Hebrews 11:6 - Bible Ni Thothup

⁶ Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

Hebrews 11:6 Referans Kwoze

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

Luke 12:31

Ere gagiyeg rok Got e ir e ngam m’oneged u wun’med, ma aram me pi’ e pin’ey ngomed.”

Psalms 119:10

Gu be gay rogon ni nggu pigpig ngom u polo’ i lanin’ug; mu aywegeg nge dab gu pi’ keru’ug ko tin kamog ni ngan rin’.

Hebrews 7:25

Ere chiney nge gubin ngiyal’ e rayag rok ni nge thapeg ngak Got e pi’in yad ra yib ngak Got u daken, ni bochan e bay i par nib fos ni dariy n’umngin nap’an, ngi i wenignagrad ngak Got.

Roma 10:14

Machane ra di’in miyad non ngak ni fa’anra dawori michan’rad ngak? Mra di’in me michan’rad ni fa’anra dawor rrung’aged e thin rok? Mra di’in miyad rung’ag ni fa’anra danir machibnag e thin rok?

Hebrews 3:12

Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

2 Peter 1:5

Ireray fan ni ngam athamgiliyed ngam puthuyed pangimed ni bfel’ ngarogon nike michan’med ngak Kristus; mi gimed puthuy e gonop nga pangimed ni bfel’;

Hebrews 4:6

Fapi cha’ ni yad e som’on nrung’aged e Thin Ni Bfel’ ni yib rok Got e da ranod ngak Got ngar uned ngak ko toffan ni bochan e de michan’rad ko thin rok Got. Machane bay yugu boch e girdi’ nrayag ni ngranod ngak Got ngar uned ngak ko toffan.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

2 Peter 3:14

Pi tafager rog, n’umngin nap’an ni gimed be par ni gimed be sonnag e re Rran nem e ngu’um athamgiliyed ngam pired ni gimed bmachalbog ma dariy thibngimed u p’eowchen Got ma ngam pired nib aw e gapas u thilmed Got.

Numbers 14:11

Me ga’ar SOMOL ngak Moses, “Uw n’umngin nap’an ni nge par e pi girdi’ ney ni yad be darifan nigeg? Uw n’umngin nap’an ni ngu’ur pired ndaburad ni nge pagan’rad ngog, ni yugu aram rogon nike pire’ bogi maang’ang ni kug ngongliy u fithik’rad?

John 8:24

Aram fan ni fa’an kugog ngomed ni bay mm’ad u fithik’ e denen romed. Bay mm’ad u fithik’ e denen romed ni fa’anra dabi mich u wun’med ni ‘Gag E En Ni Gag’.”

2 Peter 1:10

Ere pi walageg ni girdi’en Kristus, mu guyed rogon ngam athamgilgad nge yib fan e pong nike tay Got ngomed, nge rogon nike mel’egmed ngu’um pired riy; fa’an gimed ra rin’ ni aray rogon ma ri dabiyag ni ngam thaygad.

Hebrews 7:19

Ya Motochiyel rok Moses e dabiyag ni nge fal’eg ban’en ngari fel’. Ma chiney e kan pi’ ban’en ngodad ni kab gel e fel’ riy ni ir e ke l’agan’dad ngay, ni ir e ra chugurnagdad ngak Got.

Psalms 78:32

Yug aray rogon urngin e pin’ey ma fapi girdi’ e dartalgad ko denen; dariyfan e pi maang’ang ya de pagan’rad ngak.

Hebrews 4:2

Ya kad rung’aged fare Thin Ni Bfel’ ni yib rok Got, ni bod rogon ni rung’ag fapi cha’nem. Rrung’aged e thin rok Got ma de fel’ rogorad ko re thin nem, ya fa’an rrung’aged ma da i michan’rad ngay.

Proverbs 11:18

Girdi’ ni kireb e gathi rmayag ban’en ngorad, machane fa’anra ga ra rin’ e n’en ni bfel’, ma rib mich ni yira tow’ath nagem.

Revelation 21:8

Machane pi’in nra paged gag ni bochan e yad be rus, nge pi’in nda ur yul’yul’gad ngog, nge pi’in ur puwlaggad, nge pi’in nra thanged e pogofan, nge pi’in ni ur ngongliyed e ngongol ko darngal, nge pi’in ur piggad nge pi’in ni ur ted fan e liyos ma yad be meybil ngay, nge urngin e pi’in ur lifithed l’ugunrad e tagil’rad e fare lipath i nifiy ni be daramram ko sulfur, ni aram e bin l’agruw yay e yam’.”

