Hebrews 12:12 - Bible Ni Thothup

¹² Mpuged pa’med nib m’ay gelngin ngalang, mi gimed gelnag bugun aymed nib me’waer!

Hebrews 12:12 Referans Kwoze

Isaiah 35:3

Mu pi’ gelngin e pi pa’ef ndakuriy gelngin, nge pi bug ni be da’da’ nike me’waer.

Hebrews 12:3

Mu tafinay niged gelngin e gafgow ni tay, nge rogon ni k’adan’, nge gelngin e fanenikan ni tay e pi’in ntadenen ngak! Ere dabi mulan’med ngam paged gimed.

1 Thessalonika 5:14

Gamad be wenig ngomed, pi walagmad ni girdi’en Kristus, ni ngam nonod ngak e pi’in yad bmalmal ndarir ngongliyed ban’en ngar paged e binem e pa’, mi gimed pi’ e athamgil ngak e pi’in yad be rus, mi gimed ayuweg e pi’in yad mme’waer, mu um pired nib gum’an’med rok urngin e girdi’.

Ezekiel 21:7

Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.

Hebrews 12:5

Mogned, kam paged talin fapi thin ni bay u lan e babyor nib thothup nma pi’ e athamgil nga lanin’uy ni fa’ani be non Got ngomed pifak? Ni be ga’ar, “Fakag, mu tiyan’um ko ngiyal’ nike gechig nigem Somol riy, ma dabi mulan’um ko ngiyal’ nra puwan’ ngom.

Ezekiel 7:17

Yad gubin ni bayi ma’ gelngin pa’rad, ma bugunrad e bayi da’da’.

Nahum 2:10

Nineveh e ke mogothgoth, dakuriy be’ riy, kann’ag! Ke ranran e pi gum’ircha’ ni marus; ke dada’ e bug u ey, dakriy gelingiy; ke ol owchey.

Daniel 5:6

Me pig owchen ngabang nike yib e marus ngak nib gel ngi i chachafin bugun.

Psalms 109:24

Ke m’ay gelngin bugug ni bochan e uyngol; kug par ni go’ bayach nge yil.

Zefaniah 3:16

Arme nge taw ko fa ngiyal’ ni bay ra ga’ar gad ngak yu Jerusalem, “Binaw nu Zion, dab mu rus! Dab mu pag pa’am nge ul nga but’!