Hebrews 12:14 - Bible Ni Thothup

¹⁴ Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

Hebrews 12:14 Referans Kwoze

2 Korinth 7:1

Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

1 Thessalonika 4:7

Ya Got e de piningdad ni ngu’ud pired ni gadad be darngal, ya ngu’ud pired ni gadad ba thothup.

1 Peter 3:11

Ma thingari pi’ keru’ ko tin nib kireb nge rin’ e tin ni bfel’; thingari sap’ay e gapas u polo’ i leam rok.

Roma 12:18

Mu rin’ed urngin e tin nrayag romed ngam pired ni ba aw e gapas u thilmed nge urngin e girdi’.

Roma 14:19

Ere gubin ngiyal’ ma thingar ud nameged e pin’en nma fek e gapas i yib, nge pin’en nma gel nagdad.

Proverbs 16:7

Nap’an ga ra fel’ u wan’ SOMOL, ma rayag ni ngam pingeg e pi to’ogor rom ngar manged fager rom.

1 Thessalonika 3:13

Fa’anra um pired ni aray rogomed mra pi’ Got gelingmed, ngam machalboggad mi gimed thothup u p’eowchen e Got rodad nge Chitamngidad ko ngiyal’ nra sul e Somol rodad i Jesus riy nike un urngin e girdi’ rok ngak.

Roma 6:22

Machane chiney e kan chuwegmed u tan pa’ e denen kam manged sib rok Got; ma wenegan nike yib ngomed e kari mpi’ed gimed nga pa’, ma tomuren e biney, e yafos ndariy n’umngin nap’an e bay yag ngomed.

Psalms 34:14

Mpi’ed keru’med ko kireb ngam rin’ed e tin ni bfel’; mu nameged e gapas u polo’ i gum’ircha’med.

3 John 1:11

Fager rog ni gab t’uf rog, dab mu folwok ko tin nib kireb, machane ngam folwok ko tin ni bfel’. En nma rin’ e tin ni bfel’ e ir reb i girdi’en Got; ma en nma rin’ e kireb e dawori guy Got.

Efesus 5:5

Ngar mu nanged e re bugithin ni ba’aray: dariy be’ nib darngal, ara ma puwlag, ara ba chogow nrayag e birok’ e f’oth ngak ko fla’ab u lan suwon Kristus nge Got (ya chogow e bmit e tayfan nge, meybil ngak e liyos).

Isaiah 51:1

I SOMOL e be ga’ar, “Motoyil ngog, gur e en ga ba’adag ni ngam thap, i gur e en ga be man ayuw ngog. Mu leamnag fare war ni mub riy ni ir e ni thirfem riy ngan ngongliyem.

Hebrews 12:10

Pi chitamangidad ni girdi’ e yad ma gechig nagdad nib ngoch nap’an nrogon nib mat’aw u wun’rad. Machane Got e be gechig nagdad ni fan ngodad, ya ngad thothupgad ni bod ir.

1 Timothy 6:11

Machane gur, e gur be’ ni girdi’en Got, ere mpar u orel ko pin’ey ni urngin ndab mu’un ngay. Mu athamgiliy e tin nib mat’aw, nge tin ni bfel’ u p’eowchen Got, ma ga par nib mich Got u wun’um, ma ba t’uf Got rom nge girdi’, mu um par ni gab k’adan’, ma gab sumunguy.

Proverbs 15:1

Fulweg ku be’ nib sumunguy e ma chuweg e damumuw, ma fulweg u fithik’ e thin nib gel e ma k’aring e damumuw.

1 Peter 3:13

I mini’ e ra rin’ e kireb ngomed ni fa’anra gimed be athamgiliy ni ngam ngongliyed e tin ni bfel’?

Mark 9:50

“Sol e bfel’. Machane fa’anra chuw e buday riy, ma mang e ga ra rin’ ngay miki sul e buday nga fithik’ bayay? “Thingar um pired ni bay e sol u fithik’med, mu um pired ni bfel’ thilmed.”

Psalms 120:6

Kay gi n’uw nap’an ni ku gu par rok e girdi’ ndaburad e gapas!

