

Galatia 4:26

Machane bin bay u tharmiy e Jerusalem e gathi ir reb e sib, me ir e chitiningdad.

Revelation 14:1

Me ere fa’an gu sap ma bay fare Fak e Saf nib sak’iy nga daken e burey ni Zion; ni yad ra’ay nge aningeg i ragag nge aningeg i biyu’ e girdi’ ni bay fithingan rorad nge fithingan e Chitamngin ni kan yoloy nga peri’rad.

Psalms 48:2

Zion e fare burey rok Got nib tolang ma ba gamog, ni fare binaw rok ba pilung nib ga’ nma pi’ e felfelan’ nga ga’ngin yang u fayleng.

Revelation 21:2

Mu gguy fare Binaw nib Thothup, ni aram fa bin nib be’ech e Jerusalem ni be yib u tharmiy nga but’ nike yib rok Got, nike fal’eg rogon ni bod be’ ni bpin ni nge mabgol nike yin’ e mad rok ni bfel’ ni nge yan ngar mada’gow e pumo’on rok.

Isaiah 51:11

Pi’in mu lagrad ko gafgow e bay ra tawgad nga Jerusalem u fithik’ e felfelan’, yad be tang ma yad be garusnag e felfelan’. Bay ra pired ni yad ba felfelan’ ndariy n’umngin nap’an, ni ka ra pufgad ni urun ko kirban’ nge gafgowan’.

Revelation 22:19

Ma fa’anra chuweg be’ ban’en ko fapi thin ni be weliy e re ke babyor ney ni tin ni bay fini m’ug ban’en, ma ra chuweg Got rok e birok’ e f’oth u wom’ngin fare ke gek’iy ko yafos, nge f’oth rok ko fare Binaw nib Thothup ni fa’ani kan weliy murung’agen u lan e re ke babyor ney.”

Revelation 3:12

En nra gel nde pag ir ko kireb e ra gu tay ni ir reb e duga’ u lan e Tempel rok e Got rog, ma dabki chuw riy bi’id. Ma bay gu yoloy fithingan e Got rog nga daken, nge fithingan fare binaw rok e Got rog, ni fa bin nib be’ech e Jerusalem ni bay yib rok e Got rog u tharmiy nga but’. Ma bay ku gu yoloy fithingag nib be’ech nga daken.

Hebrews 13:14

Ya dariy bbinaw u roy u fayleng ni kari par nike mang binaw ngodad; ya gadad be son ni nga fin danod ko fare binaw ni ir e bay fini m’ug ngodad.

Hebrews 11:10

Ya Abraham e i sonnag fare binaw ni Got e ke gonopiy ya’an ke toy, ni fare binaw ni bay e def riy u but’ ni dabi chuw bi’id.

Joel 2:32

Machane urngin e pi’in yad ra wenig ngak SOMOL ni nge ayuwegrad e yad ra fos. Ni bod nike yog SOMOL ni ga’ar, ’Boch e girdi’ u daken e burey ni Zion nge yu yang u Jerusalem e bay ra thaygad. Pi’in kugu mel’egrad e yad ra fos.’ ’

Hosea 1:10

Piyu Israel e bay ra yo’orgad ngar boded e yan’ u maday, ndabiyag i the’eg ara ni foleg. Chiney e be ga’ar Got ngorad, “Gathi gimed girdi’eg,” machane bayib reb e rran ni bayi ga’ar ngorad, “Gimed pifak fare Got ni be par nib fos!”

Daniel 7:10

ni be yib ba yil’ i daramram riy. Ma pire’ ni pire’ e biyu’ e girdi’ ni yad bay u rom ni ngar pigpiggad ngak, ma ra’ay e million e karbad ra sak’iygad nga p’eowchen. Me tabab fare puf oloboch min pithig yu ke babyor.

Isaiah 60:14

Pifak e pi’in ur gafgow niged gur e bay rabad Ra siro’gad ngom ngar ted fam. Urngin e pi’in ni ur darifan niged gur e bay ra parawgad u to’oben rifrifen em. Bay rogned fithingam ni fare ‘Binaw rok SOMOL,’ ‘Zion, ni fare Binaw rok fare Got nib Thothup nu Israel.’

Isaiah 59:20

Me ga’ar SOMOL ngak e girdi’ rok, “Bay gub nga Jerusalem nggu yoror romed mu gu ayweg e pi’aromed nike pi’ keru’ ko denen rok.

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

2 Kings 19:4

Fare pilung nu Assyria e ke l’oeg pilungen e salthaw rok ni nge darifannag Got ni be par nib fos. I SOMOL ni Got rom e mang e yigi rung’ag e pi thin ni kireb nem me gechignag e pi’in ni karogned. Ere mmeybil ni fan ngak e girdi’ rodad ni ka yad ba fos.”

