Hebrews 11:32 - Bible Ni Thothup

³² Ere nggu ul ul ngay fa? Dakuriy e tayim rog ni nggu weliy murung’agen Gideon, nge Barak, nge Samson, nge Jefta, nge David, nge Samuel, nge pi profet.

Hebrews 11:32 Referans Kwoze

1 Samuel 16:1

Me ga’ar SOMOL ngak Samuel, “Uw n’umngin nap’an ni ngam par ni be kireban’um ngak Saul? Kug chuweg ko pilung ndab kimang pilung nu Israel. Mfek boch e gapgep ko olive, ya nggu l’ugem ngam man nga Bethlehem ngak be’ nib mo’on ni Jesse fithingan, ya kug turguy reb e pagel ni fak ni ir e nge mang pilung.”

1 Samuel 1:20

Me diyen nge gargeleg bochi pagel. Me tunguy fithingan ni Samuel, me weliy murung’agen fithingan ni ga’ar, “Gu wenig ngak SOMOL ni nge pi’ ngog.”

1 Samuel 16:13

Me fek Samuel fare gapgep ni olive nge gapgepnag David u p’eowchen fapi pumo’on ni walagen. Me yib fare gelngin SOMOL i ying ngak David ngi i gagiyegnag e rofen nem i yan nga m’on. Me sul Samuel nga Ramah.

John 21:25

Ka bo’or boch ban’en ni rin’ Jesus, ni fa’an mang e yigo’o ni yoloy nga babyor ntata’reb, ma wun’ug e dabi taw ngaray nga fayleng urngin e re babyor nem ni yira yoloy.

2 Peter 1:21

Ya dariy bbugithin ni yog e profet ni sum u laniyan’ be’, ya fare Kan Nthothup rok Got e yib i ying ngak e girdi’ ngar weliyed e thin nike yib rok Got ngorad.

Roma 7:7

Mang e nga dogned? Nge lungudad e re Motochiyel nem e ban’en nib denen? Bmuduwgil ndanga’! Re Motochiyel nem e ir e ke pateg ngan’ug ko mang e denen. Ya dab gu nang ko uw rogon ma aram e kan chogow ni fa’an mang e dawori yog e re Motochiyel nem nike ga’ar, “Dab mu chogow.”

Roma 4:1

Ere mang e nga dogned u murung’agen Abraham ni ir e chitamangidad? Be mang e pir’eg?

Roma 3:5

Fa’an mang e ngongol nib kireb ni gadad be ngongliy e ir e be gagiyelnag feni mat’aw Got me ere mang e ku ra dogned? Gur fa’anra gechig nagdad Got ma nga dogned nike ngongliy ban’en nib kireb? (Gu be welthin nrogon e leam nma tay e girdi’.)

Acts 13:20

Gubin e pi n’ey ni rin’ u lan gonap’an aningeg mir’ay nge wugem e duw. “Tomuren e biney me pi’ ngorad e pi tapuf oloboch, ni nge mang yad e rogned e thin rorad nge yan i mada’ nga nap’an Samuel ni profet.

Acts 10:43

Urngin e pi profet nra weliyed murung’agen, ni i lungurad e urngin e pi’in nra mich Jesus u wun’rad e ra bagayad mra n’ag Got fan e denen rok u daken gelngin fithingan Jesus.”

Acts 3:24

Ma pi profet nib mu’un Samuel ngay nge tin nrabad nga tomuren, ni urngin e pi’in nra weliyed e thin rok Got ngak e girdi’, e ku ra weliyed murung’agen e tin daba’ e rran.

1 Samuel 12:11

Me pi’ SOMOL Jerubbaal, nge Barak, nge Jefthah, nge gag Samuel nggu chuweged gimed u pa’ e pi to’ogor romed, mi gimed par ndakuriy e riya’ u puluwmed.

2 Peter 3:2

Gu ba’adag ni ngam leam niged fapi thin ni i yog fapi profet ni kakrom ni yad ba thothup, nge motochiyel ni yib rok Somol ni ir e ma thapegdad ngak Got ni fapi apostel romed e karogned ngomed.