2 Peter 3:11

Fa’anra urngin ban’en ma bay ni kirebnag ni aray rogon, me ere mit i mang girdi’ e susun e ngam boded? Pangimed e nge par nib thothup ma kam pi’ed gimed nga pa’ Got,

1 Korinth 1:10

Gu be wenig ngomed, pi walageg, ni Jesus Kristus ni ir e Somol rodad e ke pi’ mat’wug ni be lungug: nge ta’reban’med ni gimed gubin ko tin gimed be weliy, ma aram e dabiyag ni ngam yo’or raba’gad; mi gimed par ni gimed ba ta’reb ma ta’ab pa’ lanin’med ma ta’a ban’en e gimed be nameg.

Proverbs 17:14

Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.

Luke 1:75

ma gadad be par ni gadad ba thothup ma gadad bmat’aw u p’eowchen, ni urngin e rran u nap’an e yafos rodad.

2 Timothy 2:22

Mu tem u orel ko tin nma ar’arnag e pi’in pagel, ma ga nameg e tin nib mat’aw, mu um athamgiliy ngu’um par nib mich Kristus u wun’um, ma ba t’uf Got rom nge girdi’, ma ba gapas lanin’um ngam un ngak e pi’in yad ma wenig ngak Somol u fithik’ e leam nib machalbog ni nge ayuwegrad Somol.

1 Thessalonika 5:15

Mu um guyed rogon ni dabi fulweg be’ taban e kireb ngak be’, ma gubin ngiyal’ ni ngu’um guyed rogon ni nge bigimed mi i rin’ e tin ni bfel’ ngak bigimed nge ngak urngin e girdi’.

Psalms 133:1

Rib fel’ ma ba manigil, ni ngi i par e girdi’ rok Got u ta’bang nib ta’reb lungrad!

Psalms 94:15

Tin nib mat’aw e yira pir’eg bayay u lan tafen e puf oloboch; ma gubin e pi’in bmat’aw ma yad ra tedyad ngay.

Psalms 38:20

Pi’in yad ma fulweg puluwon e fel’ ni kireb e yad be togopluw ngog ni bochan e gu be guy rogon ni nggu fel’.

BABYOR NI JOB 19:26

Yugu ra longuy e liliy e ren’en ndowag ney nge mogothgoth, ma ri gu ra guy Got ni ku gu bay u lan e re dogur ney.

BABYOR NI JOB 33:26

ma nap’an e ra meybil, me fulweg Got taban e meybil rok; bay i liyor ngak Got u fithik’ e felfelan’; me ayliy Got urngin ban’en u puluwon nge fel’ bayay.

Genesis 32:30

Me ga’ar Jakob, “Kug guy Got nga owcheg, ma ku gub fas”; ma aram me tunguy fithingan e gin’em ni Peniel.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.

Filippi 3:12

Dagur yog nike yag ngog e ren’ey, ara kug taw ko n’en ni yibe nameg. Ku gu be yan ni gu be guy rogon ni nge yag ngog ni fan e ke milfag ngak Kristus Jesus.

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

1 Korinth 13:12

N’en ni gadad be guy e chiney e bod ban’en ni gadad be guy nga thirek ni kab mathmath ya’an; machane bay fin da guyed nga owchedad. N’en ni gu manang e chiney e kemus ni bochi yang; machane ri bayi polo’ nge yan i par ni bod rogon feni tamilangan’ Got rog.

Galatia 3:21

Gur fan e re bugithin ney e aram e ke togopluw fare Motochiyel ko tin ni yog Got ni bayi rin’? Aram e danga’! Ya fa’an mang e ke pi’ Got ba motochiyel ni ir e rayag ni nge pi’ e yafos ngak e girdi’, me ere rayag ni nge mat’aw e girdi’ ngak Got u daken e re Motochiyel nem.

Hebrews 9:28

Ere aram rogon ni Kristus e ku ni pi’ ni maligach nri ta’ab yay ni nge chuweg e denen rok bo’or e girdi’. Ma bayi yib i m’ug ko yay ni nge man e l’agruw yay ngay, ni gathi fan ko denen, machane bochan e nge thapeg ngak Got e pi’in yad be sonnag.

Judges 11:14

Miki l’oeg Jefthah e pi tamal’og ngar sulod ngak fare pilung nu Ammon