Revelation 21:10

Me ying fare Kan Nthothup ngog, me fekeg fare engel nga daken p’ebugul bburey nrib tolang. Me dag ngog yu Jerusalem, ni fare Binaw nib Thothup ni be yib u lan e tharmiy nga but’ nike yib rok Got,

Revelation 7:2

Mu gguy yugu reb e engel nike yib ngalang u lan e ngek nike fek fare hang rok fare Got ni be par nib fos. Me non ni ba ga’ laman ngak fa aningeg i engel ni fa’ani ke pi’ Got gelngirad ni ngar tagan niged e binaw nge day.

Jude 1:14

I Enok e ir e man e bin medlip e mfen ngak ko girdi’ ni yib rok Adam, kab kakrom me yi’iynag murung’agrad ni gaar, “Mu sapgad! I Somol e bay yib nike un bo’or e biyu’ e engel rok nib thothup ngak,

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Isaiah 51:16

Gu fileth lanelang mu gu ayliy deaf ko fayleng; gu be ga’ar ngak Jerusalem, ‘Gimed e girdi’ rog! Kug pi’ ngomed e thin rog, ma gu ma yororiy pa’ag ngomed.’”

Psalms 87:3

Binaw rok Got, mu telim ko pin’en ni bfel’ nike yog ni murung’agem nike ga’ar:

Psalms 84:2

Kari gum’ ni bochan ni ngub ngaram! Kari gum’ ni bochan ni ngu’un ngalan e yoror rok SOMOL. Polo i gag ni gu be tangnag e felfelan’ ngak fare Got ni be par ni bafos.

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Deuteronomy 33:2

I SOMOL e yib ko burey ni Sinai; I for ngalang u daken yu Edom ni bod e yal’, me gal ram’en ko burey ni Paran nga daken e tirok e girdi’. Yib ni ragag biyu’ e engel nike un ngak, ma bay ba nifiy ni be daramram rok,

Deuteronomy 5:26

Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?

Hebrews 10:31

Rib gel e gafgow nra tay e pi’in nra gechig nagrad Got, ni Got ni be par nib fos!

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.

Hebrews 3:12

Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Roma 11:26

Aray rogon ni bayi thap yu Israel ni polo’ ngak Got, ni bod ni be yog e babyor nib thothup ni be ga’ar: “En nma thapeg e girdi’ ngak Got e bayi yib u Zion, ma bayi chuweg urngin e wok nge tafinay nib kireb rok e pi’in yad owchen Jakob.

Roma 9:26

Ma gin’en ni lunguy ngorad riy, ‘Gathi gimed e girdi’ rog,’ e ireram e gin ni bay ni piningrad riy ni yad pifak Got ni be par nib fos.”

Matthew 5:35

ara fayleng, ya ir e ma gifeg Got e rifrif u ay ngay; ara Jerusalem, ya binaw rok fare Pilung ni ir e th’abi tolang.

Isaiah 14:32

Bu uw rogon ni ngad fulwegned e falweg ko pi mal’og nike yib ngodad u Filistia? Bay dogned ngorad ni SOMOL e ir e ngongliy rogon yu Zion ma girdi’ rok ni yad be gafgow e bay ra pir’eged e ayuw u rom.

Psalms 68:17

Ma yib Somol u Sinai nge yan ngalan fa gin nib thothup, nike un ngak yu biyu’ i chariot rok.

Matthew 16:16

Me fulweg Simon Peter ngak ni ga’ar, “I gur fare Messiah, ni Fak Got gur, ni Got nib fos.”

Psalms 42:2

Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?

Isaiah 24:23

Pul e bayi lumor ra’en, me math ra’en e yal’, ni bochan e SOMOL ni Gubin ma Rayag Rok e bayi pilung. Bayi gagiyeg u lan yu Jerusalem u daken e Burey ni Zion, ma pi tayugang’ ko girdi’ e bay ra guyed feni maluplup’.

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

Jeremiah 17:25

Ma aram e pi pilung rorad nge pifak e pilung e bay rabad ngalan e garog nu Jerusalem ni bay fare gelngin e pilung rorad ni immoy rok David. Ra’un e girdi’ nu Judah nge yu Jerusalem ngorad, yad ra yan u lan e chariot nge daken e pi os, ma fare binaw nu Jerusalem e bay i par ni urngin ngiyal’ nike suguy e girdi’.

Efesus 2:19

Ere gimed e pi’in gathi gimed piyu Israel e gathi kigimed girdi’en yugu boch e nam ara bogni’ nda nnang owcherad; ya chiney e kam manged boch e girdi’ rok Got, ni kam manged girdi’en e tabinaw rok Got!

2 Timothy 4:18

Mi Somol e bayi chuwegeg u fithik’ urngin e gafgow, me thapegeg nga tharmiy ko gin nsuwon. Me ir e nganog e sorok ngak ndariy n’umngin nap’an! Amen.

Hebrews 11:16

Machane reb e nam ni kabfel’ e ir e yad be nameg, ni aram e fare nam ni tharmiy. Ma aram e de tamra’ Got ni ngrogned ni ir e Got rorad, ni fan e ke ngongliy rogon bbinaw ni taferad.