James 5:10

Pi walageg ni girdi’en Kristus, mu tafinay niged fapi profet ni yad owchen Somol ni ur weliyed e thin rok. Mu filed rorad rogon e gumaen’ nge kadan’ ni ur ted u tan e gafgow ni un tay ngorad.

Roma 6:1

Ere mang e ngadogned? Nge lungudad e ngu’ud pired ni gadad be denen nge yag ni ga’ e runguy rok Got ngodad?

Luke 16:31

Machane me ga’ar Abraham, ‘Fa’anra dab ra motoyilgad ngak Moses nge pi profet, me mus ni fa’anra nge fos be’ ko yam’ nge yan i yog e thin ngorad, ma ku dabi riyul’ u wun’rad.’ ”

Luke 13:28

Ri bay um yorgad ma be chachafin nguwelmed ko ngiyal’ ni bay mu guyed Abraham, nge Isak, nge Jakob, nge urngin e pi profet ni yad bay ko gin nsuwon Got, ma kan taymed u wuru’!

Matthew 5:12

Ngari felan’med, ya bay labgen ni ba ga’ ni fan ngomed ni kan tay u tharmiy. Ya ireray rogon e gafgow ni i tay e girdi’ ngak e pi profet ni yad ba kakrom ngomed.”

Jeremiah 15:1

Me ga’ar SOMOL ngog, “I mus ni fa’an mang e ba sak’iy Moses nge Samuel u roy ni yow be wenig ngog, ma dab gu runguy e girdi’ nu Judah. Mu guy rogon ngar chuwgad u p’eowcheg.

Psalms 99:6

Moses nge Aron e yow e prist rok, me Samuel e be’ ni i meybil ngak; ra pininged SOMOL, me fulweg lungurad.

1 Samuel 2:18

Me par fare pagel i Samuel ngi i pigpig ngak SOMOL, ma chuw ngalan ba mad nib wech nrogon e prist.

1 Samuel 2:11

Ma aram me sul Elkanah nga tafen nga Ramah; me par fachi pagel ni fak u Shiloh, ngi i pigpig ngak SOMOL u tan pa’ Eli ni prist.

Judges 13:24

Me gargeleg fare pin bochi pagel me tunguy Samson ngak. Mi i ilal fare tir, me par SOMOL ni be ayuweg.

Judges 6:11

Ma aram me yib e engel rok SOMOL ko fare binaw nu Ofrah nge yib i par nga but’ u tanggin fare ke gek’iy ni oak ni fi’in Joash, ni be’ ko fare ke girdi’ rok Abiezer. Be’ nib mo’on ni fak ni Gideon fithingan e ke mith ni be gunugunuy e wheat u lan ban’en nma uduy e grape, be mith rok piyu Midian.

Judges 4:1

Nap’an ni yim’ Ehud, me denen e girdi’ nu Israel bayay nib togopluw ngak SOMOL.

Judges 6:1

Me denen e girdi’ nu Israel nib togopluw ngak SOMOL, me pag e girdi’ nu Midian nge mang yad e ur gagiyeg niged piyu Israel ni medlip e duw.

Judges 6:14

Me yog SOMOL ngak e n’en nge rin’, ni ga’ar, “Mman ngari mus rogom riy ngam laeg yu Israel u pa’ yu Midian. I gag e kug l’oegem.”

Judges 15:20

Me par Samson ni ir e be gagiyegnag piyu Israel ni rliw’ e duw, ma yu Filistia e yad be tay murung’agen fare nam.

1 Samuel 2:4

Gat’ing rok e pi salthaw ni yargel e go’ ke m’ing, machane pi me’waer e yad be gel i yan.

1 Samuel 17:45

Me fulweg David ni ga’ar, “Kam fek e saydon ni yima rugoy nge sarey ni yima yin’, machane gag e ku gub ngom u fithingan SOMOL ni Gubin ma Rayag Rok, ni ir e Got rok e salthaw nu Israel ni ga be darifan nagrad.