Hebrews 12:18 - Bible Ni Thothup

¹⁸ Gathi kambad nga ban’en nrayag ni ngam mathgad ngay ni bod rogon piyu Israel nrabad ko burey ni Sinai ni bay e daramram riy, lumor nge rumug, nifeng nrib gel,

Hebrews 12:18 Referans Kwoze

Deuteronomy 4:11

“Ngu’um weliyed ngorad rogon nim marod mu sak’iygad nga enggin e burey. Ma be gak’ fare burey ni be yan e daramram riy u fithik’ e ath nib dib’ag ma ba talumor nge yan i tun ngalang.

Exodus 24:17

Ma piyu Israel e yad be guy maluplupen SOMOL ni bod ba nifiy ni be daramram u daken p’ebugul e re burey nem.

Exodus 20:18

Fa’ani rung’ag piyu Israel lingan e dirra’ nge laman e yabul ni be thow ni ba ga’ laman, miyad guy e uluch ni be matmat nge re burey nem ni be gabulbul e ath riy, mu ur da’da’gad ko marus miyad sak’iy u urel riy.

2 Timothy 1:7

Ya Kan Nthothup nike pi’ Got ngodad e dar ma ngongliydad ni ngad rusgad; machane Kan Nthothup rok e ma pi’ gelngidad, mma fal’egdad nge t’uf Got rodad nge girdi’, mma pi’ gelngidad nge yag nda t’ared lanin’dad.

2 Korinth 3:9

Fa’anra ba galgal ram’en e ren’em ni ban’en ni leamnag Got ni nge turguy e gechig rok e girdi’, me ere kab gel feni galgal ram’en e ren’en ni leamnag Got ni ir e nge mat’awnag e girdi’ ngak Got!

Roma 6:14

Ya denen e thangri dabki par ni ir e be gagiyeg nagmed; ya damur pired u tan e motochiyel, ya gimed be par u tan e runguy rok Got.

Roma 8:15

Ya fare Kan Nthothup nike pi’ Got ngomed e der ma taymed ni gimed e sib ko denen ngu’um pired ni gimed be rus; ya re Kan Nthothup nem e ma ngongliymed ngam manged pifak Got, ma gelngin e Kan Nthothup e gadad ma non riy ngak Got nma lungudad, “Chitamag! Chitamag!”

Deuteronomy 5:5

Ngiyal’nem e gu ba sak’iy u thilmed nge SOMOL ni nggog ngomed e tin keyog, ya gimed be rus ko fare nifiy ere dam uned nga daken fare burey. “Me ga’ar SOMOL,

2 Korinth 3:7

Fare Motochiyel e ni yoloy nni ker nga daken ruw raba’ i malang ni tafel, ma ram’en Got e yib i m’ug ko ngiyal’ nni pi’ e re Motochiyel nem riy. Yugu aram rogon ni ki m’ay nge da ku ni guy, machane ram’en ni gal owchen Moses e rib gel ndakiyag ni nge changar piyu Israel ngak. Fa’anra re Motochiyel nem ni maruwel rok e nge fek e yam’ i yib, e yib nib cheag ram’en Got ngay,