Numbers 20:12

Machane puwan’ SOMOL ngak Moses nge Aron ni ga’ar, “Bochan e de gaman e pagan’ romew ngog ni ngam dagew u p’eowchen yu Israel nib pagan’mew nga gelngig nib thothup, ma aram e dab kum pow’iyew yu Israel ngalan fare nam ni gu micheg ni bay gu pi’ ngorad.”

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Hebrews 11:26

Ya leamnag ni gafgow ni ngan tay ko moning ni fan ngak fare Messiah e ka ba ga’ fan nga urngin e machaf nu Egypt; ni fan e i par nike yip’ owchen ko tin ni kabay ngam’on ni bayi pi’ Got ni puluwoy.

Mark 16:17

Ma pi pow ni ba’aray e bayi un ngak e pi’in kug mich u wun’rad, bay yag ni ngar tulufed e pi mo’onyan’ u daken fithingag; ma bay yag ni ngar nonod nthin nu bang;

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Isaiah 7:9

Yu Israel e de gel ko fare binaw ni tochuch rok nu Samaria, ma yu Samaria e de gel ngak Pekah ni Pilung. “Fa’anra dabi muduwgil e michan’ romed, ma dab mmuduwgilgad.”

Psalms 58:11

Bayi ga’ar e girdi’, “Pi’in nib mat’aw e rriyul’ ni kan pi pulworad; rriyul’ ni bay ba Got nma pufthinag e fayleng.”

Luke 6:35

Aram e danga’! Nge t’uf romed e pi to’ogor romed mi gimed rin’ e tin ni bfel’ ngorad; ra ning be’ ban’en ngomed ni nge maruwel ngay mi gimed pi’ ma dab mu leam niged ban’en ni nge pi’ riy ngomed. Ya bay labgen ni ba ga’ nra fulweg Got ngomed, ma gimed pifak Got nib Th’abi Tolang. Ya Got e ba gol ngak e pi’in ndarir pininged e magaer ngak nge pi’in nib kireb.

Psalms 106:24

Ma aram mar dabuyed fare nam nib manigil, ni bochan e de mich u wun’rad e n’en ni micheg Got.

BABYOR NI JOB 21:14

Pi’in kireb e yad be yog ngak Got ni nge pagrad ngu’ur pired rorad; daburad ni ngar nanged e n’en ni ba’adag Got ni ngar rin’ed u lan e yafos rorad.

Psalms 78:22

ya dariy e michan’ rorad ngak ma de mich u wan’rad nra ayuwegrad.

Ruth 2:12

Mang e yigi pi’ SOMOL puluwom ko tin ka mu rin’; mang e yigi pi’ SOMOL puluwom ni polo’, ni fare Got nu Israel, ni ir e ka mub ni ngam naf nga tan pa’!”

Matthew 6:16

“Ma fa’anra mpired ni kam paged e abich, ma dab mu kireb niged owchemed ni bod nma rin’ e pi’in yad ma madag girdi’ ni yad ma yan ni kar owchen i biliggad ni bochan e ngari nang urngin e girdi’ ni kar paged e abich. Dab mpaged talin, ni aram e kem’ay i pi’ puluwon ngorad ni polo’.

Matthew 6:5

“Ma fa’an gimed ra meybil, ma dab mu boded e pi’in yad ma madag girdi’, ni yad ba’adag ni ngar sak’iygad ngar meybilgad u lan e pi tafen e mu’ulung nge yungi n’en ni madardar ko kanawo’ ni bochan e nge gubin e girdi’ me guyrad. Dab mpaged talin, ni aram e kem’ay i pi’ puluwon ngorad ni polo’!

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

Matthew 5:12

Ngari felan’med, ya bay labgen ni ba ga’ ni fan ngomed ni kan tay u tharmiy. Ya ireray rogon e gafgow ni i tay e girdi’ ngak e pi profet ni yad ba kakrom ngomed.”

Matthew 11:26

Chitamag, i gur e mu turguy ni nge yodoroy nrogon nib m’agan’um ngay.