Hebrews 11:34 - Bible Ni Thothup

³⁴ miyad thang e nifiy nib gel, ma de yag ni ngan li’rad ko saydon. Yad mme’waer machane yib gelngirad ngar gelgad; ma yad ba gel ko mael, ma aram miyad li’ e salthaw rok e pi nam.

Hebrews 11:34 Referans Kwoze

Judges 15:8

Me cham ngorad nrib el merin nge li’ bo’or i yad. Me yan i par ngalan e yiy ni bay u taban bangi rech u Etam.

Isaiah 43:2

Ga ra yan u fithik’ e ran nib to’ar ma gu bay rom; gafgow ni bay i yib ngom e dabiyag ni nge gel ngom. Ga ra yan u fithik’ e nifiy ma dab mu gak’; ma pin’en nib mo’maw’ ni bay i yib ngom e dariy ban’en nra rin’ ngom.

Psalms 144:10

Ga ma gagiyegnag nge gel e pi pilung ma ga ma chuweg David ni tapigpig rom u pa’ e riya’.

2 Kings 6:32

Me pi’ be’ ni nge yan i kol Elisa. Ma ngiyal’nem e bay Elisa nge boch e pumo’on ni pi’ilal u naun rok. Dawori taw facha’ ni kanol’og, me ga’ar Elisa ngak fa pi’in yad, “Fare tathang e pogofan e ke pi’ be’ ni nge li’eg nggum’. Ere fa’anra taw ma ngan ning e mab ndabi yib nga naun; ya en ni pilung e be lay u tomuren.”

1 Kings 19:3

Me rus Elijah, me mil nike milnag e pogofan rok; me un fare tapigpig rok ngak ngranow nga Beersheba ni bay u lan yu Judah. Me pag fare tapigpig rok u rom,

1 Peter 4:12

Pi tafager rog ni gimed ba t’uf rog, dab mu gin gad ko gafgow nib gel ni yibe tay ngomed ni ba sikeng ngomed, ni gowa ban’en ni kam gin gad ngay.

Jeremiah 26:24

Da ni pi’eg nga pa’ e girdi’ ngan thang e fan rog ni bochan e yib Ahikam ngi i ayuwegneg, nib mo’on ni Shafan e chitamngin.

Psalms 66:12

Kam pag e pi to’ogor romad ngar yot’yot’ed gamad; gu warod u fithik’ e nifiy nge sugbur, machane chiney e kam fekmad ko gin dabi buch ban’en romad riy.

Psalms 6:8

Mu paloggad rog, gimed e pi’in kireb lanyan’! I SOMOL e be rung’ag laman e meyor rog;

BABYOR NI JOB 42:10

Tomuren nike meybil Job ni fan ngak fa dalip i tafager rok, me fal’eg SOMOL rogon Job bayay, I sulweg urngin ban’en ni immoy rok Job ngak ni ruw yay nike yo’ornag ke mun nga daken.

BABYOR NI JOB 5:20

ra yib e uyongol me tem ndab mum’, mra yib e mael me yoror rom nge dab mum’.

1 Samuel 20:1

Me mil David u Nayoth ni bay u lan yu Ramah, nge yan ngak Jonathan nge yan i ga’ar ngak, “Ba mang e kug rin’? Ba mang e ren’en nib kireb ni kug ngongliy? Mang e kug bucheg rok e chitamam ni er fan nike leamnag ni nge li’eg nggum’?”

Exodus 18:4

Miki ga’ar Moses, “Fare Got rok e chitmag e, ke ayuwegneg u pa’ fare pilung nu Egypt kug par ndagum’;” ma aram me tunguy Eliezer ko bin kabay e pagel ni fak.)

1 Samuel 18:11

Me ga’ar Saul u wan’, “Nggu richibiy ko rungrung,” me pag fare sarey ngak ni l’agruw yay; me pilo’ David riy.

1 Samuel 19:10

Me guy Saul rogon ni nge rugoy fare sarey ngak David nge richibiy ko rungrung, machane me pilo’ David riy me yan i rog fare sarey ko rungrung. Me mil David rok Saul.

1 Kings 19:1

Me weliy Ahab ni Pilung ngak Jezebel ni le’engin urngin e tin ke rin’ Elijah, nge rogon nike thang e pogofan rok urngin fapi profet rok Baal.

2 Kings 6:1

Ba ulung i profet nma yog Elisa e thin rorad e lungurad ngak Elisa, “Gin’en ni gadad be par riy e kayigi achig.

Psalms 124:7

Kad thaygad ni bod ba arche’ ni thay ko wup ni tay be’ nma kol e arche’; ke kireb fare wup ka da chuwgad riy!